أخوي ..

بغض النظر عن المشكلة الحالية ..

مشاكلكم إنت و زوجتك أغلبها بسبب الأهل ، إن ما خاب ظني ..
أهلك و أهلها .. صح و لا غلط ..؟؟؟

أهلها و عرفنا ، لإنها تحكي لهم كل شئ .. بس لاحظت إنهم ما يتدخلوا في حياتكم ..
و واضح إنه أخوانها محترمين جدا ..

طيب و أهلك ..؟؟؟ بصراااااااااااااااااااااحة مو لإنهم أهلك ..
هل أخواتك ينكدوا عليها و يغاروا منها ؟ هل أمك ترميها بالكلام و تشحنك على زوجتك ..؟؟؟
مجرد أسئلة ..

بأسألك أسئلة :

- أهلك يتدخلوا في حياتكم إنت و زوجتك ..؟؟؟ هي يوم سافرت شهرين أظن و رجعت لك ..
أمك و أخواتك ، شحنوك على زوجتك .. فغيرت إنت معاملتك لها ..؟؟؟ مو صح ..؟؟؟

- المايكرويف صح إنه شئ صغير ، لكن هي قصدها ( المبدأأ نفسه و الفكرة نفسها ، و أنا مع زوجتك في الموضوع هذا
معليه ) ما كان لهم حق أهلك إنهم يستخدموا أغراضكم .. إنتوا حطيتوا أغراضكم عندهم أمانة .. و حتى لو كنت إنت ولدهم
و هي جاتها هدية من أخوها .. و إنت تضايق إذا جاتك هدية من شخص عزيز و أحد غيرك يفتحها و يستخدمها ..
في هذه معها حق زوجتك ، و كان ممكن إنك تحل الموضوع بنفسك مع أاهلك و من غير ما تجيب سيرة زوجتك

- كلامك مع أبوك ، إني أبغى زوجتي تتعدل و تجي البيت .. بنفسك قلت ما تبغى أحد يعرف بمشاكلكم ..
ليه قلت له الجملة هذه ؟ ما راح ينساها أبدا .. و راح يتخيل زوجتك منكدة عليك و ما تستاهلك و راح يكرهها ..

- أهلك يوم جووو عندكم وقت ما زوجتك ولدت ، ليه أمها ما جات ..؟؟؟ الوحدة ترتاح لأمها أكثر و تتنمى أمها تكون قريبة منها
بعد الولادة ، مو حماتها .. إنت تقول أمك و أبوك و أختك ..
طيب هم اللي كانوا يساعدوها بعد ولادتها ، و لا هي اللي كانت تخدمهم و تشرف على ضيافتهم ..؟؟؟

- أخوي ، هي يمكن تتضايق من ردة فعلك من تعامل أهلك معها مثلا ..؟؟؟ إذا كانوا يتدخلوا في حياتكم ..
يمكن إنت ( سلبي ) في التعامل مع أي مشكلة بينها و بين أهلك .. فصارت هي تاخد حقها بنفسها ..؟؟؟
أنا ما أعرف كيف أهلك معها علشان كذا ما أقدر أقول شئ ..

- هي تقول في رسايلها إنك ما تتناقش و دايما تحط الغلط عليها ، و إنك ما تبحث عن الحلول و تسكت ..
و الزوجة تنقهر من الزوج اللي وقت المشاكل يكون شخص ( سلبي ) ..

- هل أبوك يتدخل في حياتك إنت و زوجتك بما إنك قلت إنه شخصيته قوية ..؟؟؟؟؟

--------------------------------------------

الوضع شكله ما وصل بينكم للطريق هذا .. إلا بسبب إنها مشحونة من قبل من أهلك ..
ماعرف إيش بينها و بينهم .. و انشحنت هي أكثر من يوم مشكلة أخواتها و هي مع أختك ..
و إنت كمان مشحون عليها بسبب أهلك من يوم زواج اختك بأخوها و كلامهم لك و تصرفات أخوانها يوم الزواج..