عزيزتي
والله اني حاسه ان زوجك مافي منه وانه ييوضع على الجرح يبرا بإذن الله ..
وانا متأكده انه راح يجي موقف في يوم من الأيام راح تعرفين انه اكثر من رائع ...
وانتي تتكلمين عنه حسيت انك تتكلمين عن ابوي الله يحفظه ...
اولا ابوي عصبي جدا وغالبا .. يعني مايمر يوم الا وهو يصرخ ويزعق ولأسباب تاااافه جدا اكثر مما تتصورين ...
ومع انه متزوج امي من اكثر من ثلاثين سنه الا انها ماقدرت تغيره لأن هذا طبعه والطبع يغلب التطبع مثل مايقولون ...
وبالنسبه للموضوع الثاني هو موضوع السوق ...
فيه رجال يكرهون الأسواق كره فظييييع وكبيييير ... وانا متأكده ان زوجك من النوع هذا خصوصا لما قلتي متدين ... لأنه بماانه متدين يكره بفطرته ودينه يشوف المنكرات العظيمه في الأسواق وانتي عارفتها
ابوي يزعل على امي اسبوع اذا طلعت للسوق مع انها والله تطلع علشان اخواني الصغار وللضروره القصوى ...
وحتى مايفكر يوم انه يروح السوق او يدخله ...
لاتستغربين انه بعد كم سنه ماراح يدخل معك السوق اذا كان فعلا يكرهه او علشانه عصبي مايتحمل طوله بال الحريم في السوق
ومع كذا امي تأقلمت معه وعاشت وعرفت كيف تمتص غضبه وتعرف طبعه وايش اللي يراضيه ويزعله ...
وهو والله يحبها حب عظيم ماحد يصدقه مع انه كل يوم يصرخ عليها ....
اسفه اني طولت عليك بالرد لكن مثل ماقلت لك حسيت كأنك تكلمين عن طبع والدي ماقدرت امنع نفسي اقولك نصيحه ...
الله يوفقكم ويسعدكم
تنبيه : أرجو الانتباه لكتابة الهمزة بالشكل الصحيح . شكرا
التعديل الأخير تم بواسطة النور والحنان ; 09-10-2005 الساعة 01:22 PM