السلام عليكم ورحمه الله وبركاته
الغاليه شوبارد ...
فكرت كثير وكثير وكثييييييير بأي كلمه ممكن اقولها لك ...
لكن لأني حاسه بمدى معاناتك اللي هي نفسها بالضبط مأسااااااتي ... ومثل مايقولون مايحس بالنار الا رجل واطيها ..
مالقيت اي كلمه اقولها عزيزتي ...
انا وصلت مرحله تبلد احساسي بكل ماهو جميل وسيئ بالحياة ... صار كل شي مثل بعض بالنسبه لي ...
حتى المنتدى اللي كنت القى فيه راحتي ماصرت ارتاح فيه ولا شي ..ابتعدت عنه في التفتره الاخيره ...
لما حست امي ان عقلي قرب يطير واني وصلت مرحله قريبه من الجنون وضعت حد الحمد لله ....
وهو ...
سالفه ان حرمه (( ام او اخت او عمه او خاله )) تجي بيتنا علشان تتفرج وتشرب شاهي وقهوه وتطلع هذي انتهت ..
انتهت ... انتهت ... واذا اصرت انها تشوفني قبل ولدها تقول امي مالكم نصيب عندنا قبل يصير اي شي ...
والله اني ارتحت ياشوبارد .. وهذا اهم شي عندي ... واللي يقول لي بتقطعين رزقك وغيره ...
كلامه مردود عليه .... لأني متاكده ان رزقي مافي احد راح ياخذه غيري ...
وكثير منهم يقولون لي عادي خليهم يروحون وان شاء الله عمرهم مارجعوا ...
لكن انا لا .. ماقدرت ولا اظن اني اقدر .. واعصااااااابي انهاااااااااارت جد ولا قدرت ولا اقدر اتحمل سالفه الحريم هذي ....
عزيزتي شوبارد ...
اذا انتي تقدرين تتقبلين الوضع هذا (( حريم يروحون ولا يرجعون )) وماتتأثر نفسيتك بشكل كبير امضي فيه ولا تتراجعين ..
مع اني عارفه انه مسبب ازمه لكل بنت سواء صغيره او كبيره بدون فرق ...
واذا هو متعبك بدرجه كبيره ابي اقول لك ان الحريم مااااااااااايعجبهم العجب ..
والله مايملى عينهم ولا التراب .. حتى امي نفسها بدت تدور عروس لاخوي وهو لادراسه ولا شهاده ولا وظيفه..
شافت اجمل الجميلات بدون مبالغه ولا اعجبها ولا وحده منهم .. مره طويله مره قصيره مره عيونها صغار مره كبار ...
وفي راسي قول نبينا محمد صلىالله عيله وسلم يحن علي كثير ... لن يفلح قوم ولوا امرهم امرأه ....
ادري طولتها وهي قصيره والرد كان متأخر وان شاء الله تمرين على الموضوع وتقرينه ...
اتمنى لك السعاده من كل قلبي شوبارد .. واتمنى يجي اليوم اللي تكتبين فيه خبر خطوبتك وزواجك ...
واذكر انك بديتي تقرين عند شيخ .. اتمنى تستمرين عنده شهر على الاقل ...
والله يسعدك ويرزقك زوجا صالحا تقيا غنيا حليما كريما وان تكوني قره عين له وان يكون قره عين لك ويرزقك منه الذريه الصالحه ..
اللهم امين