اقتباس:
|
المشاركة الأصلية كتبت بواسطة static_a2006
السلام عليكم ورحمة الله وبركاته
الحقيقة ودي ابين امور اذا سمحتم
اولا : يعلم الله ماوضعت هذا الموضوع علشان احرق قلوب ناس او اسقط دمع ناس ، ورد الاخت حائزة الامل كان كافي في بهذلتي ليلة كامله
لكن باضعكم في موقفي وابغاكم تتصرفوا
ولعلمكم جميع من شاف حلتي قال لو انا مكانك ماصبرت اكثر من 4 بيوت
لكن ما سمعت كلامهم وواصلت حتى تجاوزت 20 بيت
فاظن بعد 20 ايش اسوي
هل اروح للاسر واخرج بناتها بالقوة
ولا اروح للحرام
ابد
ما دام الوضع عسير ليش ما اشوف بديل
ثانيا : يا اختي " حائزة الامل" و " حسابات الزمان " تظنوا اني ما افكر في حالكم
يعلم الله اني حاس بحالكم
والله اني ما اهملت بنت بلدي حتى وقت النظرة الشرعية للاجنبية
وانا في قلبي ميل لبنت البلد
وبعد الخطبة كذلك
وانا متاكد معظم البنات مظلومات مع امهاتهم وابائهم
ولعلمكم مكان يرفض في البيوت الا الامهات
البنات راضين والاباء
لكن الامهات هم راس البلاء
|
اسمح لي يااخي اكون قاسيه شوي
ايش يعني عشرين بيت ؟؟؟ ابي افهم هذي بس منك ايش يعني عشرين بيييييييييت فهمني ؟؟؟؟
وايش يعني تدور زوجه سنه وسنتين وثلاث ؟؟؟؟ غيرك صار لهم سنين وسنين يدورون في البيوت ومع كذا عندهم صبر ومتحملين وماوصلوا للحاله اللي انت فيها ....
اجل لو كنت بنت ايش راح تسوين اذا ماتزوجتي .. قصدي تزوجت
انا دخلوا لبيتنا اكثر من عشرين عائله .. اكثر من عشرييييييييييييين .. رجال وحريم ... ماصار لي اللي صار لك ولا قلت لا تعبت ولا مليت وكل فتره يجي يشوفني احد ويروح .صدق نفسيتي تتعب بس هذي الخطبه والزواج عندنا . وخير ياطير هذا الزواج والخطبه .... يعني تبي الناس يفرشون الأرض لك ورود وسجاد احمر علشانك خطبت منهم وعلشان الديره كلها عوانس على قولتك ... والمشكله اصلا انك مادورت من العوانس تبي عمرها من 17 الى 26 ... انا وانا في السن هذا يخطبني احسن الرجال بس مايكتب الله النصيب وكلهم يشهدون لي بأحسن الصفات اللي يطلبونها ....
وبالنسبه للي يقول لك لو اني مكانك ماصبرت اكثر من اربع بيوت .. لأن المشكله عندك انت ..والله المشكله فيك انت ... يااخي والله احس ماعندك اي ذره صبر ... يمكن انا غلطانه ... لكن قصتك ووصفك لحالتك توحي للكل انك عديم الصبر وتبغى بما انك قررت تتزوج يعني لازم تتزوج لأنك رجل ولأن الدنيا مليانه عوانس وان ماعندك شروط ....((والدليل ان اخوك هواللي سعى لك بالزواج من برا واكيد الأأهل كلهم اسرعوا بتزوجيك لأنهم لاحظوا انك بديت تمشي بالطريق الغلط .. وانا متأكده ميه بالميه انهم مو راضين على زواجك هذا كل الرضا ))
لا لا لا والف لا .. انت غلطان وستين الف غلطان ... كل شئ في السموات والأرض وما بينهما مقدر له الله عزوجل انه يكون في يوم محدد وساعه محدده لايعلمها الا هو سبحانه ... لكن المشكله في بني ادم انه عجووووووووول .... واذا الأمور متعسره مثل ماتقول .. واذا متعسره يعني وش فيها اذا تعسرت .. اللله سبحانه وتعالى قال .. ان مع العسر يسرا .. يعني بما انه فيه عسر لا بد واكيد ومليون بالميه يجي بعده اليسر ...
اخر شئ نفسي اقوله ... كنت اتمنى تذكر لي عمرك بالضبط قبل مااكتب اي رد .. لأنه اذا كنت في سن 25 سنه واقل ماراح الومك على ايش كتبته او صار لك او اثر بنفسيتك .... لكن طبعا اذا اكبر من كذا المتوقع منك ان نظرتك لحياه تكون اشمل من كذا ولا تركز على نقطه معينه ...
ثانيا فيه مثل يقول .. اذا راحت السكره جت الفكره ....
يعني بزواجك من خارج البلد بغض النظر عن ان بنت البلد اولى وانت تتمناهم وتبيهم او سالفه العوانس وغيرهم .. فيه شي اسمه اعراف .. عادات وتقاليد تختلف في بلدنا هذي من عائله لعائله ثانيه .. وتختلف ن منطقه لمنطقه ( لدرجه بعض اللهجات عندنا في بعض المناطق مانعرف بعض كلماتها ) فما بالك من دوله لدوله ؟؟؟
انا مااسيئ لأي مدينه ابدا .. كل ا لدول العربيه فيها الخير البركه ... ويكفينا انها دول اسلاميه وهذا يكفي عن اي فوارق ثانيه .. يكفي ان دين الأأسلام هو سمانا وارضنا ... لكن حتى هم يستغربون من تقاليدنا وعاداتنا وحياتنا وكثير منهم صعب يتكيفون معها ميه بالميه ...هم اكيد يستنكرون منا اشياء كثيره وحنا بعد نستنكر منهم اشياء كثيره حتى لو كنا كلنا على صح ... لأن العرب متفقين دائما ان لا يتفقوا ابدا <<<شكلي طلعت عن الموضوع .. انا ايش كنت اقول
ونقطه ان الأمهات هم اللي يرفضون انا اوافقك عليها فعلا ميه بالميه ...
واخيرا ... الله يطرح لك البركه بزواجك ... وتتأكد ان هذا هو نصيبك ورزقك اللي كتبه رب العالمين لك ..وليس لأن بنات البلد ( جميعا ) رفضوك ... و مااصابك لم يكن ليخطئك ومااخطأك لم يكن ليصيبك ....