مشكله كادت ان تنهي خطبتي ! - منتدى عالم الأسرة والمجتمع

09-12-2005, 05:31 AM

poiuyt

عضو نشيط

تاريخ التسجيل: Mar 2004

المشاركات: 169

مشكله كادت ان تنهي خطبتي !

السلام عليكم ..

ابقول لكم حادثه حصلت لي او مشكله وياليت اقراء تعليقاتكم ..

انا خاطب بنت خالي من فتره .. وقبل كم من سبوع جالسه تتكلم خطيبتي مع اختي ومع بنات خوالي وخالاتي كانوا يتكلمون عن المهور

.. المهم ان خطيبتي قامت تتكلم بكلام حسب ماوصلني جارح وتقول ان البنت مفروض يعطونها 100 الف مهر ياله تكفي مصاريف .. و.......................... الخ !

اختي ماقدرت ترد عليها .. وزعلت وقامت .. وماجلست معهم ...

بعد ايام لاحظت اختي ضايقه وزعلانه ... جلست معها الى ان قالت لي ايش الي صار ! انا صراحه صعقت من كلام خطيبتي الي كنت متوقعها عكس كذا ! وانها ماتهمتم بلفلوس وان حبنا اهم شيء !

عموما اختي - الله يهديها وصلت الكلام لامي ! او حسب كلام اختي .. امي ضغطت عليها الى ان تكلمت اختي لها

امي مااستحملت كلامها وكلمت خطيبتي .. وقالت لها ايش الكلام الي قلتيه ..... الخ

خطيبتي نفت بشكل كامل وقالت انها ماكانت تقصدني انا وان الموضوع البنات هم الي فتحوه ويتكلمون فيه عن المهور بشكل عام وان الكلام الي انقال لها مهوب صح ..

انا فكرت فعليا بفسخ الخطوبه وخاصه ان الموضوع مابعد انتشر .. وانتظر بس رد خالي ..

وامي كانت متضايقه مررررررررررره الاول بسبب خطيبتي وكلامها والثاني بسبب كلامها مع خطيبتي .. وخاصه ان امي كانت محبوبه من جميع البنات ..

من بكره امي دقت على خطيبتي تقول لها اعذرينا اذا كنا ظلمناك وانتي في مثابة بنتي .... الخ
واتضح ان خطيبتي ماعلمت اهلها سواء امها او ابوها .. وكتمت على الموضوع من باب عدم تكبير المشكله

الان الموضوع تقريبا انتهى لكن :

انا لازلت مصدوم بكلامها .. فهل معي حق

09-12-2005, 06:10 AM

عاشق الحـور

عضو مميز ومثالي

تاريخ التسجيل: Aug 2005

المشاركات: 356

اولا مبروووووك والله يتمم عليك

ثانيا يمكن كان قصدها أن كل شي في هذا الزمن غالي حتى 100 ألف ماتكفي حق عروس كمهر

وإذا تبغى الصراحه والله أن خطيبتك صادقه لأن في هذا الزمن كل شي غالي

بس بصراحه هذا الشي ما يزعل ولكن مو معناه أن هي تبغى مهر 100 ألف

وبعدين لا تدقر في كل شي في حياتك الزوجية لازم تفوت شوي
و بعض البنات من طبعهم إذا جلسوا يسولفون يخوضون في كل شي

أخوك عاشق الحور

09-12-2005, 06:39 AM

يعجز الصبر عن صبري

عضو نشيط جدا

تاريخ التسجيل: Feb 2005

المشاركات: 1,279

الحقيقه اخي انت كبرت الموضوع

اولا من اللي مايحب الفلوس ويفكر فيها ؟؟؟؟

خصوصا اذا صارت بنت ودخلت السوق وتبي تجهز بعد

ميه بالميه هي قصدها انه كل شي غالي في الوقت هذا وهي عروس وتبغى تجهز كل شييييييييييي بمعنىالكلمه

فستان الزواج لحاله راح يكلف ثلاث الاف على الأقل وتجهيز الحفل والملابس والمكياج ووووووو سالفه ماتنتهي

انت لو تحسبها تلقاها تتعدى الميه الف ... ولو تعطيها ميتين الف عسى تكفي ....

الله يعينك ويعينها اذا من اولها زعلت على مجرد كلمه ....

__________________

سأصبر حتى يعجز الصبر عن صبري

واصبر حتى يأذن الله في امري

واصبر حتى يعلم الصبر انني صبرت

على شئ امرّ من الصبر

من مواضيعي

دعوه للتسامح .. بعد القطيعه .. سجل نداءك..
هواجس عانس... كابوس اسود .. هل يمكن ان يتحول الى حلم وردي ؟؟؟
حائره .. بين مطرقه ((تقدمي واقبلي)).. وسندان (( تراجعي واحذري ))
للمتزوجين والمتزوجات .. ابنك على ماربيتيه .. وزوجك على ماعودتيه ؟؟؟
للمتزوجين والمتزوجات .. هل واجهتك مفاجأه بعد الزواج ... وماهي ؟؟؟

09-12-2005, 06:54 AM

الذئب المصلح

عضو نشيط

تاريخ التسجيل: Nov 2004

المشاركات: 157

انس الموضوع

و اكيد خطيبتك متحسفة و هذا يكفي

و خطيبتك ما شاء الله ما علمت احد و هذه صفة زينة

09-12-2005, 07:07 AM

cagaryr

عضو جديد

تاريخ التسجيل: Aug 2005

المشاركات: 32

انا احس انها ماكانت تقصد بدليل انها ماوصلت الكلام اللي جاها من امك لاهلها وانه كان مجرد سوالف وانت لا زم تتعلم كيف تواجه مثل هذي الامور لانها تافه بس الحريم دايم يكبرونها وهي صغيرة حتى لو تقصد كلمة جدا عاديه كل الحريم يقولونها تفسخ الخطوبة وتصير تفرقة ومشاكل بين العائلة علشان كلمة؟؟؟؟

09-12-2005, 07:08 AM

شهد22

عضو نشيط

تاريخ التسجيل: Jan 2004

المشاركات: 102

عاشق الحور.. الله لايحرمك شوفة الحور والله يجزاك الفردوس على هالرد احسك فهمت الموضوع اكثر من poiuyt

اخوي poiuyt اول شي مبرووك و الله يتمم عليك ويوفقك وييسرلك امورك..

ثاني شي الكلام اللي قاله عاشق الحور صح 100%

اختك كبرت السالفه شكلها حساسه بزود والكلام اللي قالتة خطيبتك عادي والله وهذاني حلفت! اني سامعته من اغلب البنات اللي اعرفهم وخصوصاً اختي وزوجة اخوي..
ويوم قالت زوجة اخوي هالكلام انا مازعلت منها ولا شلت بخاطري لاني مجربه يوم جهزنا اختي كل شي غاااااالي..

زبدة الموضوع خطيبتك ماتقصد اللي ابالك وانت بلسانك قلت انها قالت ((ياله تكفي مصاريف)) كل البنات يقولون هالجمله وأولهم أنا بس مو معناته اننا نبغى مهر 100 الف!

الله يسعدكم ان شاءالله ولا (((تدقق على كل كلمه))) و اذا تزوجتو ان شاءالله هي بتقولك نفس كلامي وقل اختي شهد ماقالت

موفق ان شاءالله..

09-12-2005, 07:33 AM

شاطئ الذكريات

موقوف

تاريخ التسجيل: May 2004

المشاركات: 102

سبحان الله
اخوي انت من جدك ... كنت ناوي تفسخ الخطبة عشان موضوع كذا ...
انا ما اعرف وين وصل عقول الرجال في زماننا هذا ... بجد قهرتنى يوم تقول انه
نويت تفصل الخطبه ... انت الظاهر بتنقلب حياتك فوق تحت اذا بتاخذ بكل صغيره وكبيره

شوف نصيحه منى لك ... نصيحه من اخ يتمنى لك حياة سعيدة .
اذا اتزوجت بكرة وانا اخوك انصحك لا تاخذ بكلام الحريم نهاااااااائياً
لا تصير تسمع لهذي وهذيك ولوووووو كانت امك
نصيحه لك ... ترى والله الحريم زي البزارين يزعلون شوي ويضحكون ساعات
والبنات هذا طبعهم
ما يدخلو بموضوع الا تلاقي كل شي يقولونه ... ومن المواقف المضحكة اللي سمعتها
من وحده من قرايبي
تقول:
مره كنا نتكلم عن صدام ومحاكمته ... وهي قضيه سياسية
جلسنا نتكلم عن اللي سواه في العراق .. وفيه وجهات نظر مختلفه ومره نقول امريكا
ظالمه ومرره صدام ظالم ... شوي اتفقنا ان امريكا ظالمه وان صدام ضعيف وبيعدموه
وحنا نتكلم كانت فيه حرمه كبيره شوي تفاعلة مع الموضوع و قامت تبكي وتقول الله ياخذ امريكا.
يعنى تخيل الحرمه هذي تفاعلت مع الموضوع الى درجت البكاء .
وبصراحه
بنت خالك عاجبتنى
صح وهي صادقه المفروض اقل شي مهر البنت 100 الف
لكن ما فيه فلوس ... رضينا بالمقسوم
هذي وجهة نظرها ... ايش دخل اختك تروح تعترض ...
ولوو ان بنت خالك ما تحبك ما كان قبلت فيك من الاول ... من جد انا زعلان منك
المفروض تكون صاحي من الاول
بعدين شوف تشعب الموضوع ... بنت خالك قالت لاختك وراح الموضوع لامك وووو
حبيبي الله يحفظك خلي لك شخصية مستقله ... لا تصير متأرجح
مره ورى امك ومره ورى اختك

ولو قالت خطيبتك ..والله خطيبي شكله مو عااجبنى
انت قول وربي خطيبتى تطير طبنات العقل .
هذي عقول البنات ولزم يكون موقف الرجل كذلك
لك تحياتى
اخيراً
انا اعرف انى شديت عليك بالكلام لكن صدقنى هذا كله لمصلحتك ...
لا تدخل اهلك بمشاكلك

09-12-2005, 09:29 AM

Shark

قلم مبدع

تاريخ التسجيل: Dec 2003

المشاركات: 1,757

أخي نصيحه

سيبك مما يدور في مجالس النساء و لاتعره أهتمام.

لو فسخت الخطبه فأنت ظالم للفتاه فهي قالت رأيها و ليس معناه أنها ستطلب الكثير.

مثلها مثل الرجل الذي يدافع عن مفهوم التعدد و لكن ليس معناه أنه سيعدد .

العمل على العقد , فلو وقتها غالت في المهر فأرفض أما الأن فلا تكن ظالم.

__________________

09-12-2005, 10:14 AM

جمر

قلب المنتدى النابض

تاريخ التسجيل: Dec 2003

المشاركات: 1,703

ليه ما تصارحها بنفسك , خل النساء على جنب , ولا تسمح لهم بالتدخل فيدمروا حياتك ..

افهم من زوجتك ما تقصده , ولا تستعجل الحكم , فتكون ظالم للبنت ..

قلها قيمتك عندي مو بالمال ..

__________________

قال ابن الجوزي لأهل زمانه :
أيها الناس ..
لقد دارت رحى الحرب ، و نادى منادي الجهاد ، و تفتحت أبواب السماء ، فإن لم تكونوا من فرسان الحرب ،
فافسحوا الطريق للنساء، يدرنَ رحاها ، و اذهبوا و خذوا المجامر والمكاحل يا نساء بعمائم و لحى .

09-12-2005, 01:58 PM

#10

poiuyt

عضو نشيط

تاريخ التسجيل: Mar 2004

المشاركات: 169

في البدايه اشكر كل الي ردوا علي وتفاعلوا مع مشكلتي ..

بس لاحظو ااني ماذكرت ايش قالت بالضبط .. هي لو انها قالت بس ان 100 الف ياله تكفي عادي جدا !
انا قلت هذي الكلمه وقلت ... الخ يعني اقصد انه كلام كثير عن المهر وعن الفلووووووووووس

لكن هي لمحت بشكل عام ( حسب الي جاني ! ) عني انا وان صديقاتها دايم يعايرونها بان مهرها راح يكون قليل ... ومن هذي الامور يعني من جد كلام يقهر ! انا مااقول مالها حق تتكلم زي كذا بلعكس من حقها لكن ليه هي تكلمت بوجود اختي !! اقل شيء تحترم وجودها حتى لو هي تمزح .. مفروض تراعي وجود اختي معها .. وخاصه ان اختي حساسه

اختي يوم تكلمني تقول لي يمكن خالي غاصبها وهي ماتبيك ! انا في البدايه صدقت وقلت اذا هي كذا راح افسخ الخطبه وماعندي استعداد اعيش مع وحده مغصوبه علي .. هذا في البدايه مع اني كنت متاكد في السابق من حبها لي ... لكن قلت يمكن هي ماتبيني وعلشان كذا تعمدت تتكلم عند اختي علشان يوصلني الكلام ..

لا تلوموني وربي ان معكم حق في كثير من كلمكم ..

وانا تاكدت من انها تحبني او على الاقل متمسكه فيني يوم تكتمت على الموضوع ولا نشرته ..

تحياتي لكل من رد حتى لو كان قاسي ..

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه