لي صديقة عندها مشكلة
وما لقت غيري تفضفض وما عرفت كيف احل مشكلتها
قلت لها بس يومين واعطيك الحل
طبعا انا ما لقيت غيركم
المشكلة مب عويصة بس تحتاج الى اهل الخبرة منكن وكل وحدة تعطيني من تجربتها
................................
صديقتي زوجها لهم سنة تقريبا متزوجين
يحبون بعض
لكن تكمن المشكلة في اختلاف التربية وطريقة التفكير بينهم
هي طريقتها اذا في مشكلة معاه ان تناقشة بهدوء في المسألة
بينما هو ما يحب النقاش في المسألة ويفضل انهم ينسونها ويتصرفون كأنه ما صار شئ
بس هي طبعا رافضة لأن اول ما تصير مشكلة ثانية تطلع اثار المشكلة الي قبل
هو متعود ان اذا زعلان منها يقوم يصرخ عليها امام اهله ، هي طبعا ما ترضى وتحس انها اهانة ، هو يقول عادي موقصدي ، وفعلا هو يتعامل مع اهله بنفس الطريقة اذا زعل منهم
في بداية حياتهم كانت تصير خلافات كثير ، طبعاا كانت دايما تسألني اذا تصالحه وانا دايما كنت اقول لها حديث الرسول صلى الله عليه وسلم ان لازم تراضيه ومن هالكلام >>>> مسوية روحها خبيرة
بعد فترة جاتني وقالت لي كله بسببك ، صار متعود انه هي دايما تراضيه وما عنده مشكلة يسوي كل يومين مشكلة لانه في الاخير هي اللي بتراضيه>>> انا طبعا توهقت وقلت لها المفروض ما تاخذ بنصايحي لاني للحين
بس لها فترة متزاعلة وياه و هل المرة مب راضية انها تكلمه تقول لازم هو يبدأ لأنه هو فعلا غلطان
بس حسيتها هاليومين مترددة وخايفة تطول السالفة اكثر
وقالت لي اشرايك ....عاد المؤمن لا يلدغ مرتين ...قلت لها صبري وبعطيك نصيحة من اهل النصايح
انتو يا المتزوجات اشرايكم في الموضوع
وهل كثرة المشاكل في اول سنتين امر طبيعي ... وبعدين تخف تدريجيا
ماذا تنصحونها بالنسبة للمصالحة هل دائما تبدأ هي ؟؟؟
طريقة حديثه مع الاخرين فيها نوع من تقليل الشأن وعدم الاحترام ... هل تمشيها ؟؟؟
ولكم جزيل الشكر
.
.
.
اسماء

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)