والله نفسي اقتنع بكلامك اخي الكبير لكن والله ماني قادره ....
مره امرأه جاءت بيتنا لخطبتي ولما عرفت متى خلصت دراستي وكم جلست في البيت قالت مستنكره يعني عمرها 24 ؟؟؟ قالت امي 26 ... وظهر على وجهها الأنزعاج من غير ماتراعي شعوري الله يسامحها ....
كيف اقدر اصدق واقتنع ومن يسمع ان عمري 25 سنه <<امي تنقص سنه .... كأن امي قالت له اني بي جرب او مرض معدي ويسارع بالفرار مستنكر وخايف ...
المشكله الكبيره في الأمهات الحين .. مايبغون لأولادهم الا بنت صغيره ...ممكن يكون فيه شباب يبغون قريبه من سنهم ..واللي يرضون بالشي هذا نسبتهم معقوله ....
لكن الأمهات آآآآه الله يهديهم ... والمصيبه انهم يزوجون اولادهم البنت الصغيره وتطير عقل ولدها وتأذيه .. وكثير منهم كذا ....
وعن نفسي عمري ماكنت اشوف نفسي اني صغيره علىاني اكون زوجه ثانيه .. من زمان والله راضيه اتزوج متزوج ..
صدق اني خايفه ولا ابي اكون زوجه ثانيه وعندي قناعه قويه انه مافي رجل بالأيام هذي قادر على التعدد _لااقصد الجانب المادي والأنفاق _ وسرعان مايطلق الزوجه الثانيه عندما تعود المياه لمجاريها من الزوجه الأولى ويعلل طلاقه للثانيه انه مايقدر يعدل وخايف يظلمها والحقيقه ان الزوجه الثانيه وسيله وليست غايه له <<<<هذا تفكيري باللي يصير بالزوجه الثانيه الأيام هذي ....
الا اني عندي استعداد اوجه هذا كله ... وغير كذا فيه بنات كثير تزوجوا عزاب وتطلقوا .. يعني مو شرط يكون سبب ...وعندي رغبه كبيره بالتجربه بالزواج حتى لو من متزوج احسن من وضعي الحالي ....
عموما انا حاليا ادعي ربي يرزقني الزوج الصالح الحليم الكريم اللي اكون قره عينه ويكون قره عيني .. بغض النظر عن كونه اعزب اومتزوج او مطلق او فقير او غني .. اهم شي يكون الطرفين مرتاحين لبعض وتكون بينهم الموده والأألفه وكل شي ثاني يهوووووووون امره ....
جزاك الله الف خير اخي الكبير ودعواتك لنا .....