مرت فترة وفلانة انخطبت


وبعد فترة فلانة تزوجت

وبعد فترة وفلانة حملت

وبعد فترة وفلانة ولدت

وبعد فترة فلانة دخلت ولدها المدرسة

وبعد فترة فلانة تملكت

وبعد فترة فلانة انفصلت

وبعد فترة فلانة سافرت مع زوجها للدراسة

وهكذاا......

واحنا!! زي ماحنا على حالنا

الحمدالله على كل حال ......ياعسى تأخيرتنا فيها خيرة لنا يارب


لكن.. لما تكلمين وحدة من زمان عنها اخبارك علومك هاه فيه جديد؟؟؟

تقولين لا مافيه جديد

هاه مانخطبتي ماتزوجتي



لما تشوفك وحدة هاه بشري انخطبتي؟

تقولين لا والله ماكتبه الله

تقولك لاحول الله ليه؟؟ وش فيك ؟ لاتتغلين من تغلى تخلى


وش تردووووووووووووون عليهم!!

أنا لما أكون بأي موقف محرج بصراحة أقدر أصرف نفسي... إلا الزواج تجيني ربكة شوي

عندنا اجتماع بالدوام عند المديرة ورحنا كلنا بغرفتها وكان عددنا كبير مرة.. فجأة المديرة قبل ماتبدى كلامها طلعت تكلم جوال

الا دخلت علينا احدى الموظفات بنت ماتزوجت( خفيفة دم ) قالت: صراحة انا طالبة من المديرة الاجتماع هذا

انتم موظفات ماتستحون ولاعندكم دم مافهمتوها من البداية والمديرة ساعدتني بهالاجتماع!!

الموظفات طيرو عيونهم.. وش السالفة؟

قالت الحين انا عندكم لي سنين وكل يوم اتزين على امل وحدة منكم تجيب لي خطيب

ارحموني اغلبكم متهني ومتزوج وعايش حياته وانا لااااااا عيب عليكم جيبولي

الكل ضحك واستانس وانا ضحكت مجاملة بس جواتي متضايقة

فجأة التفتت مدرسة جنبي تقول: اختي شافتك العام ياشوبارد وتمدح فيك وتقول قهر شوبارد ليه ماتزوجت!!

ابتسمت بوجهها <<<< شغلتها تبتسم لما تتوهق

قالت هاه شوبارد ماقلتيلي؟ ليه؟

قلت ههههه سؤالك يضحك شلون ليه؟؟ هذا نصيب

قالت والله ياشوبارد عيشي حياتك وانبسطي ماورا الرجال الاالغثا ووجع الراس


ا(يييييييييه ذقتو العسل وشبعتو منه وقلتو مر طيب خلونا نجربه ونحكم بكيفنا )


رحت للموظفة اللي ضحكت المعلمات قلت لها ليه تسوين هالحركة؟؟ تبغين تصيرين ضحكة للي يسوى ومايسوى؟

بيصيرون يعلقون عليك دايم وعلى الزواج والرجال. وكل ماجابو طاري تأخير زواج خلوك أكبر مثال وتعرفون الحريم قالت وسوت وفعلت

ترى الحياة مو بس زواج!!<<<<< ايه مرة

قالت : يعنني مسوية مو هامك الزواج ياشوبارد اقول اقص يدي اذا ماكنتي أشد مني

بس كبريائك مايسمح لك تعبرين عن اللي بداخلك!!!!!

رن الجرس وضحكت وماعلقت ورحت لحصتي!!!!

انا صراحة ابغى اتعود اواجه الاسئلة هذي

اول مايسألوني أبد.. الحين لي فترة يمكن أشهر بدت الأسئلة اللي ترفع الضغط!!

نفسي ارفع راسي واكون واثقة بقوة من نفسي وارد عادي

المشكلة لما يصير لي مثل الموقف هذا لازم اجلس طول اليوم متنكدة!! وماحب اأكلم أحد ابد

صرت أشيل هم أي مكان أروح له. تصدقون حتى لو قالو فلانة زواجها بالمكان الفلاني وقامو يتكلمون

قلت بس!! أكيد الحين احد بيناظرني! أكيد الحين احد بيرمي كلمة!! قلبي طق طق طق طق << احيانا أسمع صوته

والله فكرت ادخل دورة بس شدخل؟؟ وقولو لي لما يصير لكم مواقف مثلي وش تردون؟!!

قولو امين الله يقرب اليوم اللي نرفع فيه روسنا عاجلا غير آجل

__________________
اللهم لك الحمد والشكر
"ولئن شكرتم لأزيدنكم"

اسال الله العظيم رب العرش الكريم ان يرزقكىىىىىى الزوج الصالح وسائر اخواتنا في هذا لمنتدىىى المبارك بأذن الله عاجلا غير اجل ياكريم ,,,,,,,,

__________________

الحقيقه ياشوبارد المواقف هذي قليل جدا تصير لي ...

لأني مااحب اختلط كثير بالناس ...اتجنب الحريم اللي اعرف ان السنتهم طويله ولا عندهم اي ذره ذوق او ادب ... نفسيتي ماتتحمل احد يسألني السؤال هذا والله انهبل زياده على اللي بي ...

واذا صار مناسبه كبيره ورحت لها اجلس مع اللي اعرفهم فقط واعرف انهم ماراح يقولون لي شي ...عارفين انه مو بيدي واني كثير انخطبت ولا صار نصيب لي ....

انا اخواني وخواتي في البيت اللي مزعجيني ...خصوصا الصغار .... تشوفينهم محتاااارين بجد يبغون يعرفون الجواب ليه ماتزوجت للحين ... يعني مره مستغربين ليه الكل تزوج وانا لا ....
اخر مره اخوي قالي لي اصلا انتي شينه ومافي احد راح يتزوجك كثار شافوك وانحاشوا <<<وصلت الغصه لحلقي لما قالها .. والله انه صادق ماقال شي غلط ....

الحمد لله على كل حال ....

انا متأكده ميه بالميه ان الكل بيقول انتي غلطانه لحبسك لنفسك في البيت .... لكن انا مااقدر اواجه مواقف من النوع هذاابدا ... ولا فكرت احاول ....

ماادري ايش انصحك فيه ياشوبارد ... بس انتي قولي مثلا ماكتب الله النصيب الى الان ....

او اللي تسألك ليه ماتزوجتي قولي ..جيبي لي رجل واتزوجه مااقول لا ... واذا قالت انا مو خطابه والا اهلك يجيبون لك او مو شغلي انا وايش دخلني او تقول مثلا انا والدتك وناسيتك علشان ارح ادور لك رجل <<<ترا كل الأجابات هذي وارده واسمعها كثير لما تقول بنت جيبي لي رجل واتزوج .....

عاد انتي قولي خلاص بما انه مو بيدك ولاتقدرين ليش تسألين ...معناها هذا شي مو بيدي انا بعد ... كله بيد الله عزوجل ...وطبعا اكيد هي راح تكون متزوجه قولي لها ترا حتى حتى زواجك مو انتي السبب فيه هذا رزق الله من الله لك ولاتحسبين انك مميزه عن كل الناس واحسنهم علشانك تزوجتي <<<<عصبت

وممكن تقول يعني معقوله ماانخطبتي الى الحين ابدا ...؟؟؟ اكيد بتقولين ايه انخطبت لكن مو شرط كل خطبه يصير بعدها زواج ... فيه ناس تنخطب ولا يكتب الله نصيب بينهم .. وفيه ناس تنخطب وتنفسخ خطبتها .... وفيه ناس تتزوج وتتطلق فما بالك بالخطبه ؟؟انتي حاولي تقصين لسانها يعني وتعرف كيف تصير ذوق مع الناس ..

والله تقهرني اللي تقول لي كلام من النوع هذا نفسي والله اعطيها كف على وجهها علشان تعرف كيف تفهم وتفكر وتراعي شعور غيرها ....لكن بأذن الله كلها تكون في موازيين حسناتنا او تكفر بعض ذنوبنا ...


الله يفرجها علينا وعليك ياشوبادرعاجلا غير اجل ...

__________________






دعوه للتسامح .. بعد القطيعه .. سجل نداءك..
هواجس عانس... كابوس اسود .. هل يمكن ان يتحول الى حلم وردي ؟؟؟
حائره .. بين مطرقه ((تقدمي واقبلي)).. وسندان (( تراجعي واحذري ))
للمتزوجين والمتزوجات .. ابنك على ماربيتيه .. وزوجك على ماعودتيه ؟؟؟
للمتزوجين والمتزوجات .. هل واجهتك مفاجأه بعد الزواج ... وماهي ؟؟؟

والله ياشوبارد انك خفيفة دم ودايم ادعيلك الله يزوجك انتي وكل وحده ,,,,,, ولكن اسمعيني وطيعيني تمتعي بكل يوم انتي فيه عزوبيههههههههه قسم باالله يجيك يوم بعد الزواج تقولين الله يرحم ايام زمان (كنت على كيفي) ترانا الحين حاكمين حريمنا ومتعبينهم في الشغل واذا قالت ابي اروح لامي قلنا اصبري بيجينا ضيوف حتى لو مافي احد اهم شي اجلسها في البيت خخخخخخخخخخخ (لعانه) شفتي باالله ماهو شي يرفع الضغط واذا شفنا عانس قسم باالله مالي نية بس ابي اشوف رد فعل المدام ...،،،،،،، والله مسكينة وش رايك اخذلها شقه واعطيها مهر حتى الله يرزقها بعيال مابي منها شي بس بتوجر الله فيها ولا انا مالي شهوه في الحريم (عباطه) وش رايك ها للحين عندك ه نية في الزواج لالالالا ولا الولد اذا تعب قلنا شوفي ولدك تعبان وقالت كمان هو ولدك ساعدني قلتلها واقسم باالله عباطه (مززززززح) اللي حملتيبه وجابه منهو انا ولا انتي قالت انا ،،،، قلت ها معترفه يعني قالت اييييه قلت ياالله ومن قالك جيبيه قامت تصرخ ياااااااه قلتلها هذا انتي جبتيه وسنعيه وخذي من هالمعاير وفي النهاية مسيكينه الحرمه تنغلب بسررررررعه بس الشهادة للله ر والله مااخليها بروحها واني اوقف معها وقفات فعلاً تبيض الوجه لدرجة بعض المرات احلف عليها اقول والله ماتسوين غدا او عشا تقول ليه قلت هالمطاعم بتقطعين رزقهم خلي الله يرزقهم ولي رجعه

الأب الحنون

الله يجزاك خير





لولو

هلا والله فيك.. مادري ليه لما اشوفك افرح احسك فيه قرب كبير بينا

والله انا اروح واجي واطلع زيارات دايم واجلس مع الحريم عادي!! انا انسانة اجتماعية مرررة

بس يجيبون طاري الزواج هرمون الأدرينالين << حق الطوارئ يشتغل

وماهو بس الحريم الكبار والله احيانا تطلع من اللي بعمرنا بعد!!

ونصيحة لولو لاتقولين لأحد اذا تقدم لك اي خاطب حتى اخوانك

انا حلفت امي محد يدري الا ابوي واخوي الكبير بس!!

وش هالكلام يالولو؟؟

كلك ملح وقبلة ياشيخة

وافهمي كلامي ياقلبي ترى الوحدة اذا حطت براسها شي تمشي عليه دايم وتعتقد بصحته

أعطيك مثال أمي اول دايم تقولي انسانة فاشلة<<<<< ياهي الكلمة تحطم وتعقد

تدرين تبرمجت كل شي اسويه بحياتي لو شي تافه اقول ايه لأني فاشلة انا غير الناس

بشوي شوي امي بدت تحس بغلطتها وصرت اشجع نفسي بنفسي واني اكيد بمواقف معينة انجح فيها

واللي ساعدني برامج الدكتور المصري الفقي في قناة سمارت وي كلامه روووووووعة كله عن التفاؤل والنجاح

شيلي هالفكرة من راسك واقنعي نفسك انك تهبلين




وبعدين مااقدر اقول جيبي لي رجل قوووووووية هالكلمة يالولو

والله اذا سمعت زي هالكلام تدرين اني اكره البنت اللي قالته ودي اذبحها

واللي يقههههههررررررر اذا قالو والله الرجال ماواهم الا الغثا لاتتزوجين ترى وجع راس وذل

صديقة لي قريبة لي مررررة لها كم شهر متزوجة والله اول تقطع قلبي بكلامها

ماخلت خطابة مادقت عليها لدرجة كانت تبي واحد متزوج المهم انها تتزوج

وماشالله ربي رزقها بواحد اكبر منها بسنة !!

هالفترة اكلمها تقولي يوه ياشوبارد عيشي حياتك وتهني ترى الزولج صح حلو وتحسين احد يهتم فيك بس والله غثا وذل اجلسي ببيت اهلك احسن

ااااااااااااااااه والله ودي اني صاكة السماعة بوجهها

ودي اني قايلة تتذكرين انك تدقين علي باخر الليل وتصيحين صياااااااااااااح وتقولين فلانة تزوجت وفلانة قالت وانا ودي اموت وانا واهلي مافيهم خير مازوجوني !!!!!!!

نسيتي حياتك اول!!!!!!

__________________
اللهم لك الحمد والشكر
"ولئن شكرتم لأزيدنكم"

سلالالالالالالالالالالالالالالالالالالالالام :

يا اخت شوبارد تعرفي والله وانا اقرأ كلامك والللللللله كانى انا الا بكتب الكلام مو انتى نفس الا بصير لي والاخص من كذا لمن وحدة في سنك اتزوجت وخلفت وعايشة احسن عيشة وتجي من اقرب شيء من امك او ابوكي قدامك يقولوا يالللللللللللللله والله بنتى عنست اظنها ماهي حلوة علشان كذا مااتزوجت والله كانها سكينة في قلبي وخاصتا من اهلى واوقات من كثر القهر ادعي نفسي بالموت علشان خلالالالالالالالالاص احس انى مالي فايدة في الحياة لا زوج لا عيال لالالالا صرت بعدها بس ادعي ربي واقوم النصف الاخير من الليل وادعي وابكى بس ادعي وابكى في الليل وبكى من جد الين ادوخ وانام من القهر ومن الكلام القاسي الا اسمعه من اهلي فا لآلآلآلآلآلآ تشيلي هم يا اختى كلنا ذيك عيشي حياتك اهم حاجة انك مكملة دراستك ولكي مكانه فيالمجتمع وواثثقة من حالك ومن جمالك وسبيها على ربك ربنا الرزاق مو بالجمال ولا بالشياكة العريس يجي ربنا الا يجيبه سبحانة وتعالى اعرف وحدة انخطبت عن طريق صحبتها مرررررررررررررة 4 سنين مع بعض ولمن خلصوا دراسة الجامعية خطبتها على طول ما تبغاها تبعد عنها صحبتها وشوفي سبحان الله كيف يقسم الارزاق

الله يرزقك ويرزق كل بنت تتمنى الزواج يارب ارزقهم بالزوج الصالح (( والله بدعيلك من قلبي ))
سلام

أقبح كلام يقولونه عندما يلتفتون إلينا ويقولون : دعكم بلا زواج هكذا أنتم أسعد وهم لا يكتفون ولا ثانية من الحديث عن أبنائهم وأزواجهم وحبهم لهم وبعد هذا كله ألف علامة تعجب !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!

__________________

( ليه ماتزوجتي؟)

يا كثر ما اسمع هالكلمة
ولما احد يسألني اقول قسمة وتصيب
اغلبهم مايقتنع بالاجابةيقولون ((الكلام هذا لو طلع من وحدة قليلة الجمال كان تقبلته
لكن انتي مو معقولة اكيد انخطبتي )))
ويبداون اسألتهم (( كم مرة انخطبتي ؟ وليه رفضتيهم؟)

قبصراحة احس بضيق واختناق لما احد يسألني هالسؤال
الزواج مو بيدي
بيد الخالق ( ماشاء الله كان وما لم يشأ لم يكن)

تدرين شوبارد مو بس انا الللي متضايقة من هالسؤال؟

حتى خواتي وزميلاتي
لما ازورهم وتشوفني وحدة عندهم وتعجب فيني
تسأل عني ولما تعرف عمري؟ تستغرب وتسألهم ليه للحين ما تزوجت؟؟
نفس الاحراج يحسون فيه ويقولون والله ما ندري وش نرد عليهم
ما يقتنعون بكلمة قسمة ونصيب لازم اسباب تقنعهم
لدرجة وحدة من زميلاتي جننوها من كثر ما يفتحون هالموضوع معاها
تقول في الاخر قلت فلانة ما توافق على اي واحد واللي اخطبوها اقل من مستواها
تصدقين بعدها اقتنعوا بالاجابة
وقالوا خليها تتنازل عن شروطها>>>>>>>>>>>> والله ما حطيت شروط ولا غيره

المشكلة انا ماعاد يهمني هالسؤال
اللي يهمني ألحين نظرات الشك اللي تلاحقني لما يعرفون اني للحين ماتزوجت
يقولون وحدة بهالمواصفات للحين ما تزوجت؟؟؟؟؟
اكيد فيها شي؟؟؟
وحدة سألتني لما درت اني مو متزوجة
حلفتني بالله قالت انتي اكيد اكيد ما تزوجتي من قبل؟؟ ما اعتقد وحدة مثلك تقعد-يا مال الناس العمى ما يشوف هالزين

محد مقتنع بالقسمة والنصيب وسمعت كلام انقال عني علشان يلقون اجابة لهالسؤال
وحدة تقول يمكن انتي معقدة من الزواج
والثانية تقول انتي شايفة نفسك لازم تتنازلين عن شروطك
واللي تقول يمكن البنت عووووبة ولسانها طويل

ومنهم من قال اكيد اهي تحب لها واحد وعشان كذا ترفض الخطاب


على كيفهم يحطون اسباب من عندهم؟؟؟

__________________

	فضلا " وليس "أمرا" قل: (حسبي الله الذي لا اله إلا هو عليه توكلت وهو رب العرش العظيم) سبع مرات أتعرف ماذا حصل: من قالها سبع مرات كفاه الله عز وجل ما أهمه من أمر الدنيا والآخرة المرجع: زاد المعاد" (2/342

ماقصرت اخوي.. بعد العمايل هذي كلها ماتخليها بحالها

وهذا أروع شي الله يخليكم لبعض

انا يلفت نظري حتى هواش الازواج لما اسمع وحدة تقول هاوشني هزأني

اقول بنفسي ماشالله

نفسي اتزوج ويهاوشني لو يمسح بي البلاط خخخخخخخ وبعد شوي اراضيه بطريقتي

نفسي يطلع زعلان ومنقهر مني وانا ضايقة ادور طريقة اراضيه

نفسي ازعل ويسفهني واعلمه شلون يراضيني خخخخ<<<<<< خيالها واسع

المهم فيه حياة فيه ضحك اليوم بكرة زعل بعده هواش بس فيه متعة بينهم

ولا حالتنا انا والجدار واحد

__________________
اللهم لك الحمد والشكر
"ولئن شكرتم لأزيدنكم"

عزيزتي شوبارد ...

مو قصدي ترا تقولين لها جيبي رجل بجد ...

تقولينها بضحك وفرفشه يعني ...

قصدي يكون تعبير مجازي ... او توريه ورمز <<<اللي في البلاغه ...

فيكون ردك فيه مضمون تفهمه اللي سألتك ليه ماتزوجي انه مو بيدك الشي هذا .. وانه لو الله كاتب لك الزواج كان تزوجتي ...

اعرف وحده كذا كانت تقول ما يسألها احد ليه ماتزوجتي . على طول تقول جيبي لي رجل واتزوج ..وحتى قدام الحريم كلهم ...صدق فيه حرمه تقول ماتستحي هالبنت وفيه حريم يقولون والله انها صادقه .. لو جايها رجل يقبل فيها وتقبل فيه كان تزوجت .. يعني مو بيدها انها ماتزوجت ...

عموما الموضوع حساس جدا ياشوبارد ... ومالنا غير الصبر والدعاء .. ومثل ماقلت ليدي سوفت .... مافي حل ابدا الا الزوا ج ... وبأذن الله يفرجها الله على الجميع عاجلا غير اجل ...

__________________






دعوه للتسامح .. بعد القطيعه .. سجل نداءك..
هواجس عانس... كابوس اسود .. هل يمكن ان يتحول الى حلم وردي ؟؟؟
حائره .. بين مطرقه ((تقدمي واقبلي)).. وسندان (( تراجعي واحذري ))
للمتزوجين والمتزوجات .. ابنك على ماربيتيه .. وزوجك على ماعودتيه ؟؟؟
للمتزوجين والمتزوجات .. هل واجهتك مفاجأه بعد الزواج ... وماهي ؟؟؟