انا هذي الطريقه شفتها في واحد من قريبنا ... طبعاً بناته مو ذاك الجمال
المطلوب ... لكن الناس تتهافت عليهم وبناته كل يوم يخطبها الف واحد
ايش يسوي ابو البنات ذولا ؟؟
اذا جاء العريس وخطب البنت ووافقوا ... خلاص
يجي العريس طبعاً متحمس ويكون عنده فلووس واكيد كلها دين
ويدفع المهر غالي شوي عشان يبيض الوجه قدام الناس
ويدفع مثلاً 30 الف ...
ابو البنات ياخذ المهر ويقول للبنت شوفي كم تحتاجي فلوس ..؟؟
طبعاً كلها ثلاث ايام وتحسبها البنت تشوف كم تحتاج والباقي يرجع للزوج
وابو البنات يقول للرجال ما ابي عرس ... عشا بسيط وخلاص

طبعاً ابو البنات ذكي
يعرف انه الناس حالته الاقتصادية شوي تعبانه ... وخصوصاً لما يجي
التخفيف في المهر منه هو
اخوي خطب منهم ... ولما راح طلب البنت ... قال لاخوي
احنا بنتشاور ونشووف ..
طبعاً احنا ما لنا فيهم علاقه قوية ..
وما رد علينا استغربنا ... ظنينا البنت رفضت
لكن بعد ثلاث اسابيع اتصل على الوالد وقاله والله رقم الجوال حقك
ضاع من يومها واحنا ندور عليكم ... وخصوصاً انه راح لبيتنا القديم
يحسب انه ساكنين فيه يدور علينا ... على فكرة بيتنا القديم بيت شعبي
مو زي الان عماره
اهم شي دفع اخوي لهم 40 الف
اخذت العروسه 13 الف بس ... وردت الباقي للعريس
لا وقال العرس يكون في صاله واصر ابو العروس
لكن اخوي سواه في قصرر ..
ولما اتزوج اخوي وانتهى
قالت البنت انه خطبها واحد ثاني في الوقت اللى ابو البنت يدور على اخوي


مختصر الموضوع ... ترى الشباب الان ما يتقدموا بسبب غلا المهور
وقلة اليد .... خلي المراعه تجي منكم انتم يا اهل العروس
لان العريس لما يتقدم يكون في جيبه اقل شي
100 الف ريال وكلها دين ونادر تكون من تجميعه ..
عشان كذا لا تجلسوا تكلفوا على الناس
وعسا ربي يستر على بنات المسلمين