رد: عادات وتقاليد :[مميز]
اقتباس:
المشاركة الأصلية كتبت بواسطة أُقْحُوَآنّ ♡
زي مثلاً عندنا عيب ثم عيب ثم عيب تصب للضيف القهوة وتعبي الفنجال
يعني انك تبي تفتك منه بسرعه
بالنسبه لي ما يكيفني الا اذا كان ملياااااان التقسيط في القهوة ما زين 😔
|
ذكرت عادة الطبقات الارستقراطية عند الإنجليز أول يحطون المرق
بقاع الصحن و يحتسي النبيل بطرف الملعقة و يضطر يميله أحيانا، برستيج .
مع أني بدوية جهة عمومتي أبا عن جد إلا إن
أول عهدي الصدزي بالقهوة العربية من عمري 20 وفوق ،
قبل كنت غير باغ و لا عاد بالمجالس و قدام الناس ، مع إن كثير أقول
أو أهمس قبل يصبن " ما أقدر :/ مابه سكر"
لولا قبصة عِجز استراتيجية تعقد لساني و دموعي يمكن بعد أو أنهن ما يسمعنن ،
بعدين تحت ظروف ضغط و درجات حرارة عالية يفوح عبق الهيل و الزعفران
و المسمار بينما تطبخ القهوة ثم تختلط بشذا الشكولاتة و أنا أتفرج على العالم تبلع
بحسرة و على القهوة بهلع ، و حاجتي للسهر و السلوان بعد بالكلية هنا قدر الله
علي و وقعت في براثن القهوة العربية المرة ...
إنما ؟ لاحظي لازلت متمسكة بمبادئي
و هي حقيقة ما أغبيه عنتس، حرية شخصية كيفي ! بس علوم عند الناس يمكن ...
إني أشربه بكوب الخزف الصغير و الله العظيم ومحب و لا أعرف أشربه بفنجان خاصة التعذيب الي قلتِ .
عند أهلي و حريم أخواني عادي تعودوا لدرجة أهدى بعضهم أكواب ،
بس عند الناس لأني ما أقدر ما أشتهي آخذ فنجان واحد بس و لا أكمله لين يبرد
أو يفرجه ربي ،
ملخص مأساتي معي القهوة العربية بنهاية سعيدة.
لوفتي
علم المغرب ، قبل فترة شفت وثائقي عن زعفران المغرب استمتعت و بنفس الوقت
حسيت بالظلم شوي لو أحد فعلا يهتم و يدعم هذي الثروة و فلاحيها :
الدبش عفش العروس عند الجنوب على ما أظن ، البقش عند الحجاز ، ...
و عندنا معيارة الخبل ( المخبول )...
بالأصل الدبش هو" الخروف" ، فيمكن لأن عادة الناس أول
يعطون عانية يعني مساعدة يوم العرس رؤوس خرفان .
التعديل الأخير تم بواسطة فأل أخضر7 ; 17-02-2016 الساعة 10:41 PM
17-02-2016, 10:35 PM
ضوابط المشاركة
العرض الشجري