أخوي كل مرأة تتمنى تكون الأنثى الوحيدة بحياة الرجل

وانا لما أحب رجل واعطيه حياتي كلها ويصير شغلي الشاغل .. ليل نهار اتخيل اليوم الوردي يجي..

بمملكة تضمني انا ورجل لحالنا محد يشاركنا ببعض.. حياة مستقلة انا له وهو لي..

ماتخيل واحد انتظره طول عمري واخرتها مشاركتني فيه وحدة ثانية

غير احساس الزوجة الاولى وانهيارها اللي مالومها فيه..

وصح مثال ولد عمك ماشالله ناجح.. بس ولو ماتخيل زوجي عندي جالس وبعد شوي رايح لوحدة ثانية

بنهبل لوصار لي كذا لوه حبيب وروعة معي بتحسف فيه زيادة ويمكن انقهر بعد اكثر

يمكن كلامي مايقنعك كرجل! ومالومك احساس الرجل يختلف تماما عن المرأة

وبعدين اخوي حبيت اقولك كلمة وعذرا على تدخلي لخصوصياتك وأتمنى تتقبل كلامي بصدر رحب

اللي فهمته من خلال قراءتي لبعض ردودك أنك متزوج.. ومفكر في الثانية صح؟<< اذا كان صح

فيرحم والديك والله يوفقك فكر بزوجتك بللي ضحت بشبابها عشانك.. ماكل شارب نايم مرتاح

من فضل الله ثم فضلها ومافي انسان كامل ابدا.. ولو طلع تقصير بإمكانك المصارحة مو على طول تفكر بالثانية

ياربي بعض الرجال اذا طق عود قال بعرس!! ولاحظت في الفترة الاخيرة كاثرة مواضيع التعدد الله يستر

لاتزوج واحد ومايمديني افرح الا يتزوج علي

الدنيا صارت تخوف والله

اخوي التعدد لابد من العدل << وهذا نادر في الرجال مع احترامي لهم

لاتنسى الاطفال ومشاعرهم

والزوجات ومراضاتهم ترى الحريم بعد مهم سهلين والله. شريت لها ماشريتي سويت لي ماسويت لها

تراه وجع رااااااااس تخيل فاتح بيتين علمني وين تلقى الراحة معه. الله يخلي لك زوجتك بس!

واسفة اذا تدخلت بس كلمة بقلبي وحبيت اقولها

__________________
اللهم لك الحمد والشكر
"ولئن شكرتم لأزيدنكم"

أخوي الكبير

حسيت اني ضايقتك بردي.. وانا متأكدة ان كل بنت هنا نفس شعوري لكن تنازلت بحكم الظروف

وانا صح رافضة التعدد لكن ماهو قطعا!! فيه حالات الواحد ينجبر عليها الله لايجيب هالحالات يارب

المنفصلة مثلا بأطفال- يمكن.

لكن وحدة ماتزوجت ابد احس كأنها صعبة شوي الا اذا ضامنة الرجل مررررة

وبزمنا الحين مالنا الا الظاهر..

__________________
اللهم لك الحمد والشكر
"ولئن شكرتم لأزيدنكم"

أختى شوبارد

صدقينى لم اتضايق من ردك وأقدر مشاعرك وأحترمها وأعرف أنه

لايوجد بالدنيا أمرأة ترغب أن يشاركها أحد بزوجها ، ولكن أحيانا

تكون الظروف أقوى من الاختيار ، وباعتقادى أن نصف زوج أفضل

من لاشئ والمثل الشعبي يقول ( نصف العمى ولا العمى كله )

لك تقديري واحترامى