يبدو ان عندك مشاكل كتبتيها بالمنتدىلكني ماتابعتها او ناسيه معليش....


بالسفر لما كان مطنشك ... ليش ماستمتعتي لحالك ...
بمعنى تعتبرينه غير موجود ... تكلمين اهلك بالتلفون او صديقاتك
تلتهين عنه باي شي لو كان بسيط!!


ولما كنتو تمشون عالبحر وبينك وبينه مسافه ليش ماغيرتي اتجاهك وكأنه غير موجود او عالاقل جلستي بمكان معين وخليتيه!!


حاولي تثيرين غيرته .. لما كان يطالع ...
ليش ما سويتي نفسه تطالعين الرايح والجاي .. شوفيه يتكلم .. يقول شي .. ام انه لايهتم.. وهاذي مصيبه لان اللي مايغار على محارم الله مافيه خير!!


تغلي عليه ... تمنعي .. مهي حاله هاذي!!
😡


بعدين يحبيبتي لا تنطرين منه مدح واعجاب خلي ثقتك عاليه بنفسك ... عطي نفسك قدرها !!
لا رزيتي نفسج وعزيتيها اللي حولك يعزونك!!!


لما سالتك عن الوظيفه ماكنت اقصد فلوس!!
كنت اقصد انك تعانين مٍْْـٍْْ♡̷̴̬̩̃̊ـٍْْنٍْْ الفراااغ فبالتالي تبين زوجك يعبيلك هالفراغ وهذا غلط


بعدين بيني وبينج الزوج يمل مٍْْـٍْْ♡̷̴̬̩̃̊ـٍْْنٍْْ الاهتمام الزايد والغير مبرر يطفش


# شلون علاقتج الخاصه معاه

__________________
اللهم احفظ لي زوجي وسخره لي واحفظ لي اولادي

اهلا بك ناني تسلمين على اهتمامك
نعم اعاني من الفراغ عشان كذا طول سنوات زواجي اسعى للحمل بس الله ماكتب
اهتمامي فيه من زود حبي له وهذا شي واضح
بالنسبة للغيرة ماقلت مايغار بس ماهو دايم ولا بنفس درجتي ويمكن لو غار علي مثل غيرتي عليه وحسسني انه خايف يفقدني كان هدى جبل القلق الي بداخلي
بالنسبة للسفر وانا معه معرف استمتع لحالي بعكسي هو يقدر يستمتع لحاله

العلاقة الخاصة ذكرت سابقا انها بدون مقدمات
تحسنت شوي بالايام الاخيرة
بسفرنا لم تكن عنده رغبة لي

ابي اسال سؤال هل العلاقة الحميمة والرغبة المستمرة تحسس بالامان؟

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

اكيد 100٪
لما تحسين انه زوجج رغبان فيج مٍْْـٍْْ♡̷̴̬̩̃̊ـٍْْنٍْْ هالناحيه
رح تحسين بالامان العاطفي ويصير عندك توازن ممكن تتغاضين عن اشيا اخرى!!


# لكن انتي شلون راضيه بدون مقدمات؟؟؟!

__________________
اللهم احفظ لي زوجي وسخره لي واحفظ لي اولادي

تكلمت معه كثير بذا الموضوع
مايرد علي وحلفته بالله هل في شي مايعجبه فيني يقول ابد
وترى ممكن اساله باليوم اقل ثلاث مرات عن ذا الموضوع لاني فعلا احس بالنقص
ابدر بالعطورات والكريمات لاجل ريحتي عنده تسبق مكاني
مهتمة بنظافة جسمي بشكل فوق العادة
كثير صديقات يمدحون عطوري ورائحتي ويسالون عن انواع العطور
هو نادر مايقول ريحتك حلوة
وانا اذا شميت فيه عطر امدح هذا وهو طبعا يتعطر وهو طالع
كذالك عدم اهتمامه بنفسه عندي يضايقني
فلو كان يسوي اي حركة احسه يبغى يجذبني له يدخل باهتمامه فيني
او ضامن اني مقتنعة فيه بكل شى عشان كذا مايسوي مجهود عندي
من الناحية المادية كذالك في تقصير لكن اعذره بكون عنده بيت اخر واجارين واولاد اشيل مصاريفي عنه عشان لا تثقل عليه الامور
بس مثلا لو طلعنا وحبيت اشتري عطر ولا شي ومامعي فلوس اقوله اشتري لي وارجعها لك
او جوال او اي حركة احس انه سواها عشاني
يدفع اجار البيت والاكل والشرب
وامور نفسي انا علي
اذا فاتحته بالموضوع يقول زوجته الثانية مايشتري لها الا بالعيد
وانا مابي ابخل على نفسي ولا اعلم ان كان كلامه صحيح ولا لا
اقول مو مشكلة داام الله فاتح علي باب اساعد نفسي ليتني بس احس بسعادة ترى مافي شي اخسره واندم عليه

انا ماتهمني الششؤون المادية قدر مايهمني اهتمامه فيا
اول مع المشاكل كان يقول انه يحس اني رجال ربما لاني اصرف على نفسي مايحس انه متزوج وحدة يصرف عليها وخسر جوف قلبه
بس لو احمله المسؤولية بجميع اموري راح يطلقني وانا متاكدة انه مااراح يقدر
معرف وين الخلل وين هالحلقة المفقودة الي صار لي سنين ابحث عنها

لا انكر اني احبه كثير
واني مهما اشكو والشكوى لله اذا شفته انسى كل شيء

ما اقول الا الله يرحمني برحمته واتمنى من الله ان عصيته الا يعذبني بحبه

اتوقع وهو مسافر يكون باله مشغول باهله وعياله رغم ان سفرنا يكون بحدود خمس ايام الي اسبوع اقصى شيء

بس يمكن راح اتوقف عن السفر معه على الاقل لين يهدى وضعنا شوي

واحنا بسفرنا قالي ان الشيطان كان يوسوس له انت تغض بصرك عشان ربك ولا عشان زوجتك
وجاني خوف من الانتكاسة
لانه لا اخفيكم عشت ايام معه ولا اروع بالتزامه ولا انكر انه كان يصلي بالوقت ومحافظ على الاذكار وقراءة القران اول ثلاث ايام كانت ممتعة بعد كذا جتني كتمة

بعد كذا لمن شفته بعيد عن روحي بدت الشيطان يدخل فيني
وشكيت ان وحدة كانت في بلكونة مقابلة واقفة
وبعدها جت مع شباب وكانو يجون تالي الليل
بديت كل شوي اشيك على البلكونة واراقب
خفت..
لمن سالته هو مو حول الموضوع
بس بوسط اليل ضرب نور الجوال بوجهي وحسيت بهزاز على السرير وكان زوجي كان برا الغرفة ورجع اللقى نفسه على السرير
لمن سالته قال والله العظيم ما تحرك من السرير واني اتوهم وهذا شيطاني
بس اقسم لكم ان هذا الي حصل لايمكن اكون اتوهم لاني صحيت على نور الجوال
اول ماقلت يافلان وينك قال نعم

في المطار كان في وحدة لابسة نفس تي شورت حقه يمكن هو مايدري عن الموضوع بس انا بقولكم الي حصل

دخلنا دورة المياة الله يكرمكم عشان نتوضى انا كنت شايلة عطر بيدي وحطيته فوق المغسلة توي اذكر امس وين نسيت العطر شريته من المطار وجلست اراقب عند الباب وقت خروجه من دورة مياه الرجال

لمجرد انه يطالع بوحدة ما اقبل لاني لم احضى بنظراته انا اولا واذا ناظرني يناظرني باشمئزاز

يمكن لم يقلي لها بال ويمكن ويمكن بس انا خايفة من كل شيء

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...