الحقيقه ياشوبارد المواقف هذي قليل جدا تصير لي ...
لأني مااحب اختلط كثير بالناس ...اتجنب الحريم اللي اعرف ان السنتهم طويله ولا عندهم اي ذره ذوق او ادب ... نفسيتي ماتتحمل احد يسألني السؤال هذا والله انهبل زياده على اللي بي ...
واذا صار مناسبه كبيره ورحت لها اجلس مع اللي اعرفهم فقط واعرف انهم ماراح يقولون لي شي ...عارفين انه مو بيدي واني كثير انخطبت ولا صار نصيب لي ....
انا اخواني وخواتي في البيت اللي مزعجيني ...خصوصا الصغار .... تشوفينهم محتاااارين بجد يبغون يعرفون الجواب ليه ماتزوجت للحين ... يعني مره مستغربين ليه الكل تزوج وانا لا ....
اخر مره اخوي قالي لي اصلا انتي شينه ومافي احد راح يتزوجك كثار شافوك وانحاشوا <<<وصلت الغصه لحلقي لما قالها .. والله انه صادق ماقال شي غلط ....
الحمد لله على كل حال ....
انا متأكده ميه بالميه ان الكل بيقول انتي غلطانه لحبسك لنفسك في البيت .... لكن انا مااقدر اواجه مواقف من النوع هذاابدا ... ولا فكرت احاول ....
ماادري ايش انصحك فيه ياشوبارد ... بس انتي قولي مثلا ماكتب الله النصيب الى الان ....
او اللي تسألك ليه ماتزوجتي قولي ..جيبي لي رجل واتزوجه مااقول لا ... واذا قالت انا مو خطابه والا اهلك يجيبون لك او مو شغلي انا وايش دخلني او تقول مثلا انا والدتك وناسيتك علشان ارح ادور لك رجل <<<ترا كل الأجابات هذي وارده واسمعها كثير لما تقول بنت جيبي لي رجل واتزوج .....
عاد انتي قولي خلاص بما انه مو بيدك ولاتقدرين ليش تسألين ...معناها هذا شي مو بيدي انا بعد ... كله بيد الله عزوجل ...وطبعا اكيد هي راح تكون متزوجه قولي لها ترا حتى حتى زواجك مو انتي السبب فيه هذا رزق الله من الله لك ولاتحسبين انك مميزه عن كل الناس واحسنهم علشانك تزوجتي <<<<عصبت
وممكن تقول يعني معقوله ماانخطبتي الى الحين ابدا ...؟؟؟ اكيد بتقولين ايه انخطبت لكن مو شرط كل خطبه يصير بعدها زواج ... فيه ناس تنخطب ولا يكتب الله نصيب بينهم .. وفيه ناس تنخطب وتنفسخ خطبتها .... وفيه ناس تتزوج وتتطلق فما بالك بالخطبه ؟؟انتي حاولي تقصين لسانها يعني وتعرف كيف تصير ذوق مع الناس ..
والله تقهرني اللي تقول لي كلام من النوع هذا نفسي والله اعطيها كف على وجهها علشان تعرف كيف تفهم وتفكر وتراعي شعور غيرها ....لكن بأذن الله كلها تكون في موازيين حسناتنا او تكفر بعض ذنوبنا ...
الله يفرجها علينا وعليك ياشوبادرعاجلا غير اجل ...