°¤ الباستا الإيطالي من مطبخ شمعة الجلاس + حلا تك (حياكم شوفو الصور ) ¤°

02-08-2007, 01:34 AM

شمعة الجلاس2005

كبار شخصيات المنتدى

تاريخ التسجيل: Aug 2005

المشاركات: 1,769

°¤ الباستا الإيطالي من مطبخ شمعة الجلاس + حلا تك (حياكم شوفو الصور ) ¤°

من فترة طويلة وأنا أروح لمطعم معروف عندنا اسمه يم يم تري والطبق المفضل عندي هو الباستا بالدجاج والصلصة البيضاء وكان ودي أعرف الطريقة بالضبط مثل ما يعملونه وجربت وجربت كم مرة

وكل مرة أفشل ما يكون الطعم مثل اللي في خاطري

..

بس هاذي المرة قلت يا أنا يا يم يم تري

والحمد لله عملت الباستا وطلع الطعم

أحلى من اللي كنت آخذه من هذا المطعم وبشهادة زوجي وأخواتي

:14: ..

واللحين بعد ما قصيت عليكم قصة حياتي ..

نبدأ ( بسم الله الرحمن الرحيم )

*** الباســــــتــا الإيطـــــالـــي ***

ثلاث صدور دجاج مقطع شرائح طولية

2 بصل متوسط مفروم ناعم

2 كوسة مقطعة شرائح طولية
2 جزرة مقطعة شرائح طولية
2 فلفل بارد مقطعة شرائح طولية

كمية من البروكلي
وكوب زيتون أسود
1 كيس خلطة البشاميل
1 قيمر (قشطة )
جبن موزاريلا مبشور
جبن بارميزان مبشور
1 كريمة للخفق ويبنج كريم
3 ملاعق أكل زيت زيتون
كوب خل أبيض
1 مكعب ماجي
فلفل اسود + أوريجانو + توابل إيطالية

مكرونة فارفيللي – Farfale ( مثل الفيونكة )

+ المكرونة العادي أو بينه – Penne( الطولية )

أو اسباجيتي

ناخذ صدور الدجاج ونقطعه بهذا الشكل

وبعدين ناخذة وننقعه في كوب الخل ورشة فلفل أسود مطحون لمدة 1/2 ساعة تقريباً

وهذا شكله بعد الــ 1/2 ساعة

واللحين في قدر نحط البصل المفروم ونضيف عليه الثلاث ملاعق زيت الزيتون وبعد ما يصير لونه ذهبي فاتح والزيت يكون حاااار نضيف شرائح الدجاج بعد تصفيتها من الخل

ونقلب الدجاج لين يتبخر الماء تماماً

وبعد ما يبخر الماء نغطيه ونخليه يستوي على نار هادئة ..

وفي هاذي الأثناء نسلق المكرونة في الماء وشوية ملح وزيت

وبعدين نصفيها

واللحين جا دور البشاميل .. وهاذي صورة لمقاديره

وطريقته

نعمل البشاميل مثل ما هو مكتوب على الكيس

وبعد ما يجهز نضيف له القيمر

ونسكر عنه النار ونخلطه عدل وبعدين نضيف شوية أوريجانو

ونخلطه ونخليه على جنب

واللحين نرجع للدجاج ونلاحظ إن بين كل كم دقيقة نحرك الدجاج علشان يتحمر شوية من جميع الجهات

المهم لما ياخذ تقريباً 15 دقيقة سوى نضيف الخضروات ونبدأ بالجزر لأنه يحتاج لمدة سوى أطول

فنضيف الجزر ونخلطه مع الدجاج لين يذبل شوي لمدة دقيقة

وبعدين نضيف الفلفل البارد ونخلط

ومكعب الماجي

واللحين الكوسا

ونخلط الجميع مع بعض

وهذا شكل الخضرة لما انخلطت وشوفو الدجاج اشلون متحمر اممممم

وبعدين نضيف شوية أوريجانو وشوية توابل إيطالية وما نكثر لأن نكهتها قوية .. ونخلط

واللحين نضيف كريمة الخفق

ونخلط عدل

ونضيف الزيتون الأسود ونخلط

واللحين دور المكرونة المسلوقة ونخلط (( وترى لا تخلونها تنسق مدة طويلة خلوها شادة شوي ))

__________________

التعديل الأخير تم بواسطة مستكة_مستكة ; 02-08-2007 الساعة 11:11 AM

02-08-2007, 01:36 AM

شمعة الجلاس2005

كبار شخصيات المنتدى

تاريخ التسجيل: Aug 2005

المشاركات: 1,769

واللحين دور الباشميل ونضيف بالشوي ونخلط

وآخر شيء نضيف الجبن ونخلط وعلى طول نسكر النار ونسكب في الطبق

ملاحظة :

البعض يحب الصلصة البيضاء مخلوطة مع صلصة حمراء

ومقاديرها :

3 حبات طماطم صغيرة
ملعقة صغيرة معجون طماطم
فنجانين قهوة ماء
قطعة واحده ماجي
شوية فلفل اسود + شوية سنوت (كمون)
فلفل حار أخضر او احمر ( اختياري )

وطريقتها:

تخلط الطماطم مع مقاديرها في الخلاط الكهربائي و توضع في الطنجرة و تترك على نار هادئه ووقت وضع الصلصلة نخلط الصلصتين ( البيضاء والحمراء ) حسب الذوق مع بعض فوق الباستا اللي عملناها ..

ولكن لأني أنا وزوجي ما نحب إلا الصلصة البيضاء فما عندي إلا صورها فقط

وهذا شكل الباستا بعد التقديم

وشوفو شلووووووون الجبن وانتو تاكلونها اممممممممممممممممم

[blink]

*** وعليكــــــم بالعــــــــــافية ***

[/blink]

وننتقل للحلا على طووووول

*** حـــــــلا تـــك ***

~~~ المقادير ~~~

مثل ما هو واضح في الصورة

2 بسكويت تك
1 حليب محلى
4 ملاعق أكل زبدة

~~~ الطريقــــة ~~~

نفتت البسكويت بهذا الشكل

وبعدين ناخذ الزبدة

ونسيحها شوي ونضيفها على البسكويت

ونضيف عليهم الحليب المركز

ونخلط جميع المقادير

وبعدين نحطهم في صينية بايركس ونسوي السطح

وندخل الحلا في فرن متوسط الحرارة من 10 - 15 دقيقة ولما يستوي نحمر الوجه

ونخليه يبرد شوية وبعدين نقطعه بهذا الشكل

ونصفه في طبق التقديم

[blink]

*** وعليكــــــم بالعــــــــــافية ***

[/blink]

من عمايل يد أختكم
شمعة الجلاس2005

__________________

التعديل الأخير تم بواسطة مستكة_مستكة ; 02-08-2007 الساعة 11:08 AM السبب: اعاده تحميل الصور

02-08-2007, 01:41 AM

ملاك الغربة

كبار شخصيات المنتدى

تاريخ التسجيل: Apr 2006

المشاركات: 5,029

وعليكم السلام ورحمة الله وبركاته

ماشاء الله تبارك الله ..

من جد ابداع ..

يعطيك العافية ...

__________________
فـيْ آليومَ الوآحِد نستطيعَ آن ننسـْى الف لحظه نريدَ الإحتفَآظ بــهآ

وبـِ نفَس اليومَ نِستَعيَد لحظَهَ نُـريد نِسيـآنهآ ..

02-08-2007, 03:57 AM

شمعة الجلاس2005

كبار شخصيات المنتدى

تاريخ التسجيل: Aug 2005

المشاركات: 1,769

اقتباس:

المشاركة الأصلية كتبت بواسطة ملاك الغربة

وعليكم السلام ورحمة الله وبركاته

ماشاء الله تبارك الله ..

من جد ابداع ..

يعطيك العافية ...

الله يعافيكِ ياملاك ..

وتسلمين لي حبيبتي وكل الإبداع في تواصلكم ودعمكم ..

حياك الله يالغالية شرفتيني بمرورك

__________________

02-08-2007, 01:50 AM

!!حنيين!!

كبار شخصيات المنتدى

تاريخ التسجيل: Mar 2007

المشاركات: 4,079

ماشاء الله
يمممممممممممممممممممممممممممم
والله ابداع تسلمي يالغالية

02-08-2007, 04:00 AM

شمعة الجلاس2005

كبار شخصيات المنتدى

تاريخ التسجيل: Aug 2005

المشاركات: 1,769

اقتباس:

المشاركة الأصلية كتبت بواسطة حنيين1

ماشاء الله
يمممممممممممممممممممممممممممم
والله ابداع تسلمي يالغالية

الله يسلمك حبوبة حنيين1 ..

ومشكوووورة على رقة كلامك ..

تشرفت بمرورك

__________________

02-08-2007, 04:14 AM

ديمو2006

قلب المنتدى النابض

تاريخ التسجيل: Jan 2006

المشاركات: 877

واو روووووووووعه تسلم الايادي

باين انها لذيذه مرررررررررره 00 والحلا سهل وشكله لذيذ

يسلموا ياشموعه

__________________

يقول اديب الفقه الشيخ علي الطنطاوي (إن اصحاب الهمم العاليه اذا هبطوا الجبل من جانب قاموا يحاولون صعوده من الجانب الآخر ، لأنهم لا يطيقون البقاء في الحضيض بل يبتغون المعالي ابدا)
0
ليس في الحياة شيء مضمون إلا ما يتعلق بتقوى الله ؛ فإذا أوى الإنسان إلى ركن شديد من الإيمان بالله اكتسب قوة غير عادية في مواجهة صعوبات الحياة.(د.سلمان العودة)

02-08-2007, 04:44 AM

شمعة الجلاس2005

كبار شخصيات المنتدى

تاريخ التسجيل: Aug 2005

المشاركات: 1,769

اقتباس:

المشاركة الأصلية كتبت بواسطة ديمو2006

واو روووووووووعه تسلم الايادي

باين انها لذيذه مرررررررررره 00 والحلا سهل وشكله لذيذ

يسلموا ياشموعه

الله يسلم قلبك غاليتي ديمو2006 ..

وإنتِ الرائعة بمرورك وتعليقك ..

وفعلاً الباستا ما كنت متوقعة إن بيطلع طعمه مو بس حلو إلا لذيييييييذ..

جربيه وادعي لي ..

والحلا هم كذلك سهل ولكن طعمه لذيذ ...

نورتيني حبوبة بإطلالتك العطرة

__________________

02-08-2007, 08:31 AM

k7777

عضو دائم

تاريخ التسجيل: Jan 2006

المشاركات: 82

تسلم يدك وان شاء الله باجربها لأني من زمان ادور هذه الطريقة, الله يعطيج العافية.

__________________
((( اللهم لك الحمد كما ينبغي لجلال وجهك و عظيم سلطانك )))

02-08-2007, 07:55 PM

#10

شمعة الجلاس2005

كبار شخصيات المنتدى

تاريخ التسجيل: Aug 2005

المشاركات: 1,769

اقتباس:

المشاركة الأصلية كتبت بواسطة k7777

تسلم يدك وان شاء الله باجربها لأني من زمان ادور هذه الطريقة, الله يعطيج العافية.

الله يسلمك أختي ..

وياريت لما تجربين الباستا تقولين لي عن النتيجة ..

في انتظارك ..

وشكراً على مرورك

__________________

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه