ضربت زوجي
[السلام عليكم و رحمة الله و بركاته
اننا اكتب هذه الكلمات و كلي اسى و ندم لما فعلت
اعترف اني غلطت و انه مهما كان ما يجوز اللي سويته
ولكن بدون وعي غصب عني
ما اطول عليكم اقلكم اللي صار
انا لي سنتين و نص متزوجه و ما حملت حتى الان
و كل ما حملت وحده من اهله يخبو عليا و كأني غريبه عنهم
يمكن عشان انا ما حملت و خايفين على مشاعري و لا يجرحني الخبر ؟؟
والله اني لما ادري من احد غريب ازعل و نفسيا اتعب لانهم متعمدين ما يقولولي
بالعكس انا افرح لهم كتير والله
من 4 ايام خرجنا انا و زوجي مع اهله تمشينا و كنا في قمة الانسجام و الصراحة انا احب اهل زوجي جدااااااا و احب ام
زوجي مثل امي تماما
ولكن اول مره اطلع معاهم و يعاملوني كالغريبه و يحسبو لكلامهم الف حساب و هم قدامي
في البدايه ما اهتميت و لكن وقت العشاء على السفره كنا ناكل و ام زوجي و بنتها بعيدين عني و ما كان كلامهم واضح
لكن اللي سمعته (لا تاكلي جرجير كثير مو طيب لك
و لا تكثري من القهوه لانها تسبب الحموضة و ....... و .......... المهم هذي كلها اطعمه تؤذيكي هذه الفتره
كنت مذهوله؟؟؟؟
انا اليوم كله و انا معاهم تكلمنا بكل المواضيع الا ان اخت زوجي تكون حامل
طيب هل هي حامل فعلا؟؟
ما سألتها خفت لا ابكي
بس اللي حصل بعدها هو اللي حيرني
اول ما دخلت السياره راجعين البيت سألت زوجي
هل اختك فلانه حامل؟؟؟
تظاهر انه لم يسمعني و غير الموضوع
رجعت سألته مره تانيه و قال ما ادري
من وقتها و هو كل كلامه معايا في البيت للضروره فقط
انتظرته الين ينام و بكيت بحرررررررررررقه و حسره و الم لما حصل
لكن اللي فا جأني انه حتى اليوم و هو مثل او الهول و لا كلمه ولا حرف و لا ينام معايا بغرفة النوم كأني مو موجوده اصلا
قلت اكيد مشتهي عيال بس ما يبغاني احس بالنقص
هل انا غلطانه في شئ؟
اللي فا جأني و هز كياني اليوم بعد العشاء صحيته من النوم (كان نايم بغرفة المعيشه)
عملت ساندويشات و عصير و جا جلس عشان ياكل
سألني : كلمتي فلانه ......(زوجة صاحبه)
قلت لا خير في شي؟؟
قال لا بس هي دقت اليوم العصر تسأل عنك و انتي نايمه
ما خلص من كلمتخ الا و كان التلفون يرن
طالعت الا هو رقمها
أنا: الو نعم؟
هي دودي كيفكم دقيت اليوم و انتي نايمه و و و
انا : انتي تدري انا كل يوم انا انام دا الوقت
هي بارتباك : ما ادري........... على فكره انا دقيت امس كمان كنت ابغى اعزمك على الغدا في مطعم انتي و زوجك و زوجي طبعا بس زوجك قال انك نايمه
انا قلت لزوجي:ليش ما قلتلي عن العزيمه ؟؟؟
زوجي : خليها تحكيكي عن الحلم
انا : حلم؟؟؟؟؟
هي : ايوه شفت زوجك في حلم و حصل كذا و كذا ..................
انا : المعذره يا ام فلان انا دحين بأتعشى و ما اقدر اتكلم
حسيت ان كل ما بي ينتفض غضبا
و الله مدري كيف مسكت اعصابي و ما غلطت عليها
زوجي : ليش ما حكتلك الحلم ؟؟
انا : اكل اول لا يبرد الاكل ؛ انت احكيلي احسن و ابتسمت ابتسامة غباء
زوجي: لا هي تحكيلك احسن
انا : .......................
ليش ما قلتلي ان مرة صاحبك دقت امس ؟؟
زوجي:انتي نايمه
انا:ليش ما يكلمك صاحبك و يطلبك تخرج معام للغداء؟؟
زوجي: ما ادري
أنا : تحكيك انها حلمت بك و امس تتصل و انا نايمه و تعزمنا و و و و (ذكرته بمواقف سابقه ) و انت لك كم يوم ما تكلمني و لا تعبرني
و يوم في شي عنها ترجع تكلمني؟
هل هي مهمه لهذه الدرجة؟؟؟؟
ما كملت كلامي و انا مقهوره اخذت اكلي و دخلك غرفة المكتب و قفلت الباب بقوة
دخل و قال : عيب عليكي تتصرفي بهذا الأسلوب
ساعتها ما حسيت بنفسي الا و انا اقوم و ادف الباب و هو ممسك بالباب و انا ارفع صوتي و اقله يبعد وهو يعاند
قلتله حرام عليك ما ابغى اشوف وجهك لك كم يوم كأنك ماتدري اني مهمومه و انت ماتكلمني ولا تدري عني
ويوم تكلمني و تضحك يكون السبب زوجة صاحبك؟؟؟
اترك الباب
و صرت ادفه حتى حسيت بألم شديد في ظهري (كنت اعاني منه منذ اسبوع تقريبا ) وقتها للأسف الشديد ((ضربت زوجي ))
هددني ان مديت يدي عليه تاني .......... لكني تركت الغرفة و اغلقت باب غرفة النوم و بكيت من الألم اللي في ظهري و القهر
اعترف اني غلطانه
بس لا تنسو اللي سواه فيني
بعد يمكن ساعتين اتصلت بس زوجة صاحبه تسأل (زوجك خرج)؟
قلت ما ادري و باستهزاء قلت بعدها هو ما قاللك انه خارج او لا؟؟؟
قالت : تجي عندي؟
قلت : لا
قالت: اجيكي
قلت لا
و من وقتها زوجي خرج و ما ادري فينه ولا ابغى اعرف
__________________
رب لا تذرني فردا و انت خير الوارثين
31-07-2006, 02:21 AM
ضوابط المشاركة
العرض الشجري