هل انا مريضة نفسيا!
السلام عليكم احبتي في الله
اشتقت لكم كثيرا
توي راجعة من السفر بس وانا مسافرة كنت افكر فيكم وكان بودي ابشركم عن متعتنا بالسفر
الحمد لله المكان كان جدا رائع بحر وجبال ومناطق مانشوفها الا بالافلام
استمتعنا اول ثلاث ايام كانت زي العسل
اليوم الرابع بديت احس بضيقة بقلبي ودموع تنزل ولا اعلم السبب او ان الاسباب مراكمة بعقلي الباطني ولا تحضرني وقت ما اسال نفسي ليش انا مضايقة
لا انكر ان زوجي تغير للافضل كما اخبرتكم المرة الي فاتت وشعرت بسعادة ماقد شعرت بها من قبل
لكن في حلقات مفقودة بعلاقتي مع زوجي استغرب واعيش في حيرة تكاد تخنقني
رغبته لي خلاص السفر صفر انا الي كنت ارغبه واذا صار شي مجرد احس انها تؤدية فاتروة
اذا طالع فيني اكون انا لاهية بشي احسه يطالع فيا بشمئزاز وفرق
اقسم بالله ما اقدر اوصلكم الاحساس الي يجيني بعد هالنظرات على طول اركد للمرايا واللقى اثار الاحباط بملاحي
معلش بكون شوي وقحة بكلامي بس ابغاكم تفهمون المشكلة على اساس اذا انا الي مريضة نفسيا اروح اتعالج
مايقبلني من فمي وافرش سنون واستخدم غسول هذا غير نظافة الجسم والكريمات والعطورات
ننزل نتمشى بالبحر يبعد عني بحول كيلو اقوله ليش مانتمشى سوى ومنها نسولف ومنها رياضة
تحيه لحظات صمت غريبة قاتلة اقوله شفيك يقول مافي شي
لا سدح في البلكونة وجيت ابي اجلس معه يقول خلاص وقت النوم!
طيب احنا في سفر ننام متى مابغينا ومتى ماصحينا وش ورانا
او ممكن يصحى قبلي واذا صحيت انا وجهزت الفطور وابي استمتع بالجلسة يقول انا بنزل اسبح
يعني يخالفني بكل شى بالنوم بالقومة بالمشي
احسه يتهرب مني وياكثر هالاحساس ماهو مدمرني
امس بالمطار صارت مشكلة وانا اتقطع الم مدري اكلت شي سممني المهم كل ماشتد الالم علي بمعدتي احس انه بيغمى علي ويديني ورجولي زي الثلح
كنا جالسين بكراسي مقابلة لأرضية المطار الي تنزل فيها الطائرات وكان في وحدة مارة ورانا وطبعا شفتها من القزاز يعكس ولف راسه وشافها لين مرت
قامت قيامتي قلت مانت مظطر انك تشوفها وهي وراك وش بتشوف يعني
قال بشوف وبكيفي وكل شيء
وانا خفت تكون رجعت له الانتكاسة من بعد ماعشنا ايام نفية بذكر الله والصلاة بوقتها والاتزام
اعشقه لدرجة الجنون ولا اقبل لا وحدة تطالع فيه ولا هو يطالع بوحدة لاني انا ماتشبعت منه ولو كان مشبع رغباتي كان اشوف الوضع عادي
حرق روحي الحب واسال الله ان يرحمني برحمته ماعاد عندي اندى ثقة بنفسي قدامه وخاصا لو تمر وحدة كاشخة ومتربجة وطالع فيها زوجي احسها تنهيني
انا تعبت يا عالم ابي ارتاح باي طريقة الحمد لله لازلت محافظة على صلاتي والاستغفار والوتر والاذكار
بس هل تشيرون علي اراجع عند طب نفسي بالنسبة لهالتعلق الشديد بزوجي
رغم اني عطيتكم الاسباب لو كان يهتم فيني او على الاقل يناظر لي نظرة تشرح لي صدري ماصولت لهالحالة
اذا تشوفون ان حالتي من عدم ثقة بنفس وتعلق زايد او حب التملك تحتاج الي جلسات نفسية ممكن اخذ بمشوركم واتعالج اهم شى ارتاح لاني خلاص بموت من القهر
امس بالطيارة اتقطع بالالم وهو ياكل ماقدر حتى يمسك يدي يهون علي شوي احس اني غريبة الروح معه
__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...
28-06-2013, 11:48 PM
ضوابط المشاركة
العرض الشجري