16-01-2007, 09:03 AM
|
المشاركة الأصلية كتبت بواسطة بر الأمان
حبيبتي إنت فعلا (في نظري ) مقصره تجاه حياتج الزوجيه ..
أمج تتحمل قدر من المسؤوليه .. لكن مب كلها .. و إنت ما شاء الله عليج كبيره و تعرفين مسؤولياتج عدل و ذكرتي بعضها في موضوعج .. لا تحطين في بالج إنه إنت ما تقدرين.. أو متعوده على الدلع .. أو أمج هي السبب.. تقدرين تغيرين من نفسج للأفضل .. تقدرين تدخلين المطبخ .. في البدايه اتابعين بس.. و شوي شوي تتعلمين .. تساعدين في الطبخ .. لين تعرفين الأشياء الأساسيه .. و تصيرين تطبخين بنفسج .. و ما شاء الله المنتدى مليان .. في أكلات سهله و بالصور .. تقدرين عليها.. و إذا جيتي للوالده .. و الزياره اليوميه.. إنت مب الوحيده المسؤوله عنها .. يوم إنت و يوم اختج و يوم أخوج .. خصصوا كل يوم لشخص.. بحيث ما تروحين أكثر من مرتين على الأكثر في الأسبوع ... التنظيف و المسح و غيره .. أنا أشوف حلو لما تهتم المره بمملكتها بنفسها .. بدل لا تدخلين أحد غريب لدارج .. الشغاله حتى لو أمنتي منها .. مو لدرجة إنها تنظف دارج و الحمام و ترتب السرير و وو و الخ... شو فايدة الزوجه عيل .. جان كفل خدامه .. بدل لا يتزوج!! تقولين راضي و مو هامه ؟!! تظنين إنه دوم رح يتم على هالحال؟! بعد فتره رح يمل و رح يقارن بينج و بين زوجات اخوانه أو خواته .. و كيف كل وحده مهتمه ببيت زوجها .. حتى لو مو أحد من أهله .. يمكن من أصدقاءه و زملاءه يسمع عن زوجاتهم..و كيف قايمين بأمور بيتهم (عكسج) ... افرضي أهل زوجج تضايقوا من هالحال.. أكيد كنتيجه زوجج رح يتضايق .. صح؟! تاكلون و تشربون و ينظفون لكم .. و انت مرتاحه .. تخيلي في يوم رحتوا في بيت بروحكم .. كيف رح تتصرفين ؟! زوجج الحين ماكل شارب في بيت أهله .. لكن باجر لي رحتوا بيت بروحكم شو يصير .. رح يرجع من الشغل تعبان .. و يمر البيت ياخذج و يروح بيت أمج أو بيت أهله .. تاكلون و ترجعون البيت و العشا نفس الحاله .. تقضون حياتكم مشاوير .. متى يمديه يرتاح الفقير!!! أدري إن أسلوبي قاسي شوي.. لكن أنا مابي غير مصلحتج... و أدري ان الموضوع شاغل بالج و ما تنزادين .. لكن أنا كنت صريحه معاج .. لازم تغيرين من نفسج .. و رح تشوفين الفرق  |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري