الناس تختلف وكذلك ظروفهم
ناس يقولون جيبيهم مره وحده وارتاحي بعدين
لكن أحسه ارهاق نفسي وجسدي
ويزيد إذا كنت بعيدة عن أهلك
ولو قلنا كل طفل والثاني بينهم مدة طويلة كذا بيصير فارق عمر بينهم واحنا بكبر
الأمر محير وكله بقضاء الله
الحين بين بنتي ووولدي 3 سنوات وكم شهر فوقهم
وكان حلو وقت جبت الثاني كانت بنتي تعتمد على نفسها في أشياء بغض النظر عن الصعوبات
أو عالأقل تحمل الوحده وقت يصير ولدها يروح الحمام
لأن فكرة تغيير حفاظات لاثنين مزعجه وفوق هذا ميزانية ولازم أدربهم على الحمام مع بعض
وانا بغيت أنجن وقت تدريب بنتي
الله العالم متى بجيب الثالث بس حاليا ما أفكر ولدي حتى ما كمل السنة
مرات أقول بخلي نفس الفارق ومرات أقول بخلي مدة طويلة بعدين أجيب اثنين قريبين من بعض
يعني نخلي العيال مجموعات كل اثنين حول بعض
بس زي ما قلت كذا بتنقدم في العمر وقدارتنا بتقل
بتقل قدرتنا عالسهر ومخزون جسمنا يتناقص
وكل شيء بيد الله أولا وأخيرا مو على كيفنا
يمكن ودنا نحمل ونتأخر لأسباب أو نحمل وقت ماودنا بالخطأ مثل ما يسمونها الناس
الله يكتب للجميع اللي فيه الخير
08-12-2010, 11:33 AM
ضوابط المشاركة
العرض الشجري