أم عبدالله: معاك حق، لو انه اخوي ماراح أرضى له انه يتزوج بواحدة تبي تسوي عملية ترقيع عشان تخدع زوج المستقبل!، بس بنفس الوقت كاسرة خاطري.. ابي لها الستر وابي سعادتها، ويحزنني اني اشوفها شايلة هم كبير.
أي بنت بعمرها عندها ولد أو 2 وهي للحين ما تزوجت ولا عاشت التجربة... وإلى متى ترفض عشان السر اللي محد يدري عنه غيرها هي وابوها؟!


الهم: لا هي ما غلطت مرة ثانية.. هي عايشة قصة حب شريفة مع زميلها بالعمل، وما بينهم لقاءات في الخفاء ، يشوفها كل يوم بالعمل لأن مجال العمل بالشركة مختلط ، ولأنه حبها بصدق طلب الزواج منها وهي طلبت منه مهلة على ما يكوّن نفسه ومن جهة أخرى على ما تلقى طريقة تخفي فيها أثر الماضي عشان ما تخسر ثقته فيها واحترامه لها بعد الزواج.

روح الطير: شلون ترجع لزوجها الأول وكان زواجهم عرفي لأنه من جنسية غير جنسيتها السعودية.. هو من بلد عربي شقيق، ومستحيل أهلها يرضون بحكم العادات والتقاليد وأعراف القبيلة عشان كذا هي تزوجت عرفي وعشان كذا ابوها لما اكتشف زواجها من ذلك الرجل رجعها على طول للديرة وبعدها لما اكتشف انها حامل سفرها للخارج عشان إجراء عملية الإجهاض!!
بعدين هي مو محتاجة طلاق لأن زواجها من هذاك الرجل باطل، أولاً لأنها تزوجت من غير علم ابوها، ومعروف ان البكر لازم ابوها اللي يزوجها، وهذا شرط من شروط إتمام الزواج، وثانياً لأن زواجها كان عرفي!

أنتظر مزيد من الآراء والردود.. وشكراً لجميع من شارك في الموضوع بوجهة نظره.