هل مرت بكم هذة اللحظات؟؟ - منتدى عالم الأسرة والمجتمع

23-08-2006, 02:02 AM

عيون فتانه

قلب المنتدى النابض

تاريخ التسجيل: Dec 2005

المشاركات: 2,399

هل مرت بكم هذة اللحظات؟؟

السلام عليكم ورحمة الله وبركاته
عندي سؤال للاخوات والاخوان هل مرت عليكم اوقات ندمتو فيها على زواجكم سواءالندم بسبب الزواج ككل او بسبب شريك الحياة ،،لاني تمر علي اوقات اندم اني تزوجت في سن 18 سنه واقول ما استانست في حياتي على طول مسؤوليه وعيال وهم على القلب واحيانا اندم اني تزوجت زوجي بسبب سلبياته اللي مو راضي يغيرها ،،،،لكن في النهايه ارجع واحمد ربي على النعمه اللي الله عطاني ايها ومن كثر ما افكر كتبت هالشعر ياليت تقرونه وتقولون لي رايكم

كنت احلم بالزواج وكنت احلم بالعيال
واحلم بحياة حلوه اعيشها في ظل ريال
وفكرتي عن الزواج كانت خيال بخيال
حب ورومانسيه وسعادة وطولة بال
وشلونج يا حبيبتي وانت يا عمري كيف الحال
وغير الحب وكلامه ما خطر شي على البال
ووجود المشاكل والزعل بيكون من المحال
وتزوجت والبدايه طبعا على هالمنوال
ولكن مرت الايام والسنين والزمن بنا طال
جفت فرق السما والارض بين الواقع والخيال
جفت ان الزواج مسؤوليه وعوار راس وقربال
والمسؤوليه على راس المره اكثر من الريال
اوامر من الريل وهذا غير طلبات العيال
فلانه يبي لي ويمه سوي لي واختي تبي وابوي قال
والريال وايد تغير وصرت اجوفه بعدة اشكال
مره يكون رومانسي ويسويني ملكة جمال
ومرات يقعد معاي جنه قاعد مع تمثال
ومن تزوجت الف مره اقول صدق اللي قال
الزواج مقبرة الحب ولا غيره كلام ينقال
بس ارجع واقول الحمدلله على كل حال
ناس تتمنى الزواج وناس تتمنى العيال
وناس تتمنى الاثنين بس البخت بهم مال
احمد ربي واشكره على كل الاحوال
الحمدلله اني تزوجت والحمدلله على العيال

__________________

لا اله الا انت سبحانك اني كنت من الظالمين

23-08-2006, 02:23 AM

norliffe

عضو نشيط جدا

تاريخ التسجيل: Jul 2006

المشاركات: 456

حبيبتي مشكلتك تحسي بالروتين
غيري حياتك وما راح تحسي بهداالروتين والاحباط
وحتى زوجك ما يحس انه بيته صار روتيني
اشغلي نفسك
كل يوم حضري جديد لزوجك وحياتك
اخواتنا بالمنتدى ما قصرو جزاهم الله الف خير

استفيدي منهم ومن نصائحهم
وما راح تحسي كدة بالعكس راح تحبي الحياه الزوجية اكثر واكثر
وتحبي زوجك اكثر واكثر
يارب اكون قدرت افيدك
تحياتي

23-08-2006, 02:44 AM

درعــــاوية

عضو نشيط جدا

تاريخ التسجيل: Apr 2006

المشاركات: 375

شوفي حبيبتي هذه كلها وساوس الشيطان

لا تخلي ابليس يلعب في راسك
ولا تعارضين اللي كتبه ربي لك
وارضي فيه واصبري صديقيني راح ترتاحين وفي نفس الوقت تنالين الاجر والثواب على قناعتك وصبرك باللي كتبه لك رب العالمين

__________________

23-08-2006, 02:53 AM

دلـ ام ـع

عضو دائم

تاريخ التسجيل: Aug 2006

المشاركات: 52

والله ترى كل شئ

حسب قناعات الشخص

انا متزوجه وعمري 18

ومبسوووطه وطايره من الفرحه

وما في شئ بالحياه احسه طافني لما تزوجت

ناس تقول ما عشت شبابي وخرابيط

بالعكس حلاوه الشباب مع زوجك

لا تتوقعي ان ربعك او صديقاتك او خوياتك مبسوطين وعايشين شبابهم بدون زواج

هذا كلام في كلالام

تلاقين كل وحده تقول متى اتزوج

الزواااج بحده ذااته متعه ووناسه

اذا ما كان عندك ندم او اعتراض في اختيار زوجك

اماا اذا كنتي ندماانه ع زوجك هاذي مشكله حاولي تلقين لهااا حل

أختي المباركة ... أرجو منكِ تغيير الصورة الرمزية لمخالفتها تعليمات الكتابة بالمنتدى .. وشكرا جزيلاً لكِ
المراقب / النور والحنان

التعديل الأخير تم بواسطة النور والحنان ; 27-08-2006 الساعة 03:54 PM

23-08-2006, 03:51 AM

فانتا فراوله

عضو جديد

تاريخ التسجيل: Jul 2006

المشاركات: 40

انا بعد تزوجت وعمري 18 وصديقاتي توهم يتزوجون

ومااحس اني ماعشت حياتي بالعكس احلى ايامي بعد الزواج

بس ممكن من الملل وكثره المسؤليات وتشوفين صديقاتك فاضين علشان كذا تحسي انك ندمانه

__________________
انا من موقف المره الاخيره عرفت انك تبي باي حاله تزعل

تبي تمسك على زله صغيره تصد بنظرتك عني وترحل

انا محتااااااج من قلبك ضميره

تجاهلت الغلا ولاانت تجهل

23-08-2006, 03:56 AM

norliffe

عضو نشيط جدا

تاريخ التسجيل: Jul 2006

المشاركات: 456

اقتباس:

المشاركة الأصلية كتبت بواسطة فانتا فراوله

حبيبتي الغالية ما في حد احسن من حد
لو سالتي صحباتك اكيد راح تلاقيهم هما كمان بيشتكو من الملل والروتين
اختي في الله
شوفي النعم الي انعم الله بهاعليك
واشغلي نفسك واهتمي بزوج وبيتك
وما راح تحسي بالملل ابدا
ولا تنسي دينك ودعاءك

23-08-2006, 05:18 AM

Nergis

عضو متألق

تاريخ التسجيل: Apr 2005

المشاركات: 742

انا الحمدلله كمان اتزوجت وعمري 18
وبالعكس انا اوؤيد زواج البنت من بدري

بس احيانا يمكن كثرة الضغوط تتأثر النفسيه
واتمنى منك ابدا ماتتندمي انك تزوجتي

امن عن الشعر بصراحه

كذاااااااااااااا

__________________
عمـــيت عينا لاتجعلك عليـــها رقيبا

23-08-2006, 05:24 AM

Problem

عضو دائم

تاريخ التسجيل: Apr 2005

المشاركات: 64

انا اتزوجت و عمري 17

واندم اني اتزوجت صغيره لسبب واحد بس

اني ماكنت اعرف الحياه الزوجيه كويس وما كنت اعرف اتعامل مع المشاكل اللي تواجهني

والله يديم السعاده بيننا

23-08-2006, 08:22 AM

الزنانة

عضو جديد

تاريخ التسجيل: Jul 2006

المشاركات: 14

أنا مثلك تزوجت وعمري 18سنه ورزقني الله بأطفال بدري أحياناً لما أشوف بنات عمي اللي بعمري وصديقاتي كلهم ماتزوجوا أحس أني ماتمتعت خصوصاًأيام الأمتحانات أجلس أبكي لأني ماأقدر أركز في المذاكره أو إذا مرضوا أطفالي بس إذا شفت وقفه زوجي معي أحمد ربي وأشكره

__________________
إلـــــــــــى زوجـــــــــي الغـــــالي

23-08-2006, 08:38 AM

#10

عتيجة الصوف

عضو دائم

تاريخ التسجيل: Apr 2006

المشاركات: 50

[I]هلا اختي عيون فتانة ......الابيات جداً حلوه واعجبتني خفيفة وموزونه بشكل حلو

اول ماتزوجت وتكون المشاكل بيني وبين زوجي اي نعم كنت اندم ان انا تزوجت ويا ليتني ماتزوجت ...واندب الحظ اللي خلاني آخذه ها..ها

بس بعد مرور السنين وجبت العيال حتى لما اتصير مشاكل بيني وبينة ماعاد تجيني فكرة الندم بزواجي به صج اثور واعصب بس اندم لا بالعكس اقول الحمدلله على نعمة

الاستقرار اللي انا عايشتة لأني دائماً افكر لو ماتزوجت وقعدت في بيت أهلي من بيدوم لي ما عندي عيال ولا زوج والمشاكل لاحقتني في حياتي لاحقتني وان اختلفت في العزوبية او اني اتطلق واقعد كذا لا

والله افضل حياتي الزوجية بمشاكلها وهموها وحلوها وحتى لو في مشاكل بيني وبينة لحظة الندم اني تزوجتة وماعاد تمر علي لأني كنت صغيرة وماأفهم كثير بالحياة الزوجية بس الحين الحمدلله فهمت وش هي

الحياة الزوجية وياحلو الرضا بعد الزعل واصلاً هذه بهارات الحياة الزوجية[/I]

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه