فقدت بالأمس واحدة من أغلى الناس على قلبي
السلام عليكم
بالأمس جأت صديقة طفولتي من الجبيل متجهه إلى الدمام لانها نسيت جواز سفرها و هي على وشك السفر مع زوجها ... لها خمسة أطفال فتاة واحدة و الباقي اولاد ....
عند عودتها بنشرت السيارة و انقلبت فيهم خمس قلبات كان معاها بالسيارة الولد ابو 12 سنة و ابو 5 سنوات و ابو سنتين توفى ابو 12 سنة أما الولدين الباقين وضعت الصغير بحظن الكبير و قالت لة لا تروح مع احد غريب و امسك اخوك زين و انتظر خالو لحد ما يجي ...
كانت عارفة و حاسة انها بتموت ....
المهم .... توفت بسيارة الاسعاف او قبل ما توصل الله العالم ... تخيلو الرعب اللي عاشة الولد ابو 5 سنوات و ابو سنتين يا عمري يا عمري يا عمري صغاااااار ...
الاب كان مو حاس مسكين ( الله يشفية ) بالمستشفى الان منكسرة منة 7 اضلاع و عندة نزيف بالرئة و لا يدري ان ولدة و زوجتة توفو على بالة ان حالتهم خطيرة بالمستشفى و بس ... و يا عمري علية كنة حاس مصر انة يشوفهم .....
البنت الوحيدة اللي عندها ما تدري ان امها ماتت ... لما وصلت لبيت جدتها و قرأت عزاء النساء انهارت يالشارع تقول ( يوووووة مكتوب عزاء يمكن هاذي امي اللي ماتت ) .... ولدها الكبير اكبرمن اللي توفى بسنة ... تخيلو انه راح مع خوالة دفن امة و اخوة ....
يا ناس البنت هاذي قضيت طفولتي معاها بس هي تزوجت بثاني ثانوي و انتقلت للجبيل و صرت ما اشوفها الا نادر ... بس كنت اتواصل معاها دايما .... بالعيد كنا بنجتمع بس جو لهم ضيوف من الكويت و لا قدرت تتركهم .....
قلبي يعتصر من الحزن ... ماني عارفة شسوي ... لي يومين ما جفت دموعي ... مو قادرة اشوف الكي بورد ....
الله يجزاكم خير و يرحم كل موتاكم و يخليلكم عيالكم تدعون لها .... اسمها ( ايمان ام عبد الله ) على الله يستجيب ... نفسي اكون لها الصديقة اللي تحبها بالله و يجمعني فيها ربي بالجنة .... ارجوكم ادعو لها و لزوجها الله يخلية لعياله الباقي .... و ان يرزقني الله الصير و السلوان على فراق الغالية ايمان
التعديل الأخير تم بواسطة عبـدالعـزيز ; 09-10-2008 الساعة 02:33 AM
08-10-2008, 11:08 PM
ضوابط المشاركة
العرض الشجري