السلام عليكم ورحمة الله وبركاته

كتبت عشان افضفض

لما سمعت من فتره اصوات الزغاريد في بيت جيوان اختي بنتهم الكبيره الي هي صغيره مره واصغر مني ات>كرها لما تجي تلعب عندنا اختنقت اختنقت وهي هي متزوجه وحامل وتنظرلي بزدراء !!!!!

قلت لاختي عشان ما اخليها تواسيني قلت مشاء الله بدت الفرحه من عندكم وان شاء الله عندنا
الغريب انو جيرانهم وهم قرايبهم والبنات بنفس السن واصغر مني امكن باكثر من 10 سنوات وزياده بيتزوجون!!!






اليوم الخطابه كلمت اختي تقولها ويت اختك عسى تزوجت!!!! لاني مليت من الاتصال عليهم بدون فائده


رحت زواج واحد بالايام هدي يجون يسلمون علي من يعرفون اني مو متزوجه يبحلقون ويناظروني من فوق لتحت ويمشون!!!

مو عارفه انا بشعه امكن او اخلاقي امكن سيئه
المشكله استغفر الله من جلست اطالع في المتزوجات اقول لاختي كيف تزوجو!!! اللهم لا شماته وانا لا اتشمت اسنانهم خارجه برى حتى الوحده ماتقدر تطبق فمها

وانا حالتي على الله لبس وتصلح

المشكله ببيت اهلي تمر الشهور ماعندي شي بشنطتي ولي فتره 2 سنه ما اشتري لبس ابدا لاني عيييييب ازور الناس وهم يزورنا وما الفائده اساسا رحت جيت ماتفرق

اهلي ادا بطلع للسوق اعطوني 100 ريال فقط!!!!!! وامي تتهرب بعض الاحيان وتخليني اخرج بدون ريال واحد
وهي تشتري شنط وملابس مثل المراهقات مع ان ماتبغى تروح لاحد!!! وش تسوي ال 100 حتى قهوه وكيكه وعشى ماتكفي
انا ما اكدب في كلامي اقسم بالله وماحد يصدقني فيه لان الظاهر احنى من اصحاب المال


ظلم كبير الي انا فيه والي انا اعيشه


تعبببببببببببببببببببببببببببببببببببببببببببت تعبت

مافيه رجال واحد بدنيا يبغاني؟؟؟
مافيه

ليش

حبيبتي ربك كريم و ان شاء الله يفرجها عليك و يتقدملك ابن الحلال الي يستاهلك

لا حول ولا قوة إلا بالله العلي العظيم.. يأختي هدي أعصابك.. فعلا تحسي إن الرحال خلصوا.. أو أختفوا بلعتهم الأرض.. ترى في كثير من الحريم أنانيات.. ما تختار لولدها ولا لأخوها وحده أحلى منها أو أحلى من بناتها.. الله يهديهم..

أنا عارفة إنك ما تبغي تسمعي نصايح من أحد بس إيش أسوي لازم تفتحي عينك وتغيري نظرتك للأمور.. وإلا إنت الخسرانة.. أمك مسألتها سهلة تنحل طولي بالك وكلمتين منك تحسسيها بتأنيب الضمير.. فين والدك ؟

دوري عمل مدراس البنات مليانه والمعاهد.. سوي Cv سيرة ذاتية ولفي على المدارس 1500 أو 2000 ريال في الشهر أحسن من لا شيء !!

الله يعينك..

__________________

من وثق بالله أغناه

ومن توكل على الله كفاه

[CENTER]______________________________

كرروا معي يا بنات


أنا لؤلؤة.. داخل محارة.. في بحر عميق.. لن يكتشفها !!..

إلا غواص ماهر

[CENTER]قال علي بن أبي طالب للأشعث بن قيس:

إن صبرت جرى عليك القدر وأنت مأجور ، وإن جزعت جرى عليك القدر وأنت مأزور[/CENTER]

[/CENTER]

اختي الحبيبة أم مزنة

قولي الحمد لله

المثل يقول حظ الملايح في الأرض طايح وحظ القبايح في السما لايح


لاتزعلي على نفسك راح يجي اللي يتزوجك ويقدرك

والسؤال المهم للي تزوجوا بدري هل هم مبسوووووووطين مع أزواجهم وتلاقيهم يطالعوا فيك حاسدينك لانك بعدك بنت بنوت


والشيء الثاني يا حبيبتي والله العظيم أطالع في أختي اللي تزوجت من عمرها 19 سنه وأخواتي اللي تزوجوا في نهاية العشرينات واللي تزوجت وعمرها 30 إنه تربيتهم لأطفالهم ولبسهم وحالهم أفضل من حال اللي تزوجت وهي صغيرة الحمد لله مبسوطة لكن أحس ما عندها حسن تصرف أحيان كثيرة


كوني من النوع المبتسم المرح الفرفوش انسي حزنك أقل شيء إذا قابلتي أحد

الله يعينك ويرزقك الزوج الصالح يارب وفرج الله اقرب من القريييييييييييييييييب

تحياااااااااتي

__________________
ادعوا لي بالنجاح والزوج الصالح واكمل دراستي

هونى على نفسك حبيبتى ....رفقا....لا تنظرى للامور هكذا...فى كلامك عرفت انك لا تخرجين..اقصد لا تزورين احد...فكيف للناس ان يروك؟؟؟....على اى حال....اسعدى نفسك بايامك...فالحظة ماضية ولن تعود...خسارة ان تضيع فى ضيق...والقدر حتما واقع...ثقى باللة...وبان الزوج الصالح قادم..ولكن محتاج قليل من الصبر...وارجو من الله ان اسمع منك خير زواجك عن قريييييييييييييب وابارك لك...ولكن بشرط..انا اول المعزومين على الفرح

ربي ييسر لك و لنا جميع امورنا

__________________

يا حنان يا منان اللهم أني أسألك أن تفرج هم من سمت نفسها أم مزنه
يا حنان يا منان اللهم أرزق من سمت نفسها أم مزنه الزوج الصالح الحنون الطيب الذي يحطها في عيونه
يا حنان يا منان اللهم حنن قلوب أهل من من سمت نفسها أم مزنه عليها

وإن شاء الله لك دعوة في ظهر الغيب
والله المستعان
تحياتي

__________________
جاء في الأثر أيضا خير الناس أنفعهم للناس .


ما أروع الانجاز والعمل المخلص اذا كان خالصا لوجه الله تعالى,, وكم من مؤمن وقاه الله شر صروف الدهر وأتراح الحياة فبارك الله له في عمره وماله وأولاده ووفقه الى كل خير وحبب عباده فيه، بسبب ما يقدمه في حياته[/SIZE][/B]

لا حول ولا قوة إلا بالله

يابنت خلك واثقة من نفسك ليه ثقتك مهزوزة كذا

دام إنك حلوة وخلوقة ومابدر منك خطأ تجاه أحد

ليش تعطينهم مجال ينظرون لك باحتقار

الله اكبر يعني عشان تزوجوا وإنتي لا ؟؟

ليه هو الواحد يملك قدره بيده ؟

هم حظهم يتزوجوا بدري مو لأن فيهم ميزة عنك !!!!!!

إذا أحد طالعك كذا مرة ثانية خزيه خليه يستحي ويرفع عينه ويتأدب

هذا الناقص بعد !!!!

والله يوفقنا وياك للخير

__________________

حنان يا منان اللهم أني أسألك أن تفرج هم من سمت نفسها أم مزنه
يا حنان يا منان اللهم أرزق من سمت نفسها أم مزنه الزوج الصالح الحنون الطيب الذي يحطها في عيونه
يا حنان يا منان اللهم حنن قلوب أهل من من سمت نفسها أم مزنه عليها

وإن شاء الله لك دعوة في ظهر الغيب
والله المستعان
تحياتي

زي ما قالوا الأخوات ... خليك واثقة من نفسك وشخصيتك .. ألبسي وتكشخي ...

بعدين ترا اللبس مو ضروري يكون جديد ... اهم شيئ النظافة والترتيب ..

وياما بنات عندنا في الدوام الحمدلله والشكر ... تلبس ماركات .. بس ما تهتم بشيئ اسمه نظافة ..

وهي متزوجه وام عيال .. ما أدري هل ما عندها وقت لهالدرجة تتروش ..؟؟

حبيبتي :

واصلي ظهورك امام الناس بمظهر حلو ومرتب ... والزواج قسمة ونصيب

تدرين حبيبتي انا أكبر منك .. وتعديت مرحلة العشرينات أصلا ولله الحمد على النعمه ..

تدرين قرايبنا كلهم مزوجين بناتهم في وهم اعمارهم 16 - 17 عام ..

بنات صغار .. وحده تزوجت العام الماضي اعتقد ... البنت هاذي أذكرها يوم تولد ..

ويوم يختارون لها اسم ( حنين ) ..

حنين هاذي الحين تزوجت وانا اللي اكبر منها قاعده .. وما تتخيلين شلون امها تناظرني نظرات

ويااااارب لك الحمد ..

نظرات الناس ما حط ربي في قلبي لها أي اهمية ..

يعني نظرت الناس ما تهمني .. أبداً .. لأني بشخصيتي اصلاً أقهرهم .. وبتواضعي أيضاً ..

وحده قبل فترة كلمتني تقول : خلااااص يا بنان يكفي دراسة .. تراك عنستي ..!!

حتى دراستي قاهرتهم ..

زي ماقلت لك .. ودائماً أقول : ليس المهم متى اتزوج ؟ المهم من الشخص الذي سأتزوجه ؟ وهل سيرضيني ؟

غاليتي أم مزنه :

والله يوم قريت موضوعك .. حزنت شوي ودعيت لك من قلبي ..

الله يوفقك بزوج صالح عاجلاً غير آجل ..

هو ولي ذلك والقادر عليه ..
.
.
.
.
.
.
.
.
بنان

__________________