ياأخي الكريم ،،، أولاً: كم عمر زوجتك ؟!

ثانياً: طبيعي الي قاعد يصير إذا كانت هذي هي الطفلة الأولى لكم، لأن الرعاية ماتتعلمها الأم إلا بالتطبيق ماتقدر تتعلمها نظريا، حتى لو أمها قالتلها حطي وسوي ماتقدر تتعلم زين إلا إذا طبقت وأخطئت مرة مرتين لما تتعلم .. لاتنسى إن هذا شي جديد عليها ..

ثالثاً: "أغلب الحريم" مايحبون إن الزوج يتدخل في طريقة رعايتهم لأطفالهم، لبسيه كذا ..... شربيه كذا ........ أوامر تكرهها الزوجة !!
ممكن تجيها بأسلوب ثاني وتكلمها بمزح، لاطفها وعلمها إنك مقدر إن هذي تجربة جديدة بالنسبة لها وإننا بنتعاون مع بعض عشان نهتم بطفلتنا، أمّا إنك تجيها بأسلوب الأمر والنهي فانسى إنها تتقبل منك لأنها تشوف إنها هي المسؤولة الأولى عن هذي الطفلة !!

وأحبّ أفيدك بتجربتي ،،، كان عمري صغير لما ولدت ولدي البكر، وكانت تجربة جديدة وماكنت متصورتها مسؤولية كبيرة لهالدرجة !!!
كنت أحب ولدي وأموت فيه مثل أي أم لكن ماكنت تعودت على هالمسؤولية فمثلاً مرة شفته نام رحت نمت ولاحطيت منبه ولاشي فقام ولدي يصيح واستفرغ "وأنت بكرامة" وأنا نايمة وماحسيت فجاء زوجي وهاوشني وزعل مني يومين !! يقول إني ماأهتم بالولد !!!
أنا مو قصدي أهمله بس ماكنت متصورة ولامقدرة إنها مسؤولية كبيرة !!!

زي الي توهم يتعلمون الطبخ !! تحترق معهم الطبخة وتفشل كم مرة لين يتعلمون ...

فإنت اصبر عليها ولاتجيها بأسلوب الشدّ ولاتخلي هالأمر يسبب لكم مشكلة لأنها فترة وتعدّي بإذن الله ..

عذراً على الإطالة بس رحمت زوجتك لأني حاسة بموقفها المسكينة ..