آآآه ياعزيزتي نايت ..... وش اقول لك ....
الله يفرج همك ويرزقك عاجلا غير اجل ....
بالنسبه لموضوع الخاطبات مثل ماقلت شوبارد ياخذون رقمك واسمك في المناسبات من غير ماتعرفين ...
وسوااااء الموضوع فيه خاطبه او لا صدقيني مو شرط تتزوجين .....
انا فيه اربع خاطبات تعرفهم امي اخذوا الرقم لما شافوني في حفله زواج ... وجاابوا لي رجال ماشاء الله لاقوه الا بالله اخلاق ودين ولا صار نصيب لي معهم ....وللحين العمل جاري على قدم وساق ...فيه بعضهم ملوا مني طولتها معهم مالقوا لي رجل ... ثنتين نسيناهم وباقي ثنيتن ...
واذا على كرهك لشباب ديرتك اتوقع شعور طبيعي في الأزمه اللي عايشينها ... مشاعر كثير اصابتنا وراح تصيبنا .. لكني دائما اقولها ازمه وتعدىىىىى بأذن الله ....
وهذا حنا في ديرتنا شباب كثير ومع كذا فيه بنات كثير جمال واخلاق ودين ولاتزوجوا .....
المسأله والله اولا واخيرا ارزاااااق من الله .... والله يرزق من يشاء بغير حساب ....
وفيه شي بخاطري من زمان نفسي اقوله لك لكن خايفه تفهمني غلط او ازعلك ..... لكني اعتبر ك مثل اختي وابي اعرف الجواب منك .. اعتبريه مجرد فضول نسائي لااكثر ولا اقل ....
انتي عارفه ان كل بلد لها عاداتها وتقاليدها والأصول اللي تتبعها في الزواج .. حتى لو كان الأأصل واحد لكن الفروع كثييييره وتختلف من عائله لعائله فما بالك من بلد لبلد ....
عندنا مثلا في بلدنا .. مستحيل مستحيل مستحييييييييييل شاب يتزوج بنت لها علاقه سابقه معه ...سواء في مجال العمل او علاقه هاتف او غيره ... وحتى لو صار الزواج ماراح يستمر لأن طبع شبابنا ينفر من الزواج هذا .. الا في حاله كان في الأقارب ويعرفون بعض من الطفوله وعلاقتهم كانت على علم من الأهل ....
وبالنسبه للوضع عندكم ... وعلى حسب ماقلتي انه هذا طريقه الزواج عندكم بما انكم مجتمع مختلط .. شاب يكلم بنت في العمل او الدراسه ويتفاهمون باحترام وبشكل جدي وينتهي الموضوع بالزواج ....
وسبق قلتي ان فيه وحه من صديقاتك تزوجت شاب كان يبغى يخطبك و حاول يكلمك وانتي مارديتي عليه وكلم صديقتك وخطبها وتزوجها .ولما سأليتها قلتي لها ترضين قالت لك عادي مافيها شي كلمني وخطبني وتزوجني ... ومره لما اشتكيتي لأهلك من الشباب اللي يضايقونك قالوا لك _ كلمه منك من زمان الى اليوم مانسيتها _ لو كنتي شاطره كان خليتي احد منهم يخطبك ويتزوجك ... انا ماابي اقلب مواجعك عزيزتي نايت ولا اذكرك بشي انتي اكيد مانسيتيه .. لكن ماتلاحظين من هذا كله ان هذي هي طريقه وتقاليد بلدكم في الزواج ؟؟؟
وحتى اذكر الموضوع هذا كلمك فيه احد الأعضاء ماني ذاكره اسمه .. قال لك مافيها شي تحاولين تعرفين من احد الشباب اللي تتوسمين فيه الخير وانه مستقيم ومايعرف اللف ولا الدوران تحاولين تعرفين ايش يبغى واذا كان غرضه الزواج . اكيد هو غرضه .. مهدي له الموضوع .. ووصلي له انك ماتاخذين وتعطين مع الرجال الا من اجل العمل او الدراسه ....
انا عارفه انك بأذن الله متدينه ومحافظه ... وهذا اللي يخليك مميزه في مجتمعك وبين اهلك .. وانتي اللي على صح بأذن الله ... وكثييير سبحان الله اشوف متدينات ماتزوجوا .. اكيد هذا امتحان من الله عز وجل ليصبر المؤمن والمؤمنه ولرفع درجات الأخره بأذنه تعالى ....لأن متاع الدنيا الكل يعرف انه زائل ... والزواج من متاع الدنيا ...
اتمنى غاليتي نايت يكون اللي ابغى اقوله لك وصل مع اني احسه كلام ملخبط ... وحتى لو كان كل الكلام اللي اقوله ماله اساس من الصحه وان تفكيري فهمي للموضوع غلط .. اتمنى ماتنزعجين مني ... واذا فعلا صح ولا تقدم لك بشكل جدي ولا لمح لك احد بالخطبه والزواج .... صدقيني بأذن الله ازمه وتعدي ...واسأل الله العلي القدير ان يرزقك الزوج الصالح عاجلا غير اجل وان تكوني قره عينه ويكون قره عينك ياحي ياقيوم ....
الله يسمعنا عنك اخبار تسر عاجلاغير اجل ....
وآآآآآآآآسفه علىالأطاله