السلام عليكم و رحمة الله و بركاته
صاحبة الموضوع هي سلفتي العزيزه (زوجة اخ زوجي)
سافر زوجها خارج السعوديه للعمل 4_5 أيام
و هم ولله الحمد يحب بعضهما الاخر و ثمرة حبهما 3 أطفال اصغرهم عمرها سنه
تأجلت رحلة العوده لازدحام الحجوزات و الطائرات كلها فل عشان الصيف
المهم ...... (هم عندهم d s l ) يعني الأنترنت شغال على طول
جاتها رساله فوريه على ماسنجر زوجها من وحده اسمها (نوغا باللوز)
في البدايه جاتها صورة قلب أحمر
؟
؟
؟
هي ما ردت و طنشت وقلبها مولع من الغيره
خالد حبيبي؟؟؟
الا نطت من القهر
مين دي اللي تعرف زوجي و لا كمان تعرف أسمه؟؟؟
جلست مسمره قدام شاشة الكمبيوتر مصدومه
البنت رجعت ترسل تاني ......... خالد حبيبي وحشتني
وقلب احمر تاني معاه ورده
خلودي ؟ و بوسه
كتبت الزوجه ردا عليها : ؟؟؟ انتي اكيد غلطانه أنا مو خالد
ردت البنت : انا متأكده والله انت خالد الفلاني (اسم العائلة)
مو معقول تكون غلطانه في اسم العائله كمان؟؟ هذا اكيد زوجي
لحظات صمت رهيبه عدت وهي تقرا مو مصدقه ان زوجها حبيبها يخونها
المشكله انها ما تعرف رقم الفندق اللي هو فيه
صارت تفكر في اللي شافته و تبكي و تحضن اطفالها و هي مقهوووووووره
فين الاقيه؟؟؟
اقله ولا لأ ؟
كانت تبكي و في نفسها تقول أكيد هو معاها دحين سافر عشانها و.... و......
اتصل زوجها يطمن على بيته ...أخيرا
هي : نعم
هو : خير يا زوجتي الغاليه كذا تردي؟؟ كدا تستقبلي اتصالي ؟
هي : نعم ؟ اش تبغى مننا؟
هو : ابغى سلامتكم (هو خاف منها ) كيف الأولاد و انتي عساكي بخير
هي : خليك هناك لا ترجع
أنا عارفه انت ليش أجلت رحلة الرجوع و أنا عارفه أنك معاها خليها تنفعك و لا ترجعلي أنا ما ابغاك
خسارة السنين اللي عشتها معاك و و و
طبعا اي رد كان يرده ما سمعته و قفلت السماعه
رجع اتصل مرة تانيه
هو : الو اسمعيني انا في غربه و طفشان
هي : أحد يمل من النوغا باللوز ؟؟؟؟
هو : نوغا باللوز؟؟
هي : سويلي مو فاهم؟؟
هو : والله مو فاهم ولا شي ارجوكي انا مو ناقص
هي : البنت اللي على الماسنجر
هو : أي بنت ؟
هي : اللي انت مضيفها عالماسنجر ايميلها ........
هو : والله ما اعرف أحد بذا الأسم؟
هي : انت كذاب حقير و و و
هو : زوجتي الغاليه و يضحك
هي : لا تغير الموضوع مين هذي؟
هو : حبيبتي شوفي الأسم اللي في الماسنجر انتي متأكده انه اسمي و ايميلي؟؟؟؟
اكتشفت الزوجه انه ليس ايميل زوجها
هي : طيب كيف تفسر انها نادتك بأسمك ؟؟
هو : هي ما تقصدني تقصد خالد أخوكي ( على فكره هم أولاد عم ) يعني نفس اللقب
هذي خطيبته
الزوجة في قمة الاحرااااااااااااااج زوجي العزيز أنا اسفه
_انتهى_
02-08-2006, 08:41 AM
خيانة القلب الأحمررر
ضوابط المشاركة
العرض العادي
