اخي ابو عبدالله ...
انا اقصد ان الرجل مايتأثر بالطلاق اجتماعيا ...
يعني رجل مطلق مو مثل امرأه مطلقه ...
اكيد بيتأثر نفسيا مهما حصل ولو ان الزواج مو مريحه ....
وبالنسبه لسؤالك .. انا تقدم لي من ثلاث اسابيع تقريبا رجل متزوج وعنده اطفال ... انا ابيه وموافقه عليه لكن امي مارضت تعطيني اي فرصه للنقاش ... رفضته من غير اي مقدمات او من غير ماتكلمني في الموضوع ...
ولما لاحظت اني قابله فيه بدت تطلع لي بعيوبه ... تقول لي راح ياخذ بس شهر شهرين ويطلقك .... مو مهم الكلام هذا عندي انا اعرف امي مايعجبها احد ...مع انها عارفه ان الموضوع هذا مسبب لي ازمه ومأثر على نفسيتي بشكل كبير
لكن والله مابيدي حيله ... انا ابسط من كذا والله ... وكل اللي تقدموا لي وظايفهم بسيطه ورواتبهم قليله ولا سيارات ولابيوت ولا سفر ولا اي شي ... ومع كذا وافقت عليهم ... وهم اللي يتراجعون عن الخطبه بعد الرؤيه الشرعيه ....
انا مقبوله الشكل لكني مو جميله ابدا ... احاول اقنع اهلي ان شكلي مايملى عين الشباب اليوم ... ولاني صغيره ...
لكن حجه امي اني لازم اصبر لما يجي اي واحد مو متزوج ولا مطلق ويكون له سكن مستقل...ماراح ترضى اتزوج من متزوج والله لو ابقى طول عمري بلا زواج ...وبالنسبه للسكن اناماانكر انه نفسي يكون لي سكن مستقل ...لكني متنازله عنه لأني متأكده انه راح يكون وضع مؤقت وكل شي يتغير ....
عادي جدا عندها انه يتزوج علي عشرين زوجه ... لكن انها ترضى اتزوج متزوج وتوافق عليه مستحيييييييييل
وانا تكلمت معها بما فيه اكفايه .. طلباتها ماراح تغيرها وانا والله ماابي اتحداها ولا اتزوج وهي مو راضيه ....
انا وكلت امري لله ....وخلي الناس تقول عني اللي تبي تقوله ... حتى لو اجلس من دون زواج ... الأتهامات والكلام اللاذع نتعود عليه مع الأيام
التعديل الأخير تم بواسطة يعجز الصبر عن صبري ; 06-01-2006 الساعة 09:24 PM