أختي شموع ( (مضيئه ))
لاتريدين منا ان نقسى عليك طيب احنا بشر وماتحملتي كلامنا فكيف برب البشر وعقابه
ثقي وتاكدي ماقلنا هالكلام الا لنضعك في الواقع
تبين نطبب عليك مايصير لازم تعرفين الحقيقه وتشوفينها صح
والمؤمن مرآة المؤمن
........................
ورحم الله إمرؤُ أهدى إلي عيوبي

والاخوان ضربوا قصه الشاب اللي طلب من الرسول يزني ويبيح له الزنا فلم ينهره الرسول
وساله اترضاه لامك .. لاختك ... لعمتك ... الخ فاجاب لا ..لاارضاه واستنتج انه كما لك اعراض
فلغيرك عرض وفهم ولم يزني

صح الرسول لم ينهره وخلاه يكمل كلامه بس لانه جاهل وشاب وغير متزوج !!
بس انتي حالتك غير انتي فاهمه و متزوجه وعارفه ان اللي تسويه غلط وماترضينه
ومع هذا للحين مستمره بالغلط !!
فكيف تبينا نخطابك ومانقسوا عليك !!!
ان كنت تجهل ولا تدري فهذه مصيبة وان كنت تجهل وتدري فهذه مصيبة اعظم

على العموم.............
خلاص اختي طالما بديتي تتصرفين صح اللحين اقدر اخذج بالاحضان واقولج :

انتي تتصرفين صح والله بييعنج لانك سعيتي والله يقول اسعى ياعبد وانا اسعى معاك

وحابه اعطيك حل يفيدج وان شاء الله بحلين مشكلتج

ليش ماتسوين لزوجك وحبيبك اللي سويتيه للذئب ؟؟ (وعالجوا بالتي كانت هي الداء!! )
يعني اقصد بما انك حاسه انه صعب تستغنين عن النت خليه انا معاك
بس الاسباب اللي ممكن ترجعك للذئب او تذكرك فيه خليها اسباب ممكن تذكرك بزوجك و باي احد
لا تحصرينها في الذئب وبس وتخليها حكر عليه وكل مااستخدمتيها تذكرتيه !!

يعني خذي ايميل زوجك وراسليه بكلام حب وغزل وسوي نفس اللي تسويه مع الاخر
وكلميه بكل حب وغرام وشوفوا اللي بيطلع من زوجك وابداعاته ويمكن تلاقينه افضل من هالذئب !

وكلمي زوجك بالجواك غازليه وارسليله رسايل حب وغرام وغزل

قوليله كلام خادش ومثير هو زوجك حلال !!
وبعدين هو وراح يمسحها وخليه يبادلك بنفس الرسايل الغراميه

وكل ابداع من مشاعر وحب وشوق سويتيها مع الذئب سويها مع زوجك !!

وصديقيني مع الوقت بتحسين براحه كبيره اقل شي انك تسوين كل هلااشياء
وانتي مطمئنة البال ومو خايفه حد يشوف انتي ارسلتي هالرساله لمين وغازلتي مين
لانج ترسلين لزوجك حبيبك وشريك حياتك

وسواء بادلك الشعور ام لا وانا متاكده راح يبادلك استمري معاه
قوليله مادري شفيني حاسه بحب غريب تجاهك !!

وادري المساله بتاخذ وقت الين تنسين هالذئب يعني مده خمس سنوات يحتاج لها وقت للنسيان
واتمنى مايكون نسيان يكون كره للذيب مو نسيان
أكرهيه لمن تعرفين انه يبي يسئ لك ولسمعتك !!
يبي ياخذ منك اللي يبيه وبعدين انتي حشره انتي ولا شي !!
تذكري هالامور وكل عيب وحقاره ونذاله في الدنيا الصقيها في الذئب
وكل خصله حميده وجميله الصقيها بزوجك
احبي زووووووووووووووووجك
واكرهي الذئب اكرهييييييييييييييييييييييه واحتقريه

ورددي وقولي هو نذل هو حقير يبي يلعب علي ويلوث سمعتي
ورددي انا بنت رجال انا حره ومو انا اللي انزل لمستواه ومستوى الساقطات
رددي حشى والله ماكلمه حشى والله ماهين نفسي معاه حشى والله ماخليه يستمتع فيني ولو بالخيال
رددي وقولي انا عفيفه وكريمه بنت قوم كراااام راسي مرفوعه وراس اهلي مرفوعه ومحشومه
وراح اتظل محشومه ومعززه ومكرمه ولا راح تنزل

رردي وقولي انت طالع من حياتي وبلا رجعه و انا ما اكن لك اي مشاعر تجاهي
انا قدري كبير ومستواي عالي وانت حدك الوحل والمستنقعات

رددي وقولي انا حفيدة خديجه وعايشه وصفيه رضوان الله عليهم انا الشريفه العفيفه
اللي مايلمسني اي بشر غير زوجي

رددي وقولي انا رجعت لك يازوجي بقلبي وروحي ومشاعري

وبعدها ادعي الله انه يحقره في قلبك ويكرهك فيه وابكي
وابكي ندم على حياتك وعمرك اللي ضاع بسبته

وابتعدي او تجنبي سماع او قراءة اي كلمه او اغنيه جات منه
و تحملي حتى ترسلين لزوجك شي من اللي ارسله لك الذئب لان احتمال تتذكرينه وتهيج عواطفك !!

واحنا في دينا ان التائب اذا تاب لازم يبعد عن مكان المعصيه حتى لايحن لها ولا يرجع لمعصيته
وانتي ابتعدي عن كل مسببات العوده

وخليها حب لزوجك دام تبين تحبين حبي زوجك وخلي هالحب لزوجك حبيبك

وعيشي حياتك ترى الحياه حلوه وتحرري من الزفت

تعدلي وتطيبي لزوجك .............. اطلعي برى البيت وزوري قرايبك وهلك.............. شوفي صديقاتك
وسولفي معاهم ................. شوفي الناس كيف عايشه حياتها.......... وشوفي المتزوجات العفيفات
كيف عايشين حياتهم بلا حب آثم ولا تقييد وتفكير ..............
الحياه اكبر من اللي انتي حاصره نفسك فيها عيشي حياتك بما يرضي الله .................
وخذي نفس عميق واستنشقي هواء نقي ونظيف وحياه سعيده وجديده

والله يوفقك ويسعدك ويزيييييييييييييل همك

أختك صريحه

__________________