باختصر الموضوع كثيرا
انا انخطبت من قريب لنا مطلق وانا بنت والكل مدحه وكان ونعم صراحه
ومطلق قبلي ولاقال السبب بالضبط ايش
استخرت ووافقت وكان مستعجل جدا والخطبه والزواج خلال 29 يوم وهذا بعد طلاقه على طول وقبل خروج زوجته من العده
وللامانه لم اشك بشي ابدا كنت فرحانه وعلى تواصل فتره الملكه وكان رجال طبيعي لكن دايم اقول معقوله نسى زوجته بسرعه وكانه اول زواج له
وتم الزواج وثاني يوم كانه رجال مبدل واحد ثاني مااعرفه
وسافرنا وبعد الحاحي عليه قال انه يشعر بضيقه وو وقلت الشكوى لله نرجع ولا علمت اهلي ورجعنا ورحنا مكه ونفس الشي وكنت مصدومه لكن راضيه
ورجعنا للرياض وكان مصر يوديني لاهلي وانا اهلي في منطقه غير الرياض لكن اصريت اني اجلس الين يروح لشيخ وراح بعضهم يقول مافيك شي وقال انتي ممكن فيك ورحت لها وانا خايفه والشيخ قال انت المريض عليكم بالبقره وبعض المشايخ قال فيه مس وعين وقال لي انه تجيه ضيقه ولا يقدر يشوفني ولا يشم شي لاعطور ولا ياكل ولا يجلس معي ، وجلسنا شهرين مره ياخذني وعشر عند اهلي واهله لاحظو تغيره ولاياكل ولايروح لعمله ولايبي اجتماعات ووو و
وبعد شهرين اهلي اصرو انه يطلق وقلت له وبعدها جلس يترجاني انه شاريني وانه تحسن والله فرحت ماابي اتطلق واهلي قالو لا لكن استخرت ورجعت شهر ونصف الي اراه انه متحسن فعلا لكن بعدها قال مااقدر اكمل معك تعبت .
بعدها كررت اللهم اجرني في مصيبتي واخلفني بخير منها
ورضيت بما كتبه الله وطلب اني اسامحه وسامحته لوجه الله لي لاني كنت في تعب نفسي وخوف ووسواس من الي فيه الله به عليم

استفساري وفضول فيني احد مرت عليه مثل هالحاله وايش فيه بالضبط الرجال راح في حاله الله يشفيه ويسامحه لكن مازلت اجهل السبب سألته يعلمني ابي ارتاح من التفكير قال انه مايطيق زوجته السابقه لكن كان اهون من وضعه حاليا وان فيه عين قديمه ؟! وقبل الطلاق قال انا مافيني شي وطبت لكن ماارتاح معك واخوه يقول الشيخ يقول له يبي لك علاج طويل حتى تشفى( والاعراض السابقه اختفت بنسبه كبيره ) لكن الي ابي اعرفه وش فيه الرجال نسيته وانتهت عدتي قبل شهر والله يعوضني خير منه ويعوضه خير مني ويشفيه .
اتمنى ان احصل زوجته السابقه واعرف سبب الطلاق ايش علما ان محد علمنا بالسبب بس قالو مشاكل
وهذي (((( رساله لكل بنت او شاب مطلقين خافو الله اذا تقدمتو لاحد كونو صادقين بسبب الطلاق احذرو الغش تراه ظلم حرام والله عالجو نفسكم اول ))))

ماشاء الله
الشيء الجميل و الغريب انك ما تعلقتي فيه
وهو علمك بالسبب
للاسف الضيق النفسي و النفور اللي من غير سبب شي صعب جدا و اعتقد انك مقدرة هالشي عشان كذا سامحتيه
والله يعوضكم باللي فيه خير

لا والله تعلقت فيه وبعدها دعيت الله ينسيني اياه وطلع من قلبي للامانه وكرهته احسه ظلمني

لا والله حبيته وتعلقت فيه وماصبرت عليه الا لاني احبه لكن الان كرهته احسه ظلمني وكنت اقرل له دايم طلقني في البدايه ماابي اتعلق فيك اكثر

اتوقع بصراحة غير مرتاح معك ومو حاب يجرحك او خايف من الشماتة من طليقته فطلع هالعذر
العين شماعة عند اغلب المتزوجين ، متى ما طق الواحد براسه قال فيني عين عشان محد يزعل عليه او ياخذ بخاطره منه


رددي اللهم اجرني في مصيبتي وهو الله يسامحه ويعوضك يارب ..
كثير زيه يستعجلون جدا حتى يقهرون طليقاتهم وبعد ما يتزوج يتندم والضحية بنت الناس ..

__________________
سبحان الله وبحمده ، سبحان الله العظيم

كان فيه شوفه شرعيه ويقول اتمنى وحده نفسك هذا الي قهرني انه يقول مافيك عيب بس ماارتحت معك ( عنده اخ شقيق نفس مشكلته مع زوجته بالضبط على حسب كلامهم ان جانه عين يوم زواجه ورجعو من السفر ونافر من زوجته وو نفس الي معي بالضبط وكل مااساله ايش سبب طلاقه يتنرفز

الي شفته بعيوني انه متغير حتى اهله ملاحظين وخذا اجازه من دوامه ولا ياكل وشحوب وكوابيس ووو ويزيد تعبه اذا جيت عنده على حسب كلامه وبعد ماقلت طلقني ونشر عند الناس تحسنشىي ويضحك ويسولف وفجاه انقلب ثانيه لكن الي محيرني

الله يعوضك خيرا ، وجزاك الله خير يوم سامحتيه ،

قصتك قريبة من قصتي تقريبا ،

اسأل الله ان يرزقك ويقر عينك بالزوج الصالح

ومين الي كان مريض ؟ الزوج او الزوجه؟ ودي اعرف لو رؤوس اقلام من سالفتك

بالبداية اعتقدنا ان زوجتي هي المريضة ، لانها كانت تحس بضيقة شديدة اذا جلست معي او شافتني ، ذهبوا بها أهلها الى كم راقي كلهم قالوا مافيها شيء ، أحد الرقاة قال المشكلة لدى زوجها خلوه يجي ، جيته وتبين ان المشكلة لدي وليست لديها والمس الذي معي هو الذي يسبب لها الضيقة والكراهية ويتشكل علي بشكل مخيف حتى يخوفها حتى يتم الطلاق ،،

فا أنا رأيي فيه رقية باليوتيوب مدتها 40 دقيقة اسمعيها كم يوم وشوفي وضعك هل تتأثرين بآيات معينة ولا لا ، والله يوفقك ويكتب لك مافيه خير