معاي في الداوم وحدة منفصلة.. كلامها وحياتها وتفكيرها كله عن الزواج عموما والجنس خصوصا
كانت تصرح انها لو ماتتزوج خلال فترة معينة بتنحرف!!
اول ماتوظفت انا كانت نهاية زواجها الأول تجي وهي تبكي وجسمها مبقع من الضرب
لو تطلبها المديرة تقول بعد شوي بجيك بفطر الا اذا كان عندك رجال جيتك طيران << هذا كلامها للمديرة فما بالكم معنا!!

مرة قلت لها ترى كلامك يأثر عليك سلبيا.. قالت مافادني أدبي واخلاقي يومي بنت.. خليني اجرب الجراءة وبعدين انت
غير وانا غير المنفصلة جربت الزواج لازم شعورها يفرق عن البنت بكثير..

اذا جا عند أي موظفة مناسبة تترجاها تروح معها تقول ابي انخطب.. اذا جا مجلس الأمهات تكشخ وتحشم وتقدر الامهات غير شخصيتها تماما!! كل شوي يرن جوالها من؟ خطابة!! تقول بجوالي 25 رقم لخطابات!

جا الدوام.. فتحت شنطتي .. شوبارد ياحلو ههالعطر عادي آخذه وأجيبه لك بعد كم يوم؟ قلت حلالك..
طلبت من وحدة متزوجة كريمات ولمعات واشياء خاصة << والشك بدا يلعب بي شكيت فيها سوء بصراحة
رجعت البيت ارسلت لي.. ممكن بكرة تجيبين شنطتك اللي شكلها كذا؟ ممكن تجيبين كذا وكذا طلباتها كثيرة من بكرةجبت كيسة تعبت وانا شايلتها من كبرها
يتكلمون الموظفات عن الزواج وتعليقها تغير مهو مثل أول أبداااا.. يدعون لأنفسهم ويمزحون ويتحسرون ويقولون لها وش فيك انت تقول ودي اتغير مابي اتكلم عن الزواج والكل يضحك عليها يقول انت اخر وحدة نصدقها بهالسوالف
رن جوالها طلعت ترد برا.. اقول ليه طلعت برا لايكون البنت انهبلت وصارت تغازل

شوي رحت لها قلت شفيك أحس انك متغيرة وبعدين شقصة هالطلبات اللي تبغينها مني؟
قالت انا بقولك شي ولاتزعلين ترى ماهو قصدي شي بس انا وحدة تعذبت بحياتي وشفت شي محد شافه

قلت شسالفة؟ قالت انا تزوجت.. أنا

قالت أرجوك ماأبغىأحد يعرف اخاف تجيني منهم عين وأتطلق مرة ثانية انا ماصدقت تنفك عقدتي

قلت مبروك كان ودي أشاركك فرحتك يعلم الله اني ادعي لك كل مادعيت لنفسي .. لو وحدة صغير ة تزوجت بقتنع بكلامك لكن وحدة كبيرة او كانت منفصلة بالعكس بفرح واقول عسى الله يوفقها شافت الظلم مسكينة
قالت ماتقصرين والحمدالله ربي رزقني بواحد ماحلمت فيه بس تكفين لاتعلمين احد ولو ولو خايفة من العين

قلت ليه تعلميني؟ يمكن انا بعد بطقك بعين انا ماتزوجت!
قالت لا انت منت زي البنات هم منهبلين يبون يتزوجون << ماتدري عني

شوي جت موظفة قالت تعالي نتمشى بالساحة وطلعنا.الا والعروس تمشي قدامنا مانتبهت لنا وتدخل لقسم بعيد عن قسمنا وموظفاته مالنا علاقة فيهم كثير ونسمع صراخ

وأجي انا واللي معي ونوقف جنب المبنى ونسمع..
بنات باركو لي تززززززوجت بطير من الفرحة بموت
المدرسات << كلهم متزوجات.. مبروك الله يوفقك متى وشلون ماعلمتينا ماعزمتينا
قالت اسكتو ترى ماعلمت احد خصوصا العوانس والمطلقات اللي بقسمنا مساكين ميتين يبون يتزوجون اخاف يطقوني بعين
ماعلمت الا شوبارد بس عشانها غيرهم وعشانها ساعدتني ببعض الأشياء

اللي معي هذي صديقتها ومعها في المكتب من 5 سنوات بغرفة وحدة
التفتت علي والدموع بعيونها شوبارد تسمعين؟ ليه ماعلمتيني؟
محد مسح دموعها يوم زوجها يضربها غيري محد وقف معها غيري يماماساعدتها وحتى اتسلف من اخواني عشان اعطيها وياما كلمت خطابات عشانها وتجي احلى ليلة بعمرها وماتعلمني!! وصارت تبكي ونادتها وصار نقاش طويل عريض وكلها دموع وحالة!! وزعلو الثنيتن من بعض وكل وحدة تبي غرفة ومكتب لحالها
وتفارقو صديقات عشان هالسبب والله علاقتهم اكثر من اخوات وياليته تفارقو بس!! كل وحدة غلطت عالثانية بعد
والكل عرف انها تزوجت وانها خايفة من العين ولاباركو لها ولاشي بالعكس يتكلمون فيها ويسبون طريقتها وحدة قالت لها ترى حتى القطاوة تتزوج هههههه

الزبدة.. شرايكم بللي سوته؟

__________________
اللهم لك الحمد والشكر
"ولئن شكرتم لأزيدنكم"

يا زين الجحاده
اللي سوته يفشلها والله

وصديقتك اللي بكت مأجورة بأذن الله
العين حق
بامكاننا ان نحافظ على اسرارنا وان نتحصن من العائنين بدون ان نأثم بتجريحهم
ولو انه ليس كل فشل يسمى حسداً
قد يكون سوء اختيار
او سوء تبعل
والله اعلم

__________________

..اللهمــ ارزقني زوجـاً صالحـاً يحبني وأحبــه ويعينني على طاعتـك,, اللهـم آآمين..

والله احس ان مال احد خص اني اتزوج او لا انا حره اعلم ولا ما اعلم ماله داعي اسوي مشاكل مع الناس واتضرب عشان ماحد عبرني

وتصدقين انا لو انخطب ما بعلم احد لان صدق العين حق بتقولين ليش لان انا مر علي كل ما تنخطب الوحده تجي في نفسي وابكي لا شعوريا من قهري
ما ابغى بعد الصبر وحده تخرب علي كل صبري

لا والله اعتقد انها بكتمانها للموضوع غلطانة وخصوصا على اعز صديقاتها لانه تشاركها بحزنها وما تشاركها فرحتها هذى قهره بعذين هى تزوجت وخلاص ليش مازالت كاتمة تتحصن بالله وبالقران وتخلى ايمانها قوى

__________________

	ولرب نازلة يضيق بها الفتىذرعا وعند الله منها المخرج ضاقت فلما استحكمت حلقاتها فرجت وكان يظنها لا تفرج

ريمال
يازينهاهههههه شوفي شصار وراها؟ بس الزواج ماأعتقد انه سر
بكرة بتحمل وش السواة؟؟


ضايعة فالدنيا
حتى هي صديقتي.. لكن مافكرت ازعل تدرين ليه؟؟ لأني عرفت قدري عندها..ولأني رحمتها لما كلمتني في البداية لكن قهرتني لما سمعتها تتكلم مع المعلمات وتقول العوانس والمطلقات
الله اكبر يالدنيا كنا نجلس مع بعض وكنت اقول فلانة انخطبت وفلانة تزوجت عندها وكانت تقول الله يخلف علينا اخ يالقهر اه ياحسرتي!! كانت تقولي امانة ياشوبارد فرحي قلبي اذا انخطبتي << بعد سواتها بخليها آخر وحدة تدري
ماأظن انهم بيتصالحون الحوار اللي كان بينهم كان حار جدااااا ويزعل والله


أم مزنة
طيب ماراح تعلمين احد في الخطبة عادي انا مثلك.. لكن زواج؟؟ لازم الناس تعرف لو ماعرفت اليوم راح تعرف بكرة صح ولالا؟
بكرة بتحمل بتولد!!..
عادي الوحدة اذا سمعت ان فلانة بتتزوج يمكن تحس بغيرة لكن لازم تذكر الله وتقول الله يوفقها وتدعي لها وتدعي لنفسها هذا نصيب

ginan
أنا معك بعد..
بالعكس احس حركتها اقرب ماتخلي الوحدة تفكر فيها شلون تزوجت بهالسرعة وبهالوقت
كان قالت بالتدريج وريحت عمرها

__________________
اللهم لك الحمد والشكر
"ولئن شكرتم لأزيدنكم"

الحمد لله ان رجلك ماجت بالموضوع ياشوشو


وابعدي عن الشر وغني له


وياكثر ماتتكشف لك

الدنيا عن معادن الناس

الله المستعان

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

أختي الكريمه شوبارد

ما شاء الله مواضيعك كاثره وهذا مؤشر طيب
أما صديقتك فهي غلطانه
يعني لو صبرت وما علمت احد حتى تتملك كان عادي بل مطلوب
ولكن تسكت وتكتم موضوع زواجها هذا غلط وعن من صديقة عمرها
شئ غريب

------------------------------
تعليق بسيط أنا أول ما كنت أصدق أن فيه مدرسات يتكلمن في موضوع الجنس بهذا الشكل (( لأني سألت زوجتي وهي مدرسة وتقول ما فيه أحد يتكلم فيه بصراحه ولكن تلميح بسيط ويكون من قبل المتزوجات ))

تحياتي وفي حفظ الله

__________________
جاء في الأثر أيضا خير الناس أنفعهم للناس .


ما أروع الانجاز والعمل المخلص اذا كان خالصا لوجه الله تعالى,, وكم من مؤمن وقاه الله شر صروف الدهر وأتراح الحياة فبارك الله له في عمره وماله وأولاده ووفقه الى كل خير وحبب عباده فيه، بسبب ما يقدمه في حياته[/SIZE][/B]

لاحول ولاقوة الا بالله

مالها داعي هذي الحركات

شوفي انا اخاف من العين ومو من العين بس الا من القال والقيل



يعني اكيد بأبلغ الجميع بس بعد مايتم الموضوع الا المقربين مني احب انهم يشاركوني فرحتي

لأن شفت اجناس مايهمهم فرحي اهم شي يشوفوا ايش جاب ايش لبست فين سكنت وهالحركات



بس احب امشي اموري باكتمان من منطلق الخصوصيه

يعني بس تقولي لها تزوجت هاكي اسئله

ايش اسمه ؟ فين يشتغل؟ كم راتبه ؟ فين بيسكنك ؟من وين يرجعون؟ كم عنده اخوان واخوات؟

متى زواجكم ؟؟؟؟؟؟؟


لالا ومن مين ناس ماشفتي الفرحه بعيونهم ولاحتى يقولوا لك الله يباركلكم ماشاء الله



لاحول ولاقوة الا بالله

اختي شوبارد الموقف من اوله لأخره غلط يعني كان لازم تقول لاناس وناس لأ

يتقول للجميع وياتصمت واذا شافوها حامل تقول بكل هدؤ انا تزوجت

وين المشكله


حبيبتي الغاليه

ماعليك الا انك تصفي النفوس بينهم وتحاولي توصلي وجة نظر هذي والعكس

والله الهادي




ويارب ياكريم يرزق جميع بنات المسلمين الأزواج الصالحين ويرزق الشباب الزوجات الصالحات

اللهم ماسألناك اياه الا اعفافا لنا واعفافا لهم

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

و الله فشلة

و مو حلوة بحقها

و مثل ما قالت حتى القطاوة تتزوج

لو كان قالت للكل ابرك لها

بس ما متصورة الهدرجة خايفة؟؟؟؟؟؟

يعني اكيد في يوم راح تنكشف

__________________