الاخ الى يقول البنت الجميله الى ما تطلع للجمتمع الا نادرا يطلب منها تضهر وتروح اعراس ومناسبات طيب انت دارى عن ظروفها تدري اهلها معقدين ولالا
والله مافى احد ماكل على راسه غير البنات هذا انا عندكم لا روحه ولا جيه ياما جاتنا كروت افراح ومناسبات وتنرمي فى الدرج السبب الاهل مايحبون يختلطون بالناس مايحبون يحضرون مناسبات طيب حنا وش ذنبنا وش نسوي فى اعمارنا يعني هو بالساهل زهره الشباب تمضي لا زوج ولا اطفال ولا سعاده تخيلوا صرنا نتهاوش مع بعض في البيت من كثر الطفش حتى صرت اتجنب اجلس على الاكل مع اهلى مايحلالهم الهواش والمناقشات الى ترفع الضغط الا على الاكل وكل واحد فى جهه كل واحد جالس بغرفته وفاتح تلفزيونه او نايمين والله طقت كبدي مليت مدري وش اخرتها