السلام عليكم
دخلت المنتدى واحسس بقهر

من حركات زوووجي ..
اتصفح اشوف المواضيع ابي استفيد شي في اني اعيد تقويم زوجي عليه حركات ما تعجبني !!
بقووووول لكم وش هي النقاط واتمنى استفيد منكم ::
1. ما يعرف يعبر عن مشاعره بالحب ولا يقول كلمة حلووه وحتى في .....!!! بتقولون انتي عوديه مشكلتي انا اللي ابي اسمع الكلمة الحلوة والله اشوف زوج اختي كل اتصالات ومسجات حب وهو زين اذا اتصل والمسجات عاد بالمرة ما يفتكر يرسل !!
2. ما عنده لباقه .. يعني كم مرة يصحيني عشان اسوي له اكل !! والا مرات الصبح يشوفني نايمة او في الليل يقوم يشغل مصابيح الغرفة ويسوي نفسه مشغول في حاجة ( عاد انا انقهر من هالحركة ) او انه يجي يصحيني بطريقة احسها دفااشه حتى مرة خرعني على بالي صاير وبالاخير سبب بايخ وبالنهاية انا اعصب وتصير مشكلة !!
كم مرة اقول له اذا احد نايم لا تسوي ولا تسوي وانا مشكلتي ماحب احد يصحيني من النوم لان مزاجي يتعكر وطول اليوم اصير معصبه احب اصحى لحالي .. وهو ماهو متفهم هالشي كل مرة يقوم يسوي ويكرر هالحركات ....
3. لساااااااان زوجي يقول كلام بذيء احاول معاه انه ما يقول هالكلام بس لسانه متعود على هالكلام حتى طبيعته مع اخوانه كل واحد يقول هالكلام للثاني .
انا اسمع كثير من البنات ان ازواجهم يحبونهم ولا يرضون عليهم ويخافون عليهم من نسمة الهواااا وحتى لو ما يعبرون بالكلام بيكون بالتصرفات وانا زوجي لا كلام ولا تصرفات
والله احس كاني عايشه مع اخوي !!
حاولت اكلم اهلي بس امي وابوي فوق راسي ماحبيت اضايقهم
متحملة وساكته وكل فترة افضفض هنا في المنتدى ..
والا كم مرة يقول لي اذا طلعنا بالسيارة انزلي بداية الشارع وروحي البيت مشي عشان قريب وهو مايبي يدخل في لفه .. انا اعصب اقول له شلون ترضاها لنفسك ؟؟ ما تخاف علي ؟؟
والله قهررررررر ..
زوجي في باله ان الهدف من الزواج هو العلاقة وما عنده شي غير العلاقة والتلفزيون والاكل والنوم والعمل حتى طلعات مجمعات وملاهي ومطاعم مايحب يطلع !!! جاتني ازمة نفسيه
تم تعديل العنوان
الإشراف