سامحيني يازوجتي..تكفيني الهموم بكل يوم !!
بسم الله الرحمن الرحيم
السلام عليكم و رحمة الله و بركاته
أخواني وأخواتي
البارحة حصل موقف لي مع زوجتي
راح أسرد لكم بعد المقدمة :
بعد يوم ملئ بالأحزان والهموم بسبب خارج عن إرادتي
وزوجتي طبعاً متضايقة علشاني
المهم بعد صلاة المغرب جلست مع زوجتي نتناول أكله بسيطة مع الشاهي ورحت صليت العشاء ورجعت وبعد جلسه بسيطة
زوجتي طلبت إن تروح عند خالها
أنا طبعا ما عندي مانع..بس سيارتي مع الوالد وسافر بها لكي يحضر حفل زواج في العاصمة
وقلت لزوجتي ما عندي سيارة ...كيف أوصلك ؟!!
قالت شوف أي واحد من أقاربك
قلت أوصلك مو مشكله بس كيف أرجعك !!
إلأا إذا تبين تنامين عند جدتك
قال لا..أبي أنام عندك..خلاص مو لازم أروح.
طبعا أنا تضايقت علشان زوجتي..حسيت إني مقصر معها وظالمها معي في حياتي
خاصة إننا متزوجين قبل 7 شهور
وقلت لها كذا مرة
ليتك متزوجة شخص حالته المادية أحسن من حالتي
وكانت دائم تعاتبني على هذا الكلام
طبعا بعد ما قالت مو لازم أروح
أنا نمت على الكنب لأن فيني طبع إذا كنت متضايق أنام !!!
المهم صحيت بعد ساعه تقريباً
وحصلتها رايحه لغرفة النوم وجالسة تلعب في الجوال
جيت جلست عندها وقلت لها حبيبتي ليش جالسه في الحر ؟
قال أجل وش أسوي ؟
قلت كان شغلتي المكيف
قالت مو لازم
المهم أنا قمت ورجعت لمكاني ( لأني مو عارف كيف أتصرف..المصائب تجي مرة وحده بوجهي )
وبعدين جت عندي وطلبنا أكل من برى وتعشينا الساعة 10 وما قمنا من مكانا إلا الساعه 1 وربع
كنا نسولف ونضحك
المهم أنا طلعت من الشقه وزوجتي بالمطبخ
ورجعت لقيت المطبخ ما فيه أحد
ظنيت زوجتي جالسه بغرفة النوم
أنا أردت دخول دورة المياة
وما إن فتحت الباب حتى وجدت زوجتي في الحمام لقضاء الحاجة
أنا صكرت الباب ورحت علطول لأني والله لما جيت أدخل كان تفكيري مو معي
المهم زوجتي خرجت وما إن شاهدتي إلا وغطت وجهها
أنا جلست عند الكمبيوتر
وهي راحت المطبخ تكمل الغسيل
وكنت أنتظرها وتأخرت
والنتيجة أنها ذهبت لتنام
أذن الفجر
رحت أصحيها لكي تقوم للصلاة ولكن كانت تغطي عيونها وما ناظرتني
رحت صليت ورجعت
وصحيتها ولا صحت
طفيت نور الأبجورة وبعدين قامت تصلي ورجعت ولا كلمتني
حاولت أنام ولا قدرت
وقمت من السرير وكتبت الموضوع !!!!!!!
الحين ودي أعرف وش سبب زعل زوجتي وصدها عني ؟
كيف أتصرف مع زوجتي وأرضيها ؟
وهل تظنون أن زوجتي محرجة مني ولا تستطيع أن تواجهني ؟!!!!
08-08-2006, 06:16 AM
ضوابط المشاركة
العرض الشجري