صراحه انا صارلي مثل هالموقف في بداية زواجي وتوني ماكملت سنه من زواجي
كنت مثلج افضفض بالكتابه كل شي يضايقني اكتبه بس ماكنت احتفظ فيها ارميها على طول
لكن في مره كنت زعلانه من امه وكنت اصيح بغرفتي فكتبت كلام عنها اشرح قسوتها وانها مو طبيعيه وكل شي
ولمن ارتحت عفست الاوراق ورميتهم في الزباله الصغيره اللي بغرفتي وكانت الزباله فاضيه مافيها غير الاوراق اللي رميتها
وكنت كاتبتهم الظهر قبل يوصل زوجي من الدوام وتفاجات بزوجي في الليل يناديني ويحط الاوراق جدامي
ياهي صدمه لي
ماتخيلت ابدا انه ممكن يشوف اللي كتبته !!!!
بعدين في حد ينبش في الزباله !!!
والا يمكن انا من زود الثقه رميت الاوراق حتى ماكلفت عمري اشققهم عدل
وردة فعله .... زعل مني وماعرفت شقول وبالعافيه شرحت له السالفه واني افضفض بورق افضل من اشكي لحد
احتفظ فيهم لفتره ومارماهم بس بعدين زعلت عليه وقلت له انا كتبت اللي بقلبي ورميته واذا للحين محتفظ فيه يعني انت اللي تغلط على امك وعلي
وقتها عطاني الاوراق وطلع وانا شققتهم فتافيت صغار والله ماحبيت حتى اقراهم ابي اتخلص منهم
ومن بعدها تعقدت وماصرت اكتب شي ابداً اللي في قلبي بقلبي وهو وقدرته على التحمل
وبصراحه اكثر انا اللحين ماصرت احتاج الى ورق افضفض ولا اصيح ولا شي
افضفض مع زوجي كاش وارتاح
وبصراحه اريح من الكتابه
ونصيحتي لج تخلصي من هالمصيبه اللي اسمها ذكريات سيئه عن الزوج
وبعد فتره قولي له تصدق كان عندي دفتر مذكرات اي شي يضايقني اكتبه فيه وبنتي عفسته ورميته كان يخليني افضفض احسن من الهذره مع الحريم بس يالله شكلي ماقدر استمر معاه مع هالبنت او اليهال اذا عندج غيرها
وبس خلاص هو بيفهم اذا كان قرا المذكرات او ماراح يدري وش تقصدين اذا ماقراها
وفي كلتا الحالات انتي بترتاحين نفسيا لانج بررتي تصرفج
وتحياتي لج
__________________
.................. رفقاً بالقوارير .....................