ممتاز يا احبه وااصلي على هالاسلوب ! حتى لو مارد عليك وماعليك من ( تحليله وتفكيره لفعلك الرجال مو مثلنا يابنتي) حتى لو صرح بان وراك شي طننننشي وواصلي هالاسلوب ...

الاغراض اجزم لك انه راح يجيبها اذا قعظ من النوم ... اشكريه وزيدي الكلمتين الحلوتين بدوون انتظار لرد فعل او مراضاة ( انتظري وبجيك اللي يسرك ) ابتسمي وانتي تقولينها ..

تدرين موضوعك ذكرني باحدى زميلاتي نفس وضعك ، زارتنا استشارية مرة وعطتها فكرة ! للتغير وعشان تشد زوجها وتطلعه من قوقعه الزعل اللي طال .. تشتري ورود ووتكتب فيهم من حبيبي فلان ( زوجها) الى ام فلان ( هي ) وتسوي نفسها طااااايرة بالباقة وتتدلع عليه وتقول هاذي من فلان حبيبي ( زوجها) طبعا زوجها قام يتفاعل معاها ويقولها انتي جنيتي وهي ترد بدلع وضحك مجنونه فيك وبحبك ومايقول كلمة انتقاد تردها بكلمة حب ودلع هههههههه على كلامها هاليوم عزمها على مطعم والثاني حصلت طقم ذهب هدية ....

عاد مادري رأي الاخوات بهالطريقة ...

احبه انتي تستاهلي كل خير ،، والخير الموجود فيك لابد تطلعيه ،، لاالفلوس تطلعه ولا انجازات العمل .، انتي اللي تطلعيه ودام ان عندك فراغ استنفذيه بهالشي عشان بعدين تكوني خلاص خلصتي من هالمرحلة وتستعدي لمرحلة تربية اطفالك ..