11-03-2011, 04:22 PM
|
المشاركة الأصلية كتبت بواسطة Love Of Life
أهلين حبيبتي غربه اهلين والله بلوفنا كلنا مشاركتك انت بلذات خلتني اتامل باشياء و دقائق بحياتي ما كنت منتبه لها احتمال خطرت ببالي بس كنت اطنشها أعتقد انك خلاص إتأقلمتي مع العربة وطبعاً احساسك بالحنين و الشوق موجود بس يقل مع الوقت وهذا شيء طبيعي جدا بس لا تستسلمي ودائماً خلي في بالك انك هنا بس مؤقتاً ومهما طال الوقت إلا ما ترجعو فعلا اتاقلمت ،،، و بقوه و بكل جوارحي حتى ما اضيع اولادي وزوجي من ايدي أما مع عيالك أفضل حل أمي وأبوي كانوا يسووه هو انهم كانو ديما يذكرونا اننا نتصل بالأهل بين فترة وفترة مش في المناسبات بس وتعودنا ديماً نتصل بالخالات والخوال والعمات والأعمام وعيالهم وأجدادنا و جدادتنا وديماً على إتصال فيهم، خاصةً عيال العيلة نشوفهم في فيسبوك ومسنجر وتويتر وعلى علم بأخبارهم إللي نجح وتخرج إللي تزوج إللي جاب نونو اللي سافر رحلة و جاب معه صور إللي إشترى سيارة جديدة وحط صورتها إللي راح الحج إللي معصب و انسرق منه شي هههه و تعودنا اننا ديماً نسمع أخبراهم و جديدهم ونساعد بعض إذا محتاجين شي حلوه طريقتهم ،،، عندي اعتقاد يصل لليقين انه صاحب بالين كذاب يعني بلعذر منك لذلك الشي الي ما احصل عليه اتركه احسن ما نكون مشتتين خاصه انه اطفالنا صغار و بعمر حرج فمركزين فيهم بدرجه كبيره فخايفين من انه ننشغل عنهم بتفاصيل اهلنا و هي كثيره و زوجي من زار اهله شاف انهم عايشين حياتهم و ما ماثره فيهم تفاصيل الاخرين ومنهم احنا علميهم انهم بنفسهم يتصلو بالأهل و خليهم يكتبو عندهم ارقامهم أو أسهل شي لهم هو مسن أو فب أو حتى تويتر الحمدللة التكنولوجيا قربت الكثير من بعض و وكأننا في مكان واحد المشكله في انه من يمسكو الكبار التليفون ما في مكان للصغار و ابوهم شغلته انه يلقنهم الكلام و انا واهله نضحك عليه نقول له خليهم يعبرو وتصير عندهم الجراه بلكلام لدرجه انه يلقنني انا و و شوفي انواع التعليقات بيني و بين اخوات زوجي على طريقه زوجي بكل صراحة يا غربة أقلك القصة هذه حصلت معانا سافرنا من السعودية وأنا بعمر 10 سنوات يعني اتذكرها شوي وأتذكر الأشياء الحلوه مثل البحر والملاهي ورحلات البر مع العيلة كلها يعني ذكريات حلوه رجعنا مرة زيارة بعد 6 سنوات و كان عمري 16 سنه و حسيت كأني غريبة في بلد ما أعرفه ولا كأنه بلدي و الناس كانو ما يرحمو ينادونا عيال أوروبا و نظرتهم ما عجبتنا، اخواني الصغار كانو يبكو ويقولو ماما رجعينا هنا مش حلو والعربي مكسر و كنا مسخرة العيلة و الكل يضحك علينا،، و مافي شي إسمه نضام السيارات في الشارع و ضجة مره والله كنا مره مكسوفين من الوضع هناك و حاسين بالخوف مع إنه المفروض كنا نحس بالأمان لأننا ببلدنا وبعد هذيك الزيارة أبداً ما رجعنا لها ثاني والكل رافض تماما،، ما في غير امي وأبوي كانو يروحو لحالهم فعلا هذا الي حاصل اذا واحد ما يلقى التشجيع من اقاربه حيلاقيه من الغريب احيانا الغريب يشجع اكثر من القريب الحين عمري صار 24 سنة و صرت أم و لازم أعلم أطفالي إنه هناك بلدنا وانمي فيهم حب الوطن كيف أسوي كدا و أنا أساساً ضايعه ماني عارفه لمين انتمي وين ما رحنا لقب أجنبي ورانا حتى في بلدي إلي فيه أهلي و ناسي يقولو عن كدا ماعليش يا غربه طولت عليك جيت ابغى أطبطب عليك لغيت نفسي محتاجه حل وطبطبه  |
11-03-2011, 04:26 PM
|
المشاركة الأصلية كتبت بواسطة noora
تدري مالي خلق اكتب رد اليوم مادري ايش فيني
هلا والله شكلك ثقلتي بس ماقدرت اقاوم موضوعك  من حظنا حبيتي كان شعوري مثلك .. متاقلمة و حياتي و لا احلى و مافي حنين ابد للوطن خاصة و انه اهلي عندي و اغلب اقرباءي من خالات و عمات اصلا مهاجرين و جدتي اللي كنت متعلقة فيها توفت .. يعني كنت اقول ايش اللي يربطني بالوطن و لا شي .. كان في حنين خفيف بس عادي يعني مو دايما على بالي كويس بدايه مشجعه اول سفرة كانت بعد 10 سنوات اغتراب .. و كانت عشان اهل زوجي يشوفوا حفيدهم .. و كانت رحلة قصيرة فقط 3 اسابيع بس فعلا يا غربة ما اقدر اقولك كيف رجع الحنين و الشوق رجعت اتذكر كل شي اول مادخلت بيتنا بكيييييييييت بكيييييت .. بكيت لما شفت كرسي جدتي الله ريحمها فاضي لما شفت الحوش اللي كنا نلعب فيه كل يوم و تحرقنا الشمس بكيت لما طلعت الطابق الثاني اللي كان لسه مش مبني و نلعب فيه بيوت بيوت لما رحت بيت عمي و شفت اولاد عمي و بنات عمي كبروا و صار عندهم اطفال ياختي حتى الشارع المودي للمدرسة كنت امشي فيه و ابكي رجعت الذكريات و رجع الحنين و رجع الشوق كلام زوجك صح و يمكن تلاقي سلبيات و يمكن تلاقي نفوس بعض الناس تغيرت و صارت مااادية .. بس الاهل المقربين منك زي اخوانك و اخواتك و اعمامك و اخوالك عمرهم ما يتغيروا تحسي بفرحتهم فيك .و على ترحبيهم فيك و يحتاروا كيف يكرموك رغم بساطة امكانياتهم .. تنصدمي ببعض التغيرات ببيبئتك ... ممكن تقولي احنا بالغربة مو كدا بتشوفي صيااعة ماحصلت و ناس مسلمين بالاسم تحصل لك شوية صدمة .. على قولتك cultural shock بس تتعودي بعد فترة تستغربي من طريقة حياتهم من طريقة تربيتهم لاطفالهم ..من نمط معيشتهم حتى بابسط الاشياء زي المكياج و اللبس ياختي صارت لي اكثر من مرة اكون معزومة على غدا ااروح و انا لابسة شي انيق و حاطة مبك اب خفيف اتفاجأ بهم يقولوا لي يالله قومي بدلي و اتمكيجي اقول لنفسي لهذه الدرجة شكلي مبهدل بس لما اشوفهم طالعين و ضاربين علب مكياج فوق العيون و اللبس يلمع .. اعرف انه الموضوع اختلاف اذواق ليس الا المهم بعد سفرتي الاولى رجعت و انا ابكككككي خاصة انها صادفت العيد الاضحى هناك .. لما كنا نمشي و نسمع تكبيرات العيد يااه شعوووور فظيييييع فظييييييييييييع .. رجعت لي فرحة العيد و حسيت فيه و صممت المرة الثانية اطول.. و فعلا السفرة الثانية كانت السنة اللي بعدها و طولت 3 شهور .. و برضو مااشبعت طلعت و انا ابكي و هذه السنة الله اعلم بنسافر و لا لا مع الاوضاع المضطربة بس برضو مااشبعت منها و بكل سفرة يزيد الحنييييين اما اخوتي و برغم انهم سافروا من الوطن بدريي .. يعني مالحقوا يكونو ذكريات .. لكن بعد اول سفرة لهم ارتبطوا كثيييير بالوطن خاصة البنات و كونوا علاقات مع الاهل و الاقارب و مصممين كل سنة يسافروا يوفروا من فلوس الجامعة عشان يسافروا عالصيف لا تقلقي مشاعر مؤققققتة و لما ترجعي اول زياارة بيرجع الحنين و الشوق |
11-03-2011, 04:31 PM
|
المشاركة الأصلية كتبت بواسطة روح الطير
الغربة مرة ،،
سامحيني بس بأضيف ردي هذا و تطفلت عليك .. لإنك جيتي عالوتر الحساس و أمس كنت أسأل حالي نفس سؤالك : ( بلعكس يا روح ما تقوليها الموضوع موضوعنا كلنا نفيد و نستفيد بس بأقول لـ .. نورة ،. أحسك إنت و لوف اوف لايف <- اسمك طويل  قوليلها ،،،،،،، لوفي،،،،،،زي الانجليز معاكم في الغربة أخواتكم ماشاء الله و أهاليكم .. أحسه شئ حلو .. بس أنا مشتتة ، صح جلست في الغربة فترة أقل منكم و عشان دراسة .. بس أحس أسست حياتي مع زوجي و ولدي في الغربة .. و ما كنت أنزل اجازات غير أسبوع و أرجع ، و اللي كان متعبني إنه أهلي بعيدين و خاصة أمي و خواتي و دحين أحس نفسي ماني قادرة أتأقلم أبدا و نفس الوقت أشتاق لأهلي و بأرجع من جديد للغربة بعد ما أكون تعودت على هنا يعني من جد ، لخبطة مشاعر .. و أحس ( قلبي ميت و ما صار فيه احساس لشئ ) .. و خاصة و إني في الغربة هناك من أقاربنا اللي مات الله يرحمه و اللي خطب و اللي تزوج فأحس كأني كنت نايمة كم سنة و فجأة صحيت و السنوات عدت بلمح البصر فصاير عندي تبلد في المشاعر و ما يهمني دحين مين يتزوج و مين و مين .. إلخ الله يعين الغربة مرة .. معليه على سؤالي الفضولي .. كم سنة متغربة ؟ : ( بأجلس متفرجة ^_^ |
11-03-2011, 04:37 PM
|
المشاركة الأصلية كتبت بواسطة شقر55ديه
اتمنى بعض الأحيان اهااااااجر
بسبب الضغوطات الإجتماعيه - اللي مال امها داعي لكن إذا سمعت معاناتكم واخواتي من اللذين اعرف عن اقرب اقول يا شيخه - احمدي ربك - لله الحمد والمنه لكن - ارد واقوووول - متى بهااااااااجر لكن لكل جانب سلبيات وإيجابيات وقوة تأقلم تجذبك إليه !! |
11-03-2011, 04:41 PM
|
المشاركة الأصلية كتبت بواسطة ميسم4
الله يكون بعونكن اخواتي المغتربات اعتقد انه من جانب العيشة الحسنة واكمال الدراسة كل شيء يحتمل .ولكن في المناسبات الدينية تشعرن بالحنين الى الوطن بسبب وجدانية الشعائر الدينية وكذا صلة الارحام وكذا من اجل تشبث الاطفال بالعقيدة.
|
11-03-2011, 04:47 PM
|
المشاركة الأصلية كتبت بواسطة Love Of Life
خليني أقولك عن بعض المواقف إلي صارت في هديك الرحلة << وحدة فاضيه اخواني الصغار طلعو من السعوديه و هم 2, 4 و 6 سنوات يعني أبداً أبداً مافي أي ذكريات عنها غير حكايتنا و صور قديمه، ورجعنا زياره بعد 6 سنوات و هم صاروا 8, 10 و 12 في يوم نزلنا على السوق وكان وقت صلاه و طبعاً لازم يسكرو الدكاكين و اخواني ما كانو يعرفو بالشي هذا أول ما أذن والناس بدأت تجري تسكر ويلحقو على الصلاه و أختي الصغيره بدأت تصرخ وتقول إرهاب راح نموت هههههه آه يا بطني والله لما أتذكر أموت ضحك ومرة ثانيه رحنا على مكدنلدز وأخوي 12 سنة سأل الرجال اللحم اللي في جيسبرجر حلال؟ الرجال طالعه وعصب عليه قاله اطلع بره قليل أدب على بالك نحن كفار صح مافي أخلاق أخوي متعود يسأل كدة بحكم إنه في الغربه لازم نتأكد إنه اللحم حلال وسؤال جداً عادي، فهو صار مصدوم من ردت فعل الرجال،، راح أخوي الكبير وشرح للرجال الوضع الرجال إستحى على حاله وقال والله ما تدفعو ولا ريال و طول مدة وجودكم هنا أكلكم على حسابنا،، وصار أخوي الصغير يروح كل يوم ياكل ببلاش ههههه و موقف ثالث احنا ما تعودنا على النقاب أو بالأصح أنا ما تعودت عليه و كان لازم نحطه هناك و إلا نجيب العيد، فأختي الكبيرة كانت متعوده عليه أيام زمان لأنها أكبر مني ب 7 سنوات. والثانيات صغار ومش ملزمين عليه لما أحط النقاب والله حالتي حالة، أول شي ما أعرف أتنفس أحس بكتمه و ثانياً ما أشوف شي زين أكون لاصقه بلي جنبي و أمشي مثل العميا فمره كنت ماسكه بيد أخوي عشان ما اطيح و دخلنا في مول الناس مره زحمه فجأه ما اللاقي أحد و الناس كثار ما كان مني إلى إن شلت النقاب عشان أشوف وينهم ..ألاقي الناس تطالع علي و أفهم من نظرتهم إحتقار لأني رفعت النقاب كدا، و بعدين لقيت أمي و صرخت علي حطي نقابك فضحتنا على بالك تقدر تشيليه وقت ما تبغي  رجعت بذاكرتي و حبيت أقول عن المواقف المخجله إلي صارت بسبب إختلاف نمط الحياه |
11-03-2011, 05:03 PM
|
المشاركة الأصلية كتبت بواسطة ماريا
وبالرجوع للوطن أفرح لكن فرحة فيها غصة ، و شعور أني غير متأكدة
هل سأكون راضية تماما عن عيشتي هناك ؟؟ اعتدت ان يكون لبيتي حديقة ، اعتدت اسوق السيارة من اليمين ، اعتدت على النظام في المرور ، مافي رشوة مافي واسطة هل سيتأقلم زوجي بمكان لا يشجع الخبرات و الجهود العلمية كما اعتاد هنا ؟ لكن هناك من يقول (أول سنة بتتغلبوا و بعدين بتتأقلموا) و اعتقد انه ان شاء الله هذا ما سيحصل لو خيروني بأي وقت ان كنت اريد الغربة ام العودة أختار العودة " الجنة بدون ناس ، ما بتنداس " |
11-03-2011, 05:07 PM
|
المشاركة الأصلية كتبت بواسطة مشتاقه2
جايز اختي غربه علشان ليكي فتره طويله في الغربه واتعودتي خلاص ان دي حياتك واولادك كبروا هناك انا باشوف ان وجود الاولاد بيزيد وجود احساس نسيان الحنين للوطن لانك بتكوني مشغوله معاهم طول الوقت ودي المدرسه هات من المدرسه و و ووو و الخ يعني اندمجتي في الحياه هناك انا عايشه في بلد اجنبي مع زوجي بيدرس ولينا حوالي 4 سنين وربنا لسه مرزقناش باطفال والله اني باعد الايام امتي هرجع ودايما باقول اني انا في اجازه من حياتي الطبيعيه وراجعه تاني لما ارجع مصر  لدرجه اني اغلب حاجاتي الي باشتريها مش باستعملها ودايما اقول لما انزل مصر هستعملها ودايما زوجي يعارضني في الموضوع ده  ويقلي عيشي حياتك واتمتعي بالبلاد دي احنا مش هنجيها تانيبس اعمل ايه ؟؟؟ متعلقه جدااااااااا باهلي ووببلدي |
11-03-2011, 05:10 PM
11-03-2011, 05:25 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
