بسم الله الرحمن الرحيم

اخواتي انا عضوة جديده معاكم ماادري هل اقول انا
في عداد ( المتأخرات عن الزواج ) او في عداد ( المطلقات )
لكن سأسرد عليكم قصتي .... لعلها تكون عظة وعبرة لمن مثلي او تكاد تكون مثلي .....
نبدأ بالقصه ..
انا واعوذ بالله من كلمه انا .. كان همي الوحيد في حياتي الزواااج واني اجيب عيااااال من وانا مراهقه وانا اترزز في كل مكان مع الوالده ...علشان انخطب .. ليش ؟ لأني شفت بنات من العائلة تأخرن بزواجهن رغم انهن احلى مني ... ويوم سمعت السبب انهن مايطلعن ولايروحن .. صرت الح على الوالده كل ماتروح اروح معها ... وكنت اتلذذ بجموع الخطاب الغفيرة وهم طوابير على باب بيتنا ...واختكم كانت تدلع <<<< مسويه ثقيله :14:

وكان الوالد يرفض بحجه صغر سني
ثم صار يرفض بحجة الدراسه
.... لحد ما مليت من الروحات والجيات
وما زال الخطاطيب كالنحل <<<< وانا فرحانه
تخرجت من الكليه ...
خطبني واحد ويوم وافقنا واتفقنا على كل شي سمعنا عنه كلام
ورفضناه ...
ومن كثر مانرفض صارت الناس تهاب تعتب عتبه باب بيتنا
واصبح البنات من حولي يتزوجون وانا مكانك سرررر

بلغت من العمر مبلغ ... جاءني رجل :
شوقوا حبيباتي مواصفاته المغرية .؟
شاب قريب من عمري
ملتزم بدون تشدد ( ملتحي) الصلوات بالمسجد
خلوق سمعته زينه
وظيفته زينة وحالته الماديه فوق المتوسط
الى هنا كل شي تمااااااااااااااااااااااااااااااام

الصدمه انه ( متــــــــــــــــــــــــــــــــزوج) !!!!!
وله اولاد ويوقولون انه اعرس في سن صغيرة
طبعا انا قلت لاهلي خلوني استخير وارد عليكم
وكل اللي حولي يمدحون باخلاقه ومواصفاته ولابه شئ يعيبه
وسألنا عنه الداني والقاصي وكل ابوهم يقولون ( خذيه لا تضيعينه من ايدك) مابيظلمك وبيكون عادل وبيكون وبيكون .... الخ
سالت عن زوجته طلعت بنت حلال وطيبه وذا اللي شجعني
اني ارتبط به ....
المهم وافقت واهلي وافقوا وفرحانين ..
اتفقنا على كل شئ المهر والزواج والذي منه واهم شئ بيت مستقل والعدل . والرجال مسكين ضرب على صدرة وقال للوالد ((ازهلها ياعم )) !!!
وافقت عليه بدون شروط والله اني انصدمت من يوم ماقدم المهر تقل انه مشتري نعجة !!!
بس عيب وش تبوني اقول والناس ماليه بيتنا ..
قلت في عقلي ( الحين ذا قدري عنده وانا بكر ووافقت عليه بدون شروط وهو يعرف انه متزوج ) !!!
عقدنا القران وانا مستانسه ويوم تقابلنا قال لي : لا تخافين ان شاء الله بكون عند حسن ظنك ووماني بقصر عليك بأي شي...
فرحت وقلت الحمد لله الله عوض صبري خير حتى لو كان متزوج يمكن ان الله يجعل فيه خيرا كثيرا قال تعالى ( وعسى ان تكرهوا شيئا ويجعل الله فيه خيرا كثيرا ) ...
بدأت المقابلات والمكالمات وتحديد موعد العرس
انتبهوا خواتي للي بقوله تحت :::::: انتبهــــــــــــــوا
بالمقابلات : كـــــــان ســــــاكت ولا يتكلم الا ( وش اخبارك ,وش علومك , وش اخبارك , وش علومك ) ويجلس شوي ولا يسولف
وانا طبعا استحي ... لاحظت ان عنده شي متخبي بس ماادري وشهو..؟
بالمكالمات : كنت انا جريئة واسولف بس شوفوا الصدمه :
كان كل مكالماتنا :
أم فلان ( اللي هي زوجته ) : حلوة ماشاء الله عليها ماعليها قاصر
أم فلان امس طبخت لي طبخه تهبل ماشبعت منها
ام فلان سهرت معاها امس بالمطعم
أم فلان فصلت لها ثوبين ب1500ريال
أم فلان مدلعتني والله
ام فلان
ام فلان
ام فلان
..........................................الخ
وانا اسمعه <<<<<<<<<<< وفااااااااااااااااااااااااااااغره
ويوم يخلص بكل مكالمه من ذكر بطولاته مع زوجته
أقول : دامها كذا وشوله اعرست عليها وتزوجتني
يقوووول :
انا الشرع محلل لي اربع ....... وانا ادور الحلال
<<<<<< وانا فغرت فغره اكبر من اللي قبلها
تحملت ....... وقلت له لا باقي تجيب سيرة ام فلان عندي
الله يستر علي وعليها ...
صار يكلمني : ويقول السالفه ويوم يوصل عند كلمه ( ام فلان) يسكت .
مثل : رحت انا و___
اكتشفت انه يحب تعذيب المشاعر
صبرت لين بقى على العرس شهر ونص
وثم بدأ بالتملص <<<<<<<< مدري وش معناها
من المكالمات ولا عاد يبي يكلمني
ولاعاد يبي يجيني
بس رسايل يبث اشواقه المزيفه
وانا قابلته بالمثل لاني اكذب عليكم لو قلت لكم اني حبيته
وش احب فيه؟
الناس تتكلم عن امور تخصها وهو مابين مغامراته مع ام فلان الغراميه وكيف تزوجها وكيف حبها وكيف استقبل خبر اول مولود حتى ليله الدخله كلمني عنها .
وانا مشاعري تنجرررررررررررررررررح
حسيت ان ودي ان الارض تنشق وتبلعني
المهم : اتصلت عليه
الا و(ام فلان ) ترد ؟ لاحظوا انها ردت على جواله
وانا اقول : السلام عليكم
قالت : وعليكم السلام
قلت : ام فلان وشلونك؟
قالت بجفاء: هلا
قلت : وشلون العيال؟
قالت : بصوت عالي ( يا ولد اترك اختك لا توجعها )
قلت : وين ابو فلان ؟
قالت : بالحمام!!! ( الله يعزكم)
قلت : طيب بأمان الله
قالت : طوط طوط طوط طوط طو ط
وانا من يومها بدأت استرجع قواي واقول ((( وينك يالعزوبيه والله ان العنوسه احلى شئ لاوجع قلب ولا جروووووح)
المهم مالكم بالطويله :
دق علي بعد ( يومين ) شفتوووووا يومين
وقال : هـــاه وين تبغين تسكنين؟
قلت : ببيت خااااص
قال : والله ام فلان جهزت لش الملحق ورتبته وهذا زينه
قلت : معصي والعياذ بالله يابيت بروحي يا لااااااااااا
قال: ليش والملحق مايعتبر بيت !!!! مستقل !!!
انا ما قدرت اتحمل اكثر من كذا وكانهم مستقدمين شغاله
ام فلان تختار لي كل شي وابو فلان يسمع كلامها
ثم دريت بعدها انه بيتزوج على زوجته لانه ........ ويبي الحلال وحرمته مالها طاقه ..
انا جلست في حيرة من امري مابين ( عانس ومابين الآم الزواج من معدد) !!
فكرت وفكرت وفكرت
ثم قلت <<<<<<<< مابدهاش خلني احافظ على شوي العقل اللي عندي ولا يحطوني بكرة في شهااار
قطعت المكالمات نهائيا
وقلت للوالده تراني ماعاد ابي فلااان
قالت ليش : مواصفاته ززينه ؟
قلت : صدق لكن يا ميمتي الرجال اللي يبي يعدد لازم تتوفر فيه صفتين مهمه
ا ولا: الحكــــــــــــــــــــمـــــــــــــــــــــــــ ـــة
ثانيا : الرزانــــــــــــــــــــــــــــــــــــــــــــ ــــة
بغض النظر عن دينه والتزامه
وبصراحه انا فاقده الشيئين فيه وان استمريت معه برجع لكم مطلقه
...... هو يبي يعدد لغرض التعدد بس
وحصل الطلاااااااااااااق قبل الدخوووول طبعا والحمد لله انا مرتاحه نفسيا وجسميا وعقليا والسبب اني الحمد لله على صواب بالرغم من خطأئي بالحكم عليه بالأول
لكن من كلامه وتصرفاته تبين لي انه لا ينفع ان يكون معدد
فالمعدد له شروووط وانا اعترف اني اخطأت لكن دفعت الثمن
بس مرتاحه ...
انصحكم اخواتي اللي تقبل الزواج من متعدد لازم قبل كل شي والله والله والله حتى قبل تدينه تعرف هل هو رزين وحكيم في التعامل مع زوجتاااان اما لالالالالا ....
وها انا اعوووود لادراجي واعود الى مقعدي في عداد العوانس
ومضافا اليها حجزي لمقعد جانبي في عداد المطلقات

خواتي الحبيبات انا قلت قصتي وانتم خذوا مايفيدكم منها واستفيدوا
والله يرزق كل وحده الزوج الصالح اللي يعوضها
وادعوووووووووووووووووولي ... لأني فقدت الأمل بعد طلاقي
ارجووووووووووووكم ادعوولي بالزوج الصالح والذريه الصالحة

والسلام عليكم

أختكم : جررررووووح تبتســــــــــــم
جرح العنوسه
جرح الطلاق
(((( عــــــــانس مطلــــــــــقه )))

مبروووووووووووووووووووووك ألف أهنيك على شجاعتك أختي ..

والله إنك فزتي بها ، وهو الخسران ، بس لاتتزوجين معدد يعد اليوم مادامك بكر اسمعي نصيحتي شيليه من راسك ، حتى المطلق احذريه ..


وموفقة ..

__________________
أحب جبالك يالجنوب وأحبك لأنك أنتي الجنوب

الحمدلله إن ربي ريحك منه قبل الدخله

انتي يا غاليه لا زلت فتاة وآنسه تفتخر بذلك

أنا زيك تنازلت حتى حسيت ان كرامتي وصلت للتراب

والآن اعلنها صريحه

(( لااااااااااااااا للمتزوج )))

مهما كانت الظروووف

والله تاخذين شاب منتف يفرح بك احسن من متزوج رافع خشمه عليك

فرج الله قريب

الله يرزقنا جميعاً الأزواج الصالحين العزاب
.
.
.
.
.
.
بنان

__________________

ربنا يرزقك بالزوج الصالح اللى يسعدك و يهنيكى يا رب
ااااااااااااااامين

اختك فى الله
ام محمد



ارجوكم ادعوا لى بظهر الغيب فانا فى اشد الحاجه الى دعائكم

__________________

الأخت جروح تبتسم لا تيأسي من رحمة الله
والحقيقة أنت تعاملت مع الموضوع بحكمة وعقل راجح
فعلا بألأول غرك المظهر ولكن إتضحت لك الحقيقة عندما
تعمقت وبنظرة فاحصة ... بان لك الجوهر ( الوقع الحقيقي)
والحمدلله أنك لم توهمي نفسك بالحب وإلا لن تستطيعي رؤية الواقع!!
لأنه كما يقال الحب أعمى!!!!!
لذا أبدا لا يكون الحكم على الشخص من خلال المظهر بل
من أسلوبه في التعامل و تصرفاته في المواقف (الجوهر)

ولكن هذا ما يمنع أن المتزوج ممكن يعدد
بس يقرأ موضوع الأخت العزيزة زرقة البحر

تحياتي
أخوك بحر الشمال

والله صراحه هذا مايستاهل واشوا انك افتكيتي منه
لاكن اللي بقوله لك ولكل البنات اللي يرفضون العرسان
احس اني ربي يعاقبهم
سبحان الله دايم اللي ترفض العرسان ولو تكون حلوه تلقاها تعنس ونا مابي اجرح بكلامي احد
لاكن اذا تقدم لك شاب كامل والكامل وجهه ليش ترفضينه ماتخافين على نفسة هالشاب ماتخافون من عقوبه الله

ماسمعتوا هالحديثإذا جاءكم من ترضون دينه وخلقه زوجوه فإن لم تفعلوا تكن فتنة وفساد كبير )


نعم فتنه في الارض وفساد كبير


المشكله ان البنت ماتنتبه الا اذا فات الفوت زي اختنا في الله


ويمكن لو كانت قبل مقتنعه كان ربي وفقها باحسن من هالخاطب بالف مره

لاكن هذي الدنيا


وربي يوفقكم

لاحول ولا قوه الا بالله

الله يعينك اختي ويصبرك ويعوضك اللي احسن منه ....

والحمد لله اللي بين حقيقته قبل لاتتورطين معه ....

والله الصراحه انك غيرتي نظرتي وفكرتي للزواج من متزوج ....

تغيرت وجه نظري ميه وثمانين درجه ...

مااقول الا الله يجزاك الف خير ويرزقك الزوج الصالح عاجلا غير اجل

__________________






دعوه للتسامح .. بعد القطيعه .. سجل نداءك..
هواجس عانس... كابوس اسود .. هل يمكن ان يتحول الى حلم وردي ؟؟؟
حائره .. بين مطرقه ((تقدمي واقبلي)).. وسندان (( تراجعي واحذري ))
للمتزوجين والمتزوجات .. ابنك على ماربيتيه .. وزوجك على ماعودتيه ؟؟؟
للمتزوجين والمتزوجات .. هل واجهتك مفاجأه بعد الزواج ... وماهي ؟؟؟

	اولا/ السلام عليكم ورحمه الله وبركاته وما اقول الا الله يوفقك بابن الحلال اللي يعوضك وفكره زينه بانك اختصرتي الطريق قبل ما يكون هناك اولاد وما اقول الا الله يوفقك انتي والباقين من البنات وتقبلي تحياتي/العجمــــــــــــــي

ربنا يعوضك كل خير ويرزقك زوج صالح يحبك ويقدرك ويكون لك جنة الدنيا

خطأ كبير يقع فيه الكثير من الرجال الذي يعددون
الا يعرف الزوج ولا يدرك ان المرأة او الزوجة الثانية سواء كانت الاولى او الثانية ، الا يدرك انها انسانه لها مشاعر ولها احساس الا يتقي الله فيها ولا يذكر المرأة الثانية امامها اطلاقا
والله العظيم انه احساس مليئ بالمرارة الزوجة سواء كانت الاولى او ثانية يمتلء قلبها الماً ومرارة
اتقوا الله في الناس ياعباد الله
يجب على الرجل اذا كان مع زوجته الثانية ، ان ينسى ان له زوجة اخرى ، وهكذا دواليك ، حتى يعطي كل ذي حق حقه ،

ربنا يسهل امرك ياغالية ويرزقك من فضله ومن اوسع ابوابه ويعوضك الخير بالرجل الصالح الهين اللين ، الراكز الرزين

عزيزتي جروح تعجبيني والله

احمدي ربك واشكريه انك تخلصتي منه ولاتزوجتيه

تدرين عاد وانا اقرا كلامك ضاق صدري لأني حسيت بتشابه بيني وبينك شوي

صراحة كنت واهلي نتفلسف شوي مو اي احد نستقبله بس زي ماذكرتي لأن كان اعداد المتقدمين كثار

بس وحتى لو قلو لا للتعدد الا في حالات استثنائية والله لايجيب هالحالات

وانا اقرا كلامك انه تقدم لك عورني قلبي قلت بنفسي لايكون تزوجته مسكينة والحمد الله طلعتي ذكية

وهو مايستحي بعد يسولف لك عن مغامراته هو وزوجته

لو انا بمكانك وسمعته على طول بهون مابيه خخخخخخخ

مرة تقدم لي واحد مطلق تزوج لمدة اشهر بس! وقاعدة افكر اقول ياربي اخاف اتزوجه ويقارني فيها ولا يسولف عن سواياه هو واياها

فما بالك انتي

شوفي ياقلبي مادام ربي بدا يفتحها عليك لكن صار اللي صار ثقي انه بيفتحها عليك مرة وحدة ان شاء الله

ولاتقولين مطلقة ولاشي انتي بنوتة يالحلوة

وقولي امين الله يجيب لك هذاك الشاب اللي ماقدشاف بنت غيرك

بلا متزوج بلاحرقة قلب ياشيخة

__________________
اللهم لك الحمد والشكر
"ولئن شكرتم لأزيدنكم"