الحقيقه العيد بالنسبه لي من ثلاث سنوات او اربع تقريبا وهو نفس الشي
اروح الصبح اسلم على جدتي في بيت عماني ولانطول ساعه بالكثير ..
وصراحه احيانا انا مااروح معهم .وكثير مااروح معهم . وبصراحه اكثر مااروح علشان ماودي اشوف احد من بنات عماني وعماتي المتزوجات .. مو حسد لهم والله بالعكس انبسط اذا شفتهم بس كلهم صغار وعندهم اطفال شي بنفسي يمنعني احس بقلبي بيوقف وخايفه وانا اواجههم واسلم عليهم .. ومو المتزوجات بس .. لا .. لكن اذا صار فيه حريم الا يجي طاري العرس وانا ماابي اسمع له اي سيره ....مره وحده تدور لولدها على عروس وقلت انه يبغى وحده في نفس سنه ( 24 ) وقالت الحريم يقولون ولدك غريب الشباب يدورون الصغار مو العجائز .. مدري شلون الحريم كيف يملكون جرأه لجرح الناس بالشكل هذا ؟؟؟
بعدها نروح بيت خوالي اسلم على جدتي ويقعدون اهلي الى الليل بس انا ساعه وساعتين بالكثير وارجع للبيت قبل لايجون البنات المتزوجات
عموما انا طبعي مو اجتماعيه مره احب الوحده كثير واستمتع فيها .. تعودت عليها من طفولتي وانا كذا ...
يعني طبع بي مااقدر اغيره . اتوقع حتى لو تزوجت ماارح اتغير
لكني مااحب اجتمع فيهم لأني ماابي اسمع اي كلمه منهنا او هنا .. العام جدتي لما شافتني بدت تهلي وترحب بي وتدعي لي والله انا بالقوه مسكت نفسي بديت ارتجف وصحت الى شوي بس عدت مااحد انتبه ..مع ان شكلهم لاحظوا اني انفعلت ....
يعني بأختصار برنامج العيد عندي يبدا الساعه تسعه او عشره وينتهي الساعه وحده الظهر بالكثير ...
نقطه خارج الموضوع ...
اخي الكبير .. انت سبق وقلت انك تقرأ بعلم النفس كثير .. اتمنى مااكون غلطانه ....
انا حاولت وفكرت ايش ممكن اعمل علشان اغير نفسي ... لكن مثل ماتقول صاير فيني تبلد وتطنيش ولا مبالاه ..غير كذا حالات الأكتئاب الكثيره اللي تصيبني ...
...ومره قريت عن الشخصيه التجنبيه .. الحقيقه انصدمت .. كأن اللي يتكلمون عنها هي انا بالضبط ..
يمكن قرأت عنها (( الشخصيه التجنبيه ))
...
انا ماقلت الكلام هذا علشان اعرف بنفسي او اشرح حالتي ....لا ابدا مو هذا قصدي ... لكني عارفه اني اذا قلت ماابي اطلع ولا ابي اروح ولا ابي اجتمع بالناس ووووووو .. بيجيني الجواب لا انتي غلطانه روحي اطلعي وتمشي وانبسطي وعيشي حياتك وانا موافقتهم بالشي هذا ... لكني مااااااااااااقدر .. مااااااقدر .. كل ماااطلعت من البيت اشيل الدنيا على راسي باللي فيها الى ماارجع واحس فيها ان الدنيا كلها صارت ملكي وماني محتاجه اي شي فيها ... وعلى فكره بعد قرأتي عن الشخصيه التجنبيه هذي قالوا ان اللي شخصيته من النوع هذا يعيش طل عمره غالبا كذا بمعزل عن الناس .. يعني يستمتع بالوحده ويتلذذ فيها .. وانا احس اني كذا بالضبط ....
كثير افكر ممكن اتغير اذا تزوجت والا لا ...
انا اسفه لأني طولت اخي الكبير لكن بماانك طلبت الصراحه انا قلتها لك .. واتمنى يكون ردك علي بعد ماتقرا عن شخصيتي (( الشخصيه التجنبيه )) ...