السلام عليكم ورحمة الله وبركاته
أولا أسأل الله عز وجل بأن يسلط على الغرب كل بلاء ماعاد خلو شئ إلا وإخترعوه حتى أفواه العالم بيسدونها عن الكلام ما عاد يبغون أحد يتكلم بسبة هالإختراعات وأنا أشوف إن أجهزة البلاك بيري فيها فائده واحده بس وهي إختراع جميل لفئات الصم والبكم وتصلح يتعاملون بها مع من حولهم لاكنها في مجتمعنا بسبب سؤ إستخدامها صاروا الأجيال مصابين بالخرس الله يعين بس على هالحال
ثانيا أخي الكريم العبد الصبور
أتمنى إن يكون لك من معرفك نصيب وإن شاء الله تعالى إنك صبور وتتحلى بمعنى الصبر ياأخي لم يمضي على زواجك سوى 4أشهر وأشوف إنها مده ليست بكافيه للحكم على طبايع زوجتك قيس على ذلك بإنها ماتعرفت عليك مدة طويله في فترة الملكه ويمكن زيارتك لها كانت محدوده وما أخذتوا وقت كافي حتى تتعرفون على بعضكم أ كثر بسبب قصر المده بين الملكه و حفل الزواج وكمان يمكن زوجتك تربت على كذا منذ الصغر إن البنت عيب تتكلم وتضحك مع الرجل والبنت ترصخ هاذا المفهوم في عقلها بسبب المجتمع إللي حولها وأنا بسألك عن علاقتها بأبوها وإخوانها الذكور هل هي طبيعيه تسولف وتمز ح معاهم وتناقشهم عادي ولا تتعامل معاهم بنفس الطريقه إللي تتعامل فيها معاك
وبعدين يا أخي إصبر عليها شوي ترى أنت إنسان عاقل ومتعلم ومثقف مايحتاج تفكر بالطلاق بهاذي السرعه وعلشان هاذا السبب ياما حريم تزوجو وهم ماتسمع حس الوحده منهم لاكن عقب سنة ولاسنتين و بعد الخلفه ترجع الوحده تقابلك هذرتها عند الباب وتقول ياليتها تسكت وزوجتك باين عليها إنها تحبك مادام إنها متمسكة فيك لهاذي الدرجه بس مو عارفه كيف تكسر حاجز الصمت إللي بينكم وتتكلم معاك وتعبر لك عن مايدور بداخلها ويمكن إنها تستحي منك ومو عارفه ترد على نقاشاتك أو تسولف معاك بللي عندها ومحتاره ماتدري كيف تغير هالطبايع فيها وكمان طريقتك بالضغط عليها بأسلوبك وتهديدك لها بالطلاق هاذا راح يزيدها تعقيد وربكه في نفسيتها وماعاد تحسن التصرف تصير مثل الطفل لما تشيل العصا بيدك وتقول له إحفظ وإلا ضربتك بالعصا يصير فكره متشتت ولايستطيع الحفظ بسبب الخوف إللي داخله من التهديدات بالضرب فأنت حاول معها بالطيب و ادخل لها عن طريق الأشياء إللي هيه تحبها وشاركها فيها وقبل كل هاذا عليك إنت إنك تقتنع من نفسك وفي داخلك بأنها ستتغير مع مضي الوقت وإن مشكلتك رايحه تنحل بإذن الله تعالى وإنت إزرع فيها الثقه بالنفس وحب الحوار والنقاش في أموركم الحياتيه وإسألها عن آرائها وهواياتها ورغباتها وبالتدريج رايح تجني مازرعته في هاذي الحوارات والنقاشات معاها والبنت توها عروس ما تأقلمت على الحياة الجديده معاك أتمنا إنك تعطيها فرصه أطول علشان تتكيف مع الوضع الجديد بالنسبه للبلاك بيري ماعندك حل إلا إنك تسوي مثل ماقالت لك الأخت همس 2009
وشوف ترى هاذا الطبع في بعض البنات موجود عند الكثير منهم بس بدرجات متفاوته كلن حسب طبيعتها وتفكيرها فأنت حاول والله يعينك ويشرح صدرها لك ويسر أمرها ويحلل عقدة من لسانها وتستمع لك وتفقه قولك ورغبتك يارب .



أخيرا نداء إلى إخواني وأخواتي الأعضاء الكرام إللي منكم قرأ موضوع في هاذا القسم قبل مده كان لشخص يشكي من صمت زوجته وإنطوائيتها وإنها ماتراسله ولا تعبر عن ما في نفسها وقال بأن مديره في العمل وزوجة مديره عرفوا سالفته وأعطاه المدير عدة خطوات يقوم فيها مع زوجته حتى أموره ضبطت وزوجة المدير زارت زوجته بالبيت ونصحتها وقامت تراسلها بالنصايح والمدير ينصح ويوجه الرجل صاحب الموضوع وربنا وفقه بنصح الإخوان الأعضاء بالمنتدى ووقفة مديره معاه
فأرجو منكم إن إللي يعرف الرابط يحطه للأخ هنا لعلا وعسى يستفيد من الحلول إللي طرحوها الأعضاء في هاذا الموضوع وكمان يستفيد من تجربة صاحب الموضوع وأنا بصراحه ما أعرف أحط الرابط وكمان ناسيه عنوان الموضوع بس أذكر بعض من ما طر ح فيه فاالله يجزاه خير إللي يذكره يحطه له هنا ودمتم سالمين .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله