لما يسألونك ليه ماتزوجتي؟!! - منتدى عالم الأسرة والمجتمع
logo

الملاحظات

المطلقات والأرامل والمتأخرات يعتني بالمطلقات والأرامل والمتأخرات عن الزواج

موضوع مغلق
قديم 24-04-2006, 12:18 AM
  #1
شوبارد
كبار شخصيات المنتدى
 الصورة الرمزية شوبارد
تاريخ التسجيل: Jan 2006
المشاركات: 5,397
شوبارد غير متصل  
لما يسألونك ليه ماتزوجتي؟!!

مرت فترة وفلانة انخطبت


وبعد فترة فلانة تزوجت

وبعد فترة وفلانة حملت

وبعد فترة وفلانة ولدت

وبعد فترة فلانة دخلت ولدها المدرسة

وبعد فترة فلانة تملكت

وبعد فترة فلانة انفصلت

وبعد فترة فلانة سافرت مع زوجها للدراسة

وهكذاا......

واحنا!! زي ماحنا على حالنا

الحمدالله على كل حال ......ياعسى تأخيرتنا فيها خيرة لنا يارب


لكن.. لما تكلمين وحدة من زمان عنها اخبارك علومك هاه فيه جديد؟؟؟

تقولين لا مافيه جديد

هاه مانخطبتي ماتزوجتي



لما تشوفك وحدة هاه بشري انخطبتي؟

تقولين لا والله ماكتبه الله

تقولك لاحول الله ليه؟؟ وش فيك ؟ لاتتغلين من تغلى تخلى


وش تردووووووووووووون عليهم!!

أنا لما أكون بأي موقف محرج بصراحة أقدر أصرف نفسي... إلا الزواج تجيني ربكة شوي

عندنا اجتماع بالدوام عند المديرة ورحنا كلنا بغرفتها وكان عددنا كبير مرة.. فجأة المديرة قبل ماتبدى كلامها طلعت تكلم جوال

الا دخلت علينا احدى الموظفات بنت ماتزوجت( خفيفة دم ) قالت: صراحة انا طالبة من المديرة الاجتماع هذا

انتم موظفات ماتستحون ولاعندكم دم مافهمتوها من البداية والمديرة ساعدتني بهالاجتماع!!

الموظفات طيرو عيونهم.. وش السالفة؟

قالت الحين انا عندكم لي سنين وكل يوم اتزين على امل وحدة منكم تجيب لي خطيب

ارحموني اغلبكم متهني ومتزوج وعايش حياته وانا لااااااا عيب عليكم جيبولي

الكل ضحك واستانس وانا ضحكت مجاملة بس جواتي متضايقة

فجأة التفتت مدرسة جنبي تقول: اختي شافتك العام ياشوبارد وتمدح فيك وتقول قهر شوبارد ليه ماتزوجت!!

ابتسمت بوجهها <<<< شغلتها تبتسم لما تتوهق

قالت هاه شوبارد ماقلتيلي؟ ليه؟

قلت ههههه سؤالك يضحك شلون ليه؟؟ هذا نصيب

قالت والله ياشوبارد عيشي حياتك وانبسطي ماورا الرجال الاالغثا ووجع الراس


ا(يييييييييه ذقتو العسل وشبعتو منه وقلتو مر طيب خلونا نجربه ونحكم بكيفنا )


رحت للموظفة اللي ضحكت المعلمات قلت لها ليه تسوين هالحركة؟؟ تبغين تصيرين ضحكة للي يسوى ومايسوى؟

بيصيرون يعلقون عليك دايم وعلى الزواج والرجال. وكل ماجابو طاري تأخير زواج خلوك أكبر مثال وتعرفون الحريم قالت وسوت وفعلت

ترى الحياة مو بس زواج!!<<<<< ايه مرة

قالت : يعنني مسوية مو هامك الزواج ياشوبارد اقول اقص يدي اذا ماكنتي أشد مني

بس كبريائك مايسمح لك تعبرين عن اللي بداخلك!!!!!

رن الجرس وضحكت وماعلقت ورحت لحصتي!!!!

انا صراحة ابغى اتعود اواجه الاسئلة هذي

اول مايسألوني أبد.. الحين لي فترة يمكن أشهر بدت الأسئلة اللي ترفع الضغط!!

نفسي ارفع راسي واكون واثقة بقوة من نفسي وارد عادي

المشكلة لما يصير لي مثل الموقف هذا لازم اجلس طول اليوم متنكدة!! وماحب اأكلم أحد ابد

صرت أشيل هم أي مكان أروح له. تصدقون حتى لو قالو فلانة زواجها بالمكان الفلاني وقامو يتكلمون

قلت بس!! أكيد الحين احد بيناظرني! أكيد الحين احد بيرمي كلمة!! قلبي طق طق طق طق << احيانا أسمع صوته

والله فكرت ادخل دورة بس شدخل؟؟ وقولو لي لما يصير لكم مواقف مثلي وش تردون؟!!

قولو امين الله يقرب اليوم اللي نرفع فيه روسنا عاجلا غير آجل
__________________
اللهم لك الحمد والشكر
"ولئن شكرتم لأزيدنكم"

التعديل الأخير تم بواسطة شوبارد ; 24-04-2006 الساعة 12:41 AM
قديم 24-04-2006, 12:28 AM
  #2
الأب الحنون
قلم مبدع
 الصورة الرمزية الأب الحنون
تاريخ التسجيل: Dec 2005
المشاركات: 907
الأب الحنون غير متصل  
اسال الله العظيم رب العرش الكريم ان يرزقكىىىىىى الزوج الصالح وسائر اخواتنا في هذا لمنتدىىى المبارك بأذن الله عاجلا غير اجل ياكريم ,,,,,,,,
__________________
قديم 26-04-2006, 08:58 AM
  #3
fares
عضو جديد
تاريخ التسجيل: Dec 2003
المشاركات: 26
fares غير متصل  
اسال الله العظيم رب العرش الكريم ان يرزقك الزوج الصالح وسائر بنات المسلمين بأذن الله عاجلا غير اجل ياكريم 0
قديم 26-04-2006, 10:53 AM
  #4
سيدة القلب
عضو دائم
تاريخ التسجيل: Apr 2006
المشاركات: 52
سيدة القلب غير متصل  
[blink]ياحي ياقيوم ياذا الجلال ولاكرام ارزقها من حيث لا تحتسب اهى وجميع بنات الطيبين ياكريمFF0000[/blink]
قديم 24-04-2006, 12:57 AM
  #5
يعجز الصبر عن صبري
عضو نشيط جدا
تاريخ التسجيل: Feb 2005
المشاركات: 1,279
يعجز الصبر عن صبري غير متصل  
الحقيقه ياشوبارد المواقف هذي قليل جدا تصير لي ...

لأني مااحب اختلط كثير بالناس ...اتجنب الحريم اللي اعرف ان السنتهم طويله ولا عندهم اي ذره ذوق او ادب ... نفسيتي ماتتحمل احد يسألني السؤال هذا والله انهبل زياده على اللي بي ...

واذا صار مناسبه كبيره ورحت لها اجلس مع اللي اعرفهم فقط واعرف انهم ماراح يقولون لي شي ...عارفين انه مو بيدي واني كثير انخطبت ولا صار نصيب لي ....

انا اخواني وخواتي في البيت اللي مزعجيني ...خصوصا الصغار .... تشوفينهم محتاااارين بجد يبغون يعرفون الجواب ليه ماتزوجت للحين ... يعني مره مستغربين ليه الكل تزوج وانا لا ....
اخر مره اخوي قالي لي اصلا انتي شينه ومافي احد راح يتزوجك كثار شافوك وانحاشوا <<<وصلت الغصه لحلقي لما قالها .. والله انه صادق ماقال شي غلط ....

الحمد لله على كل حال ....

انا متأكده ميه بالميه ان الكل بيقول انتي غلطانه لحبسك لنفسك في البيت .... لكن انا مااقدر اواجه مواقف من النوع هذاابدا ... ولا فكرت احاول ....

ماادري ايش انصحك فيه ياشوبارد ... بس انتي قولي مثلا ماكتب الله النصيب الى الان ....

او اللي تسألك ليه ماتزوجتي قولي ..جيبي لي رجل واتزوجه مااقول لا ... واذا قالت انا مو خطابه والا اهلك يجيبون لك او مو شغلي انا وايش دخلني او تقول مثلا انا والدتك وناسيتك علشان ارح ادور لك رجل <<<ترا كل الأجابات هذي وارده واسمعها كثير لما تقول بنت جيبي لي رجل واتزوج .....

عاد انتي قولي خلاص بما انه مو بيدك ولاتقدرين ليش تسألين ...معناها هذا شي مو بيدي انا بعد ... كله بيد الله عزوجل ...وطبعا اكيد هي راح تكون متزوجه قولي لها ترا حتى حتى زواجك مو انتي السبب فيه هذا رزق الله من الله لك ولاتحسبين انك مميزه عن كل الناس واحسنهم علشانك تزوجتي <<<<عصبت

وممكن تقول يعني معقوله ماانخطبتي الى الحين ابدا ...؟؟؟ اكيد بتقولين ايه انخطبت لكن مو شرط كل خطبه يصير بعدها زواج ... فيه ناس تنخطب ولا يكتب الله نصيب بينهم .. وفيه ناس تنخطب وتنفسخ خطبتها .... وفيه ناس تتزوج وتتطلق فما بالك بالخطبه ؟؟انتي حاولي تقصين لسانها يعني وتعرف كيف تصير ذوق مع الناس ..

والله تقهرني اللي تقول لي كلام من النوع هذا نفسي والله اعطيها كف على وجهها علشان تعرف كيف تفهم وتفكر وتراعي شعور غيرها ....لكن بأذن الله كلها تكون في موازيين حسناتنا او تكفر بعض ذنوبنا ...


الله يفرجها علينا وعليك ياشوبادرعاجلا غير اجل ...
قديم 24-04-2006, 12:57 AM
  #6
الشمس الزرقا
موقوف
تاريخ التسجيل: Dec 2004
المشاركات: 496
الشمس الزرقا غير متصل  
والله ياشوبارد انك خفيفة دم ودايم ادعيلك الله يزوجك انتي وكل وحده ,,,,,, ولكن اسمعيني وطيعيني تمتعي بكل يوم انتي فيه عزوبيههههههههه قسم باالله يجيك يوم بعد الزواج تقولين الله يرحم ايام زمان (كنت على كيفي) ترانا الحين حاكمين حريمنا ومتعبينهم في الشغل واذا قالت ابي اروح لامي قلنا اصبري بيجينا ضيوف حتى لو مافي احد اهم شي اجلسها في البيت خخخخخخخخخخخ (لعانه) شفتي باالله ماهو شي يرفع الضغط واذا شفنا عانس قسم باالله مالي نية بس ابي اشوف رد فعل المدام ...،،،،،،، والله مسكينة وش رايك اخذلها شقه واعطيها مهر حتى الله يرزقها بعيال مابي منها شي بس بتوجر الله فيها ولا انا مالي شهوه في الحريم (عباطه) وش رايك ها للحين عندك ه نية في الزواج لالالالا ولا الولد اذا تعب قلنا شوفي ولدك تعبان وقالت كمان هو ولدك ساعدني قلتلها واقسم باالله عباطه (مززززززح) اللي حملتيبه وجابه منهو انا ولا انتي قالت انا ،،،، قلت ها معترفه يعني قالت اييييه قلت ياالله ومن قالك جيبيه قامت تصرخ ياااااااه قلتلها هذا انتي جبتيه وسنعيه وخذي من هالمعاير وفي النهاية مسيكينه الحرمه تنغلب بسررررررعه بس الشهادة للله ر والله مااخليها بروحها واني اوقف معها وقفات فعلاً تبيض الوجه لدرجة بعض المرات احلف عليها اقول والله ماتسوين غدا او عشا تقول ليه قلت هالمطاعم بتقطعين رزقهم خلي الله يرزقهم ولي رجعه
قديم 24-04-2006, 01:18 AM
  #7
شوبارد
كبار شخصيات المنتدى
 الصورة الرمزية شوبارد
تاريخ التسجيل: Jan 2006
المشاركات: 5,397
شوبارد غير متصل  
الأب الحنون

الله يجزاك خير





لولو

هلا والله فيك.. مادري ليه لما اشوفك افرح احسك فيه قرب كبير بينا

والله انا اروح واجي واطلع زيارات دايم واجلس مع الحريم عادي!! انا انسانة اجتماعية مرررة

بس يجيبون طاري الزواج هرمون الأدرينالين << حق الطوارئ يشتغل

وماهو بس الحريم الكبار والله احيانا تطلع من اللي بعمرنا بعد!!

ونصيحة لولو لاتقولين لأحد اذا تقدم لك اي خاطب حتى اخوانك

انا حلفت امي محد يدري الا ابوي واخوي الكبير بس!!

اقتباس:
المشاركة الأصلية كتبت بواسطة *&* لولو *&*
اخر مره اخوي قالي لي اصلا انتي شينه ومافي احد راح يتزوجك كثار شافوك وانحاشوا <<<وصلت الغصه لحلقي لما قالها .. والله انه صادق ماقال شي غلط ....
...
وش هالكلام يالولو؟؟

كلك ملح وقبلة ياشيخة

وافهمي كلامي ياقلبي ترى الوحدة اذا حطت براسها شي تمشي عليه دايم وتعتقد بصحته

أعطيك مثال أمي اول دايم تقولي انسانة فاشلة<<<<< ياهي الكلمة تحطم وتعقد

تدرين تبرمجت كل شي اسويه بحياتي لو شي تافه اقول ايه لأني فاشلة انا غير الناس

بشوي شوي امي بدت تحس بغلطتها وصرت اشجع نفسي بنفسي واني اكيد بمواقف معينة انجح فيها

واللي ساعدني برامج الدكتور المصري الفقي في قناة سمارت وي كلامه روووووووعة كله عن التفاؤل والنجاح

شيلي هالفكرة من راسك واقنعي نفسك انك تهبلين




وبعدين مااقدر اقول جيبي لي رجل قوووووووية هالكلمة يالولو

والله اذا سمعت زي هالكلام تدرين اني اكره البنت اللي قالته ودي اذبحها

واللي يقههههههررررررر اذا قالو والله الرجال ماواهم الا الغثا لاتتزوجين ترى وجع راس وذل

صديقة لي قريبة لي مررررة لها كم شهر متزوجة والله اول تقطع قلبي بكلامها

ماخلت خطابة مادقت عليها لدرجة كانت تبي واحد متزوج المهم انها تتزوج

وماشالله ربي رزقها بواحد اكبر منها بسنة !!

هالفترة اكلمها تقولي يوه ياشوبارد عيشي حياتك وتهني ترى الزولج صح حلو وتحسين احد يهتم فيك بس والله غثا وذل اجلسي ببيت اهلك احسن

ااااااااااااااااه والله ودي اني صاكة السماعة بوجهها

ودي اني قايلة تتذكرين انك تدقين علي باخر الليل وتصيحين صياااااااااااااح وتقولين فلانة تزوجت وفلانة قالت وانا ودي اموت وانا واهلي مافيهم خير مازوجوني !!!!!!!

نسيتي حياتك اول!!!!!!
__________________
اللهم لك الحمد والشكر
"ولئن شكرتم لأزيدنكم"

التعديل الأخير تم بواسطة شوبارد ; 24-04-2006 الساعة 01:29 AM
قديم 24-04-2006, 01:38 AM
  #8
شوبارد
كبار شخصيات المنتدى
 الصورة الرمزية شوبارد
تاريخ التسجيل: Jan 2006
المشاركات: 5,397
شوبارد غير متصل  
اقتباس:
المشاركة الأصلية كتبت بواسطة الشمس الزرقا
ولكن بس الشهادة للله ر والله مااخليها بروحها واني اوقف معها وقفات فعلاً تبيض الوجه لدرجة بعض المرات احلف عليها اقول والله ماتسوين غدا او عشا تقول ليه قلت هالمطاعم بتقطعين رزقهم خلي الله يرزقهم ولي رجعه
ماقصرت اخوي.. بعد العمايل هذي كلها ماتخليها بحالها

وهذا أروع شي الله يخليكم لبعض

انا يلفت نظري حتى هواش الازواج لما اسمع وحدة تقول هاوشني هزأني

اقول بنفسي ماشالله

نفسي اتزوج ويهاوشني لو يمسح بي البلاط خخخخخخخ وبعد شوي اراضيه بطريقتي

نفسي يطلع زعلان ومنقهر مني وانا ضايقة ادور طريقة اراضيه

نفسي ازعل ويسفهني واعلمه شلون يراضيني خخخخ<<<<<< خيالها واسع

المهم فيه حياة فيه ضحك اليوم بكرة زعل بعده هواش بس فيه متعة بينهم

ولا حالتنا انا والجدار واحد
__________________
اللهم لك الحمد والشكر
"ولئن شكرتم لأزيدنكم"
قديم 26-04-2006, 01:03 AM
  #9
شوبارد
كبار شخصيات المنتدى
 الصورة الرمزية شوبارد
تاريخ التسجيل: Jan 2006
المشاركات: 5,397
شوبارد غير متصل  
[quote=الشمس الزرقا
شي يرفع الضغط واذا شفنا عانس قسم باالله مالي نية بس ابي اشوف رد فعل المدام ...،،،،،،، والله مسكينة وش رايك اخذلها شقه واعطيها مهر حتى الله يرزقها بعيال مابي منها شي بس بتوجر الله فيها ولا انا مالي شهوه في الحريم (عباطه) وش رايك [/quote]

توني أدقق بهالكلام!!

أخوي وكل وحدة متأخرة بالزواج بتقبل فيك؟؟ وش هالثقة بالنفس؟؟

انا اول وحدة ارفض وبقوة الزواج من متزوج

اقعد مقابلة اهلي ولا اخذ نصف رجال!! الا بحالة وحدة بس هي اللي راح اتنازل فيها والله لايجيب هالحالة يارب
__________________
اللهم لك الحمد والشكر
"ولئن شكرتم لأزيدنكم"
قديم 26-04-2006, 01:44 AM
  #10
جورجي
عضو نشيط
تاريخ التسجيل: Jul 2003
المشاركات: 179
جورجي غير متصل  
والله يا شوبارد إني أحبج فالله...صح إني ما أرد واااايد بس كل ما أدخل أدور شو كا تبه

والله ضحكتيني بسالفت الحرمة يوم طاحت والدليل على سوء نيتها إن الله إستجاب دعائج

والله إن شاء الله يرزقج بزوج صالح يارب إنت وكل بنت في المنتدى ويجبر قلوبكم ويفرحكم بنونوا يقولكم ماما

ونفرح فيكم عن قريب آآآآآمين ولا تنسون تدعون في كل سجود إن الله يرزقكم بالزوج الصالح....
__________________
[قال رسول الله صلى الله عليه وسلم "من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب "]
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 09:42 PM.


images