مااقول الا الله يكتب لك اللي فيه الخير ياشوبارد
ومثل ماقالوا الأخوان ماقصروا بالنسبه للبنت .. اذا انتي عارفه نفسك تقدرين تتحملينها وتهتمين فيها وافقي ..
خصوصا امها متزوجه يعني مافي امل يرجعون لبعض ... ومصيرهايجي يوم وتكبر وتتزوج وانتي بيصير عندك عيال ويصير شي عادي ....
ومسأله طلاقه صدق مهم تعرفين ايش السبب لكن بماان اهلك رافضين يسألون ( وتصدقين اناعندي احساس انهم عارفين او واثقين مره من الرجل ) ويضغطون عليك توافقين سلمي امرك لله وتوكلي عليه ....
لانه مو معقول يضغطون عليك تتزوجين لمجرد انك تاخرتي بالزواج وبيزوجونك اي رجل ....
تبين الصدق شوبارد ....
لو كنت مكانك كان وافقت من غير ماافكر كثير رغم اني بكون مره خايفه .. اصلا شي طبيعي تقلقين ياشوبارد .... واحمدي ربك واشكريه ان اهلك متفهمين وراضين بالرجل المطلق ويقبلون فيه ...
انا اذا سمعوا طاري رجل مطلق مايتفاهمون ابد .. كأني بنت 16 سنه مو 26 ....
المكتوب بصير لك ياشوبااااارد عطي اهلك قبول مبدئ وقولي اسألوا عنه اول وعن اخلاقه وهم اكيد ماراح يقصرون .... انتي غاليه وعزيزه عليهم ماعندهم اغلا منك وانا احس بالشي هذا وانا مااعرفهم .....<<<ابي اقول لك وافقي بس متردده ماابي اي شي يأثر على رايك وعليك .....يكفي الضغط اللي عليك واللي اعرفه ومجربته وحاسه فيه ....
لا تهتمين لكثره الأراء والأختلاف بوجهات النظر ... اللي انتي عارفه انه صح ومرتاحه له ( انتي فقط بغض النظر عن اي تأثير ) اقبلي به ونفذيه ....
توكلي على الله وخلينا نفررررررررح بك...... ويارب يسعدك ويوجه لك كل خير ....