هلا اختي ام سوسة.. الله يرجع لك عيالك بالسلامة..

اختي ام سوسة.. نعم يحق للبنت ما يحق للشاب..


يحق للبنت تختار الشاب اللي تتزوجه وترضى او ترفض قبيلته...

انا قبلية.. وسبق تقدم لي شباب من غير قبيلتي ورفضتهم.. لانه اختصار الموضوع ما ابي اتزوج من شباب تلك القبيلة.. ولا ابي عيالي يحملون مسمى تلك القبيلة.. هي قبيلة معينه ماهو سائد على كل القبائل ورفضي لقناعتي.. في وقت فيه بنات من قبيلتي متزوجين من ابناء تلك القبيلة..



وفي نفس الوقت انا رفضت شباب من قبيلتي.. وسبب رفضي.. لانه صحيح من قبيلتي .. ولكن من اهل البادية.. وانا بنت حضرية.. عايشه في مدينة.. ولا فيني اعيش بقرية واعيش عيشه البدو.. فرفضت..




وبالنسبة لتحجر الاباء صار قليل جدا عندنا بالسعودية.. لانه البنات كثروا بالبيوت.. وصاروا عيال العم يخطبون من غير قبائل.. وبعض الشباب يحطون شرط ما نبيها من نفس قبيلتنا..


وبالعكس انا اشوفه افضل جدا جدا جدا.. تتغير النسب .. وبالاطفال ما يضرهم شئ.. وفي عائلتي بنات متزوجين من غير شباب القبيلة.. وكذلك الشباب متزوجين من غير بنات القبيلة.. وممكن يكون من نفس القبيلة بس من غير الفخذ .. وعندنا بالعكس يفتخرونا حنا الفلانيين وخوالنا الفلانيين..

يعني قليل تلاقين بنت عم ماخذه ولد عمها..

بالنسبة هل يحق المرأة انها تتزوج من نجد او تتزوج من الشمال.. اختي احنا اتوقع في كثير من العوائل تعدينا هذي المرحلة بكثير...

مافيه فرق بين اهل الشمال ونجد اهل الشرقية والغربية..

كلنا قبائل وكلنا اصول... ممكن ولد نجد يذلك وولد الشرقية يعزك.. ولافيه اعتراض لامر الله الاعتراض لما يكون يتقدم للبنت من غير عيال عمها ابوها يرفض يزوجها.. واهلها يرفضون ...

واهم شئ اختي انك تكونوين مرتاحه .. تتزوجين عن قناعة .. مو متتزوجين ولد عمك او من قبيلتك بس عشان الاسم.. البنات ما نفعهم الاسم... وهذا اكثر الطلاقات تصير وهم من نفس القبيلة ويمكن نفس العائلة.. وبالعكس المشاكل تكون اكبر...

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء

مشكوره اختي دلوعه ومحضوضه وان شاء الله تكوني دايم مسروره


اشكر لك ردك

كلامك سليم كثير من الاهالي الان ليسوا متحجرين ولايهتمون لمساله القبيله اهم شي دينه واخلاقه واصله

ولكن ماتوافقيني الرئي انه من حق ابنائك مستقبلا ان شاء الله ان يكون ايضا نسب ابوهم مكافئ لنسبك ؟؟

يعني بصراحه تصوري ان تكوني بين اهلك واقاربك والكل متكافئ الا انتي تحسي ابنائك غير

صدقيني هالشعور ممكن ياثر على الابناء ويحسسهم بالنقص

وطبعا هذي وجه نظري انا

__________________

اختي بقولك شئ الدنيا من ثلاثين سنة سابقا كانت غير اليوم قبل ثلاثين سنة البنت معروفه لولد عمها.. وقليل يزوج خارج القبيلة اليوم صرنا عادي نتزوج من خارج القبيلة.. ووصار من خارج الدولة نتزوج صرنا من باقي دول الخليج.. بعد عشرين سنة راح يفرق تماما واكيد بيتغير الوضع وتخف القبلية..(( وهذا راح يكون جيل عيالنا))


لا ما اوافقك الرأي.. لانه اليوم صرنا نشوف شباب باعمرنا وبنات امهاتهم غير سعوديات وبعضهم غير عربيات بالمره.. وهذا انا اعترض عليه.. نظرا لتغير الشكل خصوصا اذا كان الزواج من شرق اسيا.. يجون الاطفال بملامح اسيويه..


بينا كقبائل مافيه قبيلة افضل من قبيلة.. كل قبيلة لها مجد تفتخر فيه.. وبالنسبة قلت لك احنا نزوج من خارج القبيلة.. بالعكس كثير يفتخرون انهم منا وخوالهم الفلانيين.. والعكس صحيح انهم من خارج قبيلتنا وخواله احنا.. ويكون النسب على نطاق اوسع وتكثر المعارف وتقل المشاكل.. تقل بدرجة كبيرة المشاكل.. لانه كل ناس من قبيلة.. ومتعايشين مع بعض..

اظلم نفسي لو اكون انا مو قبيلية واتزوج ولد قبيلة.. واظلم اهلي لو اكون بنت قبيلة واتزوج غير قبيلي.. من اللي نسميهم خضريين او صناع.. هذولي ما نتزوج منهم ابدا..



واعتقد انه مفاخره بالانساب ولى على عهد الاجداد.. والحين بدت تطلعه بعض القنوات لابارك الله فيها..

واليوم انتي شوفيها على نفسك صاحباتك مستحيل يكونون من نفس قبيلتك كلهم.. وكل فيه الطيبة والاصل..واذا عاجبتك بنت واخلها عسل ودينها رائع وجميلة راح تفكرين تزوجيها اخوك..حتى لو كانت من غير قبيلتك.. لانك تكسبين فيها الاخلاق..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء

في هالنقطه الاخيره لا صديقتي حتى لو كانت مقربه جدا لي

ما تتزوج اخوي ابدا

وتصدقين هذا الموضوع قد حصل وقلت وش رايكم بفلانه وطبعا رفض على طول

مابقولك اهلي متحجرين لابلعكس

ولكن اخوي ما حدد ولكن اكيد يبغى من نفس القبيله لانه ذكر لنا هالشي

ونفس الشي الوالد والوالده اخذو الموضوععلى انه مزح

وشوفي لهم فتره يدورا

وانا بالرغم من اني مطلقه الا اني رفضت انسان بسبب قبيلته والله يعوضه خير مني ويعوضني خير منه

ما ادري ممكن بيوم تتغير وجه نظري لاكن احس هالشي من قناعتي الذاتيه

وبلعكس اهلي كانوا مرحبين

__________________