أختي شوبارد كلام أخوي الكبير مقنع ومنطقي . بصراحة لازم تعرفون وش السبب اللي خلاه يطلق زوجته الأولى لأنه ممكن يكون العيب منه مو من زوجته الأولى وبعدين حاولو تعرفون السبب عن طريق غير طريق أهله لأن أهله كبر ماراح يعطونكم الحقيقة ويبيحطون اللوم كله على زوجته الأولى ويبرؤون ولدهم مثل أخوي اللي أكبر مني طلق زوجته وأهلي كلهم معه ويشوفون ان الزوجته هي الغلطانه وأنا بصراحة مع انه اخوي لكن الحقيقه انه هو الغلطان والبنت مسكينه مالها ذنب لأني أعرف أخوي زين هو وسيم وأخذله وحده عاديه وكان كل ماصار بينهم خلاف ولا زعل بدا يستنقصها ويعايرها ويقولها : أصلا انتي مااعجبتيني وانا ماكنت ابيك لكن اهلي هم اللي فرضوك علي ومن هالكلام الجارح الين البنت في النهاية ماقدرت تتحمل وراحت لبيت اهلها وطلبت الطلاق.

وبعدين انتي ذكرتي انه مدخن ؟ وماأدري ان كنتي تتقبلين هالشي ولا لا
وبالنسبة لبنته إذا كانت ماراح تعيش معاكم في اول حياتكم فهذا هو المطلوب أما إذا كانت بتعيش معاكم فهذا راجع لمدى تقبلك انتي لهذا الشي .

وأخيرا عليك بالاستخاره والدعاء ولا تستعجلين وتقولين لو رديته ماراح يتقدم لي أفضل منه لأنك مثل ماذكرتلك سابقا مازلتي صغيره وبكر هذا غير ماتتمتعين به ماشاء الله من شخصية متميزه وروح مرحة والتزام بالشرع وتتمتعين بقدر كبير من الجمال مثل ماذكرتي وهذي الصفات والله يتمناها كل شاب في زوجة المستقبل. واسأل الله أن يكتب لك الخير .و لك تحياتي

يسخر من الجروح كل من لا يعرف الألم