السلام عليكم ..
انا معصبه .. على الاخر... مو عليك لا على زوجك ..
لاني كنت اعاني من نفس المشكله .. كنت على خلاف دايم مع زوجي واهله .. والسبب تدخلاتهم الغير مباشرة والغلط علي وعلى اهلي وهو ساكت .. وانتظار ام زوجي عند الباب عشان تشكيه مني .. ومرات ماتقدر تصبر فتتصل عليه ... وانا بعد مو بس حبيت زوجي عشقته بشكل مو طبيعي..
لكن الفرق اني حملت على طول بالزواج والحين بتطلق وعندي بنت .. واني عشت مع اهل زوجي ..
والله مادري شقولج .. ماقول غير احمدي ربج انج ماحملتي للحين .. وهالشي لصالحج .. توكم صارلكم 11 شهر.. مادري ليش مستعجلين اهل زوجك بالحمل.. عشان ترتبطين في الطفل..
اصبري لا تستعجلين على الحمل.. مو عشان في احتماليه تطلقين لا .. وان شاء الله مايصير طلاق وتستقر اموركم ..
خلي الامور من بينكم تستقر عشان مايولد طفلك في هذي الاجواء.. الحل مو بيد اهل زوجك .. الحل بيد زوجك نفسه .. اهل زوجك ماتحكمو في حياتكم الا بسببه هو لانه هو معطيهم المحال للاسف..
روحو لمكان هادىء..وناقشيه بهدوء.. عن حياتكم الزوحيه .. وحسسيه ان امرك كله بيده هو .. حسسيه انه هو الرجل... وانك بحاجة للامان .. والاستقرار.. قوليله اذا انت ماوقفت معي ترا مالي حد .. واهلي مابي ادخلهم في حياتنا.. وبمشاكلنا لاني ادري ومتاكدة بانك قدها ..
يمكن صعبه عليكم تاكلون وتشربون بروحكم .. انا مادري بس حاولي قد ماتقدرين انك تبعدينه عنهم وتقللين قعداته عندهم .. مو تمنعينه لا .. ولا تفكرين حتى !!! لانه بينقلب ضدك .. وحتى لا تحاولين تتذمرين من اهله ... بس خليه يتخيل حياتكم الزوجيه لما يكون هو الامر الناهي فيها بدون تدخل اهله ..
واذا في يوم من الايام .. قالك ..عن مشكله ولا عن شي انتي سويتيه مع اهله وتسبب في زعل امه ولا حد من اهله وانتي ماسويتيه .. لا تحاولين تخفين حزنك ودموعك .. بل ادمعي وابكي لان الرجال يتاثرون بالدموع صدقيني..
الله يعينك ويوفقك .. وييسر لك امورك ..
ويهدي زوجك .. ويحنن قلبه وقلب اهله عليك ..
وردي علينا يالغالية وطمنينا عليك .. قلبي معك .. وحاسة بشعورك ...
الاشراف /عفوا :يرجى الابتعاد عن اللهجات المحلية قدر الامكان ..ولكم جزيل الشكرفهذا مخالف للبند رقم 21 من قوانين المنتدى
http://www.66n.com/forums/announcement.php?f=3
__________________
ربنا هب لنا من أزواجنا و ذرياتنا قرة أعين واجعلنا للمتقين إماما
أرجوكم ادعو لي ..بإن ربي يجمع بيني وبين زوجي على خير
إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...
الـعزيـــــــــــــــز بو وداد..
أحبــــــــــــك ...