كنت قد كتبت لكم من فترة عن خطيبى وشكه الدائم فى.. المهم بعد فسخ خطوبتى وبعد محاولات كثيرة جدا منه بأننا نرجع لبعض وافقت ولكن بشروط انه ما يشك فيا ويثق فيا تماما.لكن باشعر اوقات كتير انه بيتسلى بى ويضيع وقته معايا لانه كل ما اسأله عن الزواج مرة يقول بعد سنة ومرة يقول بعد سنتين انا واثقة انو بيحبنى جدا وانا ما قدرت اخبى كل ده جوايا وكلمته وصارحته بكل اللى جوايا اتضح السبب انه منتظر اخته تتخطب الاول عشان هى اكبر منه وامه كتير زعلانة عشان هو يخطب قبلها وانا قلت له يعنى بتربط مصيرى بمصير اختك هل اخطأت لما قلت كدة؟؟؟ وده فى الاخر نصيب المهم قلتله انى خايفة من كل ده وحاسه انك بتتسلى صدمنى بكلامه لما قال كفاية انى استحملتك كل ده وصبرت عليكى وانتى منكدة عليا حياتى وكل يوم نكد وقال انى مو حاسس انى مرتبط اصلا بحس انى بكلم اخوى اتصدمت كتير من كلامه كل ده عشان بدور على حقى وعايزة اعرف مستقبلى معاه؟ مش عايزة اضيع عمرى اكتر من كده لانى قبله كنت مخطوبة 4 سنين ومن حقى انى اسأل وأخته على عينى وعلى راسى بس انا فين من كل ده وما راح اقدر اتحمل صدمات تانى مضى حوالى اسبوع على ذلك هل انا اخطأت لما صارحته بمخاوفى وقلقى زى ما هو خايف على اخته لى اهل بيخافو عليا ونفسهم يفرحوا بى اليس من حقى ان اعرف مصير خطبتى له؟ هل اتركه حتى احافظ على ما تبقى من كرامتى ؟ مو عارفة افكر ولا اقرر انا كتير تعبانة ومش عارفة اعمل اى حاجة غير انى ابكى وادعو الله وواثقة فى ارائكم جدا وعارفة انى لى اخوات هيساعدونى منتظرة ارائكم واعتذر منكم عشان كلامى مو مترتب بس اتمنى ان المشكله تكون وصلتكم واسفة على الاطالة بس ساعدونى

__________________

يا مقلب القلوب ثبت قلبى على دينك