سمعوا بقول لكم

آنا متزوجة و تدرون الحياة تتغيــر و الروتين الملل يسيطر على حياتنا بس لازم نغير صح ..

عاد كل شيء رومانسي و معروف سويته لزوجي (( ورد ، شموع ، هدايا ، مفاجآت )) و صار لي تقريبا شهرين ما هديته شيء .. و هالايام بعد بدأت الجامعه ولا اشوفه كثير

اممممممممممم ادري انكم متحمسين تبون تعرفون الحركه

المهم مره خطرررررررررررت في بالي فكره تدرون شنو هي ؟؟؟؟؟؟

رحت قرطاسيه للي يبيعون فيها اقلام و اغراض مدرسه و بعد يسون انشطه و بحوث حق الطلاب

و سويت عندكم هذه الحركه زززززززين بقول لكم ايش هي قبل ما تلطشوني

خليتهم يصممون لي شهاده من ورق مقوى و يكتبون فيها


(( شهاده تفـــوق )) العنوان

هذه الشهاده منحــت الى ............... ( الاسم الكامل عشان شهاده رسميه ) و ذلك لاتمامه .........(المده الزواج ) من

الزواج بعلامه امتياز ، حيث اجتاز الزوج هذه المـدة بالحب و الاخلاص و القلب الحنون . حيث منحت هذه الشهاده

كدليل على الكفاءة العاليه و الجدارة في الحياة الزوجيه .


زوجـــــــتك ....................( الاسم الكامل )

( التوقيع )


و ما حبيت تكون الشهاده طويله عشان الشهادات الرسميه مافيها كلام وايد ... 3 اسطر بالكثير

وحطيت الشهاده في سيارته و فوقها ورده .. والله انهببببببببببببل و ضحكته ما تفارق فمه . . و راح تشوفون التغير

اللي راح تسويه هالشهاده .. عزمني على مطعم و على سينما و اشترى لي فستان و ساعه كان خاطري فيهم



و طبعا حبيت اعطيكم هالفكره عشان حياتكم يصير طعمها احلى

ولا تنسووووووووووووني من الدعاء