والله ان العيد بالنسبه لي مأسااااااااااااااااة والم بكل صراحه
انا مجبوره الحين من امي اني اطلع واروح معهم للعيد وانا والله كلي احساس بالألم والمعاناة
لدرجه اني جالسه ابذل مجهود خيالي علشان ماتنزل دموعي ... بس شكلي بجلس ابكي من اليوم الى يوم العيد علشان تخلص دموعي ..
بتسألوني ليه ؟؟؟
انا الحمد لله الله رزقني الرضاء باللي كتبه لي ... ومتأكده اني احسن من حال غيري كثير وانا اشوفهم قدام عيوني كل يوم ...
لكن المشكله اني لما اروح لخالاتي وعماتي مو كأني رايحه لعيد ...
كأني رايحه لعزاء وانا اللي ميته ... وتعالوا اسمعوا من هالكلام مثل .. متى تتزوجين وان شاء الله تتزوجين ومابقي الا انتي ماتزوجتي وايش راح تعملين في زواجك وين راح تحطونه هذا غيييييير نظرات الأشفاق والرحمه اللي فعلا تحسسني اني ناقصه
والله اني ماشريت لبس الا اليوم وغصب بعد ...
لدرجه اني اعوذ بالله اتمنى يصير شي يموت احد او يمرض علشان يفكوني الحريم من السنتهم ويلقون لهم شغله ثانيه يحكون فيها .. والله مليت من كلامهم اللي يموت ويقهر ويجرح .. حسبي الله عليهم ...
استغفر الله العظيم ....
الحمد لله على كل حال