04-04-2011, 12:48 AM
|
المشاركة الأصلية كتبت بواسطة very different
الرومانسية اللي تيي بوقت غلط .. أكبر مصائبنا ..؟!
مرة كنا معزومين على عرس في إمارة غير إمارتنا اللي ساكنين فيها .. وريلي وقت يسوق وانا معه لازم أنا اللي انتبه للطريج , لأن أي شيء لو بسيط ينشغل فيه وينسي روحه ! ودوم ارمسه خلني انا اللي اسوق او كل واحد يروح بسيارته , جان يقولي خااينه تبيني اموت بروحي لا تخافين ما بتموتين إلا بيومج ..! وكالعادة ونحن ماشين قام فتحلي عصير ويقولي عمري ذوقيه يايبنه مخصوص عشانج .. ويطالعني وهو ماشي بسرعة تقريباً .. وانا عيني على الطريج وشوي تطلعلنا سيارة جيب وريلي مسرع وانا من الخرعة بنبهه على السيارة وإنربط لساني وعلقت على كلمة الجيب الجيب الجيب .. وريلي مب مستوعب ويطالعني وانا احاول اشرح مب جادره ..! والحمد لله إنتبه وعلق هو على كلمة العصير العصير العصير ... مادري شو قصده قصده خذيه وإلا شنو ههه؟!!! وقدر يسيطر على السيارة ويسحب فرمله والريال راعي الجيب طاف على الجهة الثانية والسيارات حولينا جامت تسحب وسبب أزمة للطريج بسبب العصير .. وجان بيروح أرواح الناس ..! ويوم وقف قال : ذوجي العصير وانا انزعه منه بقوة وارميه من على الجامه على بالي مفتوحه , وهو يرجع علينا وعدمنا , وكندورة ريلي صارت كلها حمراء من العصير وهو جان كاشخ وعبايتي إنعدمت .. وعصب قال عدمتينا قلتله كله منك اسميك بتذبحنا بسبت هالعصير .. ؟!! قالي هذا بدل ما تقوليلي الحمدلله على السلامة فديتك تقولين جيه ..! حبيبي الموت مب وقت رومنسيات روح هذى مب لعبه .. ودوم يذكرني فيها يقول خاب أملي فيج ..! وصار موقف طريف مع إنه بوقته عشنا رعب صدج .. |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري