كان عندنا حفل مقام للأمهات في المدرسة.. وأنا جالسة مع المعلمات والأمهات
تم تكريم الطالبات الممتازات.. وفجأة قالت المساعدة ويتم الآن تكريم المعلمة المتميزة في الأداء الوظيفي لعام 1426 – 1427
الأستاذة شوبارد فلتتقدم.. تفاجأت وبنفس الوقت فرررحت والله ماتسعني الدنيا من الفرحة.. أنا الوحيدة من 40 معلمة وتكرمت.. حسيت بطعم النجاح
الحمدالله.. مشيت للمسرح كان الممر طويل أمشي والعالم تصفق لي والمساعدة تتكلم عني وأسمع أصوات
ماشالله عليها .. وش تدرس أي مادة؟.... واضح عليها انها ممتازة.. تستاهلين ... شعور لايوصف
وأنا أمشي أتخيل أني امشي في ممر أخضر كله خضرة وأزهار وهواء نقي وشعري يتطاير فرحااانة
كنت اتمنى والدتي معي تفرح فيني.. ياقلبي اخر مرة فرحت فيني بحفل تخرجي..
وبعدها دخل بقلبها الهم بسبب تأخري بالزواج.
طلعت المسرح أسلم على صاحبة المدارس.. وانا فرحانة ومنحرجة منها
قالت: طالعة مشرقة ياشوبارد انخطبتي؟؟
الله ينكد على العدو.. ياختي كان صبرتي شوي لنهاية الدوام على الاقل.. خليني أفرح.. خلي عيني تدمع من
الفرحة.. ياهالزواج كل ماحاولت أتناساه وأتاقلم مع وضعي يلاحقني!
ابتسمت<<< كالعادة قلت لا..
قالت هالحريم عميان مايشوفون
قلت مشكورة عالهدية ماقصرتي والله <<< تصرف
قالت انتي تزوجي وشوفي وش بعطيك << مانفعت التصريفة
نزلت المسرح ورجعو يصفقون لي.. وانا مرة منحرجة ومستحية منهم
الا ومعلمة من احد ا لجنسيات العربية قالت وبصوت عالي الجميع سمعه
مبروك ياشوبارد.. بس نحنا مابدنا نفرح هيك فرح.. بدنا نفرح فيك عروسة!!
ثم سمعت من الحريم.. ماتزوجت ياعمري عاد ماعليها قصور.. باين عليها ماتزوجت... مبروك الله يرزقك الرجال الطيب.
اااااااااه اجلس بين المعلمات وجهي متقلب.. واقول للي جنبي باين اني مستحيةوانا امشي !! قالت ياعمري انتي الحريم ضاقو صدورهم يوم عرفو انك ماتزوجتي!
قلت مصيبة يعني عادي طيب كثيرين بنات ماتزوجو معنا هنا!. قالت اقول بس عطيني هديتك انتي ماعندك رجل تكشخين عنده ودي اكشخ عند رجلي بها!!!!!!
آآآآآآآه بس رايحة المسرح والعالم منبهرة مني
ونزلت منه وانقلبو من انبهار لرحمة!
وقتها ودي أرمي الورد بالمسرح وأطلع
ودي أمسك الدرع وارميه في الارض لين يتكسر
مابي شي من احد ولابي هداياهم ولابي مدحهم اللي بغلطة بسيطة ينسون حسناتي كلها
أبي شي واحد بس! ابي ربي يرحم حالي
04-05-2006, 03:26 AM
ضوابط المشاركة
العرض الشجري