جزاك الله خير اخي الكبير
لكن مهما تكلمنا وقلنا
شروط الأهل في زوج بنتهم ماراح يتغير .. ماراح يتغير .. وماراح يتغير ...
لاتقولون لي انتي متشائمه ... انا فعلا متشائمه ماراح انكر ... لكن تكلمت وتعب حلقي من الكلام ومافي فايده
لما كنا صغار كنا نستحي ... وارجو ان مااحد يلومنا على الحياء هذا ... لأنه والله انه جزء من تكوين البنت ...مهما حاولت تسيطر عليه هو اللي راح يغلبها في معظم الأحوال ....صدقوني ان الحياء هو اللي يفوز على البنت ويغلبها ... واذا كبرت اكيد راح يقل الحياء وراح تتكلم ....
وطبعا اذا فات الفوت ماينفع الصوت ...
لكن ارجع واقول ... مو غلطتها حيائها مو غلطتها ومو غلطتها حتى لو عنست بسبب الحياء هذا ....
الغلط غلط الأهل اولا واخيرا .. لأنهم عارفين انها تستحي لكنهم ماقدر وا الشي هذا ... يعني معقول ياناس تنتظرون من البنت لما تسمع خبر خطبتها تروح لأهلها تقول انا موافقه من غير مايسألونها ؟؟؟؟وتناقشهم في اوصاف العريس .؟؟؟؟ حتى لو كان الموضوع مجرد نقاش عادي وهي تحاول تخفي رغبتها بالزواج هذا ...
البنت امانه بيد ولي امرها ... وصعب عليها تتكلم وتطاااااااالب ان يكون لها رأي في الموضوع ... والله ان الموضوع صعب عليها صدقوني ... انا مجربه وعارفه ...والله انه صعب ...لما تكون صغيره طبعا .. لكن اذا كبرت حتى لو تكلمت قليل تلقى احد يرضى فيها اصلا ....
حتى لو كانت هي اللي راح تخسر وهي الضحيه ... لكن والله انه شي اقوى منها ...
واذا كان اولياء الأمر معطين نفسهم الأحقيه الكامله انهم يختارون زوج البنت ...
والله مايعطونها اي جزء من الحق هذا حتى لو تعدت الأربعين ....
المرض انتشر في الجسد خلااااااص وماصار ينفع معه اي علاج ... حاليا هو عايش على المسكنات فقط لاغير ...