أهلاً أخوي ..
خلنا نتكلم بعقلانية .. وبدون تأنيب
أنت قلبك وعقلك الآن متعلق بخطيبتك الاولى ..
بمعنى أن قلبك انفتح لها على مصاعيه .. وحتى في الحوار العقلي ترتاح معاها أكثر
رغم أعترافك بعدم وجود عيب في الثانية ..
من وجهة نظري والحل هو
أنك تتبع الأنسانة الي انجذبت لها .. لأن الزواج أهم نقطة فيه وفي البداية هو الانجذاب .. النقطة هذي هي الي نقدر ننطلق منها لأشياء ثانية ..
كثير من الاحيان ما ننجذب لشخص مو لأنه فيه عيب .. ممكن يكون كامل بس سبحان الله ( القلوب جنود مجنده ما تعارف منها أتتلف وما تناكر منها أختلف )
الثانية ممكن تكون تحبك ومتعلقه فيك وراح تعمل المستحيل عشان ترضيك .. بس المشكلة في قلبك
هو الي عليه المعتمد .. قلبك متعلق في الاولى .. وصدقني القلب إذا حب يتغاضى عن اشياء كثيرة وحياته
تمشي بسهوله .. بس لو قلبك مو مع الثانية بعد فترة بتملها وتشوف انها غير جذابة
أتذكر اني قرأت مشكلة في هذا القسم تشبه مشكلتك .. شخص قال انه مو مقتنع خطيبته تمام وبعدين
فكر بعقله وقال تكفي الجوانب الاجابيه الي فيها متدينه ومطيعه وراح احبها .. وفي النهاية وبعد الزواج
وجاب منها .. مو متذكره كم طفل قال ما فيها عيب بس مو منجذب لها وفضل الزواج بأخرى ..
انا أقولك هالكلام وأحس بالشفقه على خطيبتك الثانية .. بس إذا هي مو جالسة في وسط قلبك ولحالها
وفي فترة الخطوبة ..كيف راح يكون حالها لما تتزوجها وبعد أنواع الاشباع الي بتاخذه منها ..
انت الحين حاس أنك مو قادر تعطيها مشاعرك وعواطفك .. كيف راح يكون الحال بعدين
وخطيبتك الاولى نفس الشي حالها مع زوجها مراح تقدر تعطيه إذا قلبها متعلق بواحد ثاني
انا اقول يا أخوي أنت تحب الاولى ,, والثانية يمكن يجي لها شخص يحبها وينجذب لها بشكل قوي غيرك
انا مراح اقول اتركها .. القرار لك .. أنا بس حبيت اناقش الموضوع وياك
27-02-2009, 08:40 PM
ضوابط المشاركة
العرض الشجري